По целиот револт и хаос што следуваше по убиството на Флојд, нервозата некако природно се префрли и во судењето на Дерек Човин, и ова беше очекувано. Меѓутоа кога притисокот почна да доаѓа од членови на Конгресот, судијата најави дека има основа да се крене рачна на целото судење.

Американскиот претседател најави конечно повлекување на САД и сојузниците од Авганистан. Земјата се напушта со повеќе територија под контрола на Талибанците отколку што беше случај пред да стапнат таму. Одличен проект. 

Претходно беше објавено дека Амазон ќе плати над 500 милиони долари за снимањето на неколку сезони од серијата Господар на прстените. Денес излезе дека само првата ќе чини 465.

Најновата верзија на поранешниот американски претседател е: уметник, автор на книга и поборник за правда за имигрантите.

Откако Борис Џонсон понуди за сите луѓе во Британија брзи тестови два пати неделно, протекоа информации дека нивната прецизност е загрижувачки лоша: можат да бидат точни и само 2% точни.  

40 годишниот Берни Деjл Харис од Северна Каролина водел двоен живот: дење на деца им предавал шпански и ја тренирал школската баскет екипа а ноќе го земал шурата и оделе да пљачкаат мексикански картели.

На вакцинираните со две дози од Фајзер најверојатно ќе им треба и трета доза во рок од 12 месеци, а долгорочното решение е вакцинирање еднаш годишно, порачува ЦЕО-то на Фајзер.

Продолжува тепачката со научни студии околу вакцините и клучното „здравствено“ прашање која повеќе ќе се шитне. Овојпат Оксфорд вади истражување по кое Фајзер и Модерна згрутчуваат крв исто колку нивната. На малку пошироко ниво, студијата потсетува дека ризикот од згрутчување после вакцинирање од која било вакцина е далеку помал од оној кој го носи заболувањето од ковид.

Во една од највпечатливите приказни од американската претседателска кампања, тамошните разузнавачи објавија и застанаа зад информацијата дека Русија почнала да плаќа пари на секој што ќе убие американски војник во Авганистан.

Раководителката на данската агенција за лекови, Тања Ериксен, колабираше како покосена сред прес-конференцијата на која беше објавено дека Данска трајно престанува да ја користи вакцината на Астразенека.

Еден од највпечатливите ТВ ликови детективот Лутер, глумен од Елба, „не е доволно црн за да биде реален“ е забелешката на директорката за разноликост на Би-би-си.

Моментално ФБИ има над 2.000 истраги кои се поврзани со кинеската влада, и на секои 10 часа отвара нова истрага околу Кина, изјавил првиот човек на ФБИ пред американскиот Конгрес.

Не, не од ковид-19. Многу вируси знаат да нè инфицираат а да не нè разболат, бидејќи за вирусот, мртов домаќин е ќорсокак. Никој не знае дали коронавирусот ќе тргне во тој правец но во оваа фаза станува јасно дека главни ѕвезди на нашата борба против ковидот не се анти-телата (со кои и натаму сме опседнати) туку Т-клетките.

Европската комисија одлучи дека нема да го продолжува договорот со двете компании за снабдување со вакцини против ковид-19 по неговото истекување следната година.

Данска е првата европска земја кој се одлучи да ги повлече дозволите за престој на бегалците од Сирија, инсистирајќи дека во нивната татковина сега е безбедно да се вратат.

До средината на февруари 130 држави низ светот се уште немаа дадено ниту една доза на вакцина против ковид, а САД веќе имаа три пати повеќе вакцини отколку целата нивна популација.

Прва беше Алибаба која мина со казна од 2,8 милијарди долари, и таа е наведена како пример за 34 други локални гиганти на кои кинеската држава главно им го забранува насилничкото монополско однесување карактеристично за западните веб џинови.

За некои смешни за Безос пари, Блу ориџин фати тендер на Пентагон за дизајнирање на ракета на нуклеарен погон.

Ако на работа не можеш заради пандемијата а дома не сакаш од - си знаеш ти зошто, дали изнајмување кабина (која личи како тојфор)  е единствената иднина на трудот црн народ?

Во кратка војна која траеше неполни два месеца, Ерменија капитулираше откако беше целосно поразена од Азербејџан. Сега Азербејџан влезе во следна фаза од војната - ситење на убиените ерменски војници.

Единствената двојба кај испитаниците е дали таа да биде целосно откажана или само одложена уште еднаш, меѓутоа крајниот став на 100 дена пред стартот на Игрите е дека Олимпијадата не треба да се случи.

Главната поплака на овие 110.000 е дека Би-би-си претерала со покривањето на смртта на принцот Филип, откако речиси целосната содржина на сите платформи на медиумот беше посветена на него.

Можеби мажите полесно губат клучеви и новчаници ама па жените не ги додржуваат своите анти-тела против ковид, кои, и онака ги имаат помалку од мажите. 80% од оние кои биле асимптоматски случаи а имале анти-тела, после 6 месеци - ништо. 

Од сите можни "зелени" енергетски решенија, сè повеќе се горат дрвја.  Системот кој се колне во заштита на средината, всушност ја уништува планетата. „Зошто се потепавме да рециклираме хартија, со цел да ги спасиме дрвјата, а потоа да ги гориме како пелети?“