Болсонаро бил однесен во воена болница во Бразилија во 4 часот наутро, откако по 10 дена икање почнал да се жали и на болки во стомакот. Од кабинетот на Болсонаро објавуваат само дека тој ќе биде задржан 48 часа заради следење на состојбата и дека претседателот добро се чувствува.
Во болницата пристигнал и хирургот што го оперираше Болсонаро откако беше прободен со нож во 2018 кратко пред да биде избран за претседател.
Изминативе денови здравјето на Болсонаро е главна тема во Бразил откако тој имаше неколку појавувања во јавност во кои беше видливо дека има проблеми со зборувањето.
Сомнежот е дека проблемите со икањето започнале по неговата стоматолошка операција, како последица на лековите што му биле препишани.
