На почетокот на јуни, уделот на луѓе кои примиле барем една доза вакцина изнесувал една четвртина од вкупниот број новозаразени, за сега да дојде до речиси 50%.
Тоа не значи дека дека вакцините не делуваат бидејќи науката секогаш потсетуваше дека тие не се чудотворни и дека милиони луѓе ќе можат да заболат дури и кога ќе примат две дози. Во случајов има и методолошка цака. Апликацијата која ги агрегира податоците за вакцинирани ги смета сите оние кои барем еднаш примиле вакцина.
Бројот на новозаболени е особено висок меѓу младите, и тоа оние кои се со една доза а се верува дека втората доза е особено ефикасна за делта-сојот.
Научници од Кралскиот колеџ во Лондон проценуваат дека третиот бран во кој доминира делта сојот, а кој доби на сила поради олабавување на мерките а можеби и делумно заради европскотзо првенство во фудбал, сепак веќе го има достигнато својот врв.
