Затоа што хемиска кастрација не е доволно тешка казна за да ги одврати педофилите, Казахстан одлучи за најтешките педофилски прекршоци на обвинетите хируршки да им бидат отстранети гениталиите.

Британскиот тинктенк Зелена алијанса со целата своја сериозност пред Горниот дом на британскиот парламент порача дека ставовите на Рован Аткинсон се проблем за владината агенда за укинување на возилата на бензин и дизел.

ЕУ уште не може да се прибере од себе-честитање што извади 50 милијарди за помош на Украина, а веќе парите изгледаат како капар за многу поголема исплата.

Барбара Волтерс правеше интервју со Кастро за време на Студената војна а Оријана Фалачи со Кисинџер за време на војната во Виетнам. Кристијана Аманпур го интервјуираше Слободан Милошевиќ за време на масакрите во екс Југославија а Ден Радер го седна Садам Хусеин непосредно пред војната во Заливот. Такер Карлсон најави интервју со Путин и ете ти беља.

Џошуа Шулт, поранешниот вработен на ЦИА кој го изврши најголемото протекување на тајни во историјата на агенцијата доби затворска казна од 40 години од судот во Њујорк.

Како што сега стојат работите, ако се продолжи по старо, 2024 најверојатно ќе биде идентична на 1916, годината од Првата светска војна која однесе незапаметен број на жртви а донесе многу малку напредок на военото поле, смета Њујорк тајмс.

Германски медиуми пишуваат дека Шведска планира да ја сопре својата истрага за саботажата на Северен тек. Германската истрага продолжува само што Полска ја саботира и не дава снимки. Кога се случија експлозиите, на Запад дури се тврдеше дека зад тоа стои самата Русија или пак „група незадоволни граѓани“. Потоа тивко замолчеа а за медиумите, таа тема беше „зона на забранети летови.“

Руските државни резерви, во износ од 191 милијарда евра, кои по почетокот на војната во Украина се најдоа заглавени во Еуроклиар и годинава сакале-нејќеле донесоа милијарди евра профит за компанијата само од седење таму.

Кога пред некоја година европските креатори на политики ги фати паника дека ќе нема гас за следната зима, наложија да се накрцкаат складиштата. И се накрцкаа, ама по ужасно големи цени кои и ден-денес ги држат сметките за домаќинствата високи. Мудрите европски глави решиле за течен гас да се потрошат 1,1 трилион долари, двојно повеќе отколку што би било потребно за да се обнови Украина. 

Со едногласна одлука американскиот федерален суд одлучи дека на Доналд Трамп може да му се суди за упадот во Конгресот на 6 јануари, иако во тоа време се уште беше претседател на САД.

Американскиот Стејт Департмент има прибегнато кон прогласување воени злосторства во Босна и Херцеговина (1993), Руанда (1994), Ирак во два наврата (1995 и 2014), Дарфур (2004), Бурма (2021), Кина (2021), Етиопија (2023), и Судан (2023). За она што се случува во Газа - туц, муц. А што и да каже кога нивни бомби паѓаат врз Палестинцитеи нивните домови, училишта и болници.

Северна Ирска ја започна „деценијата на можностите“ за време на која ќе одржи гласање за обединување со Ирска, порача новата премиерка на Северна Ирска, Мишел О'Нил.

Еве еден сериозен парадокс и дилема за Европа: како што континентот прави сè за побрзо да стане зелен и да се ослободи од омразениот јаглерод, така истовремено станува сè позависен од увоз од Кина, нејзиниот главен економски и политички ривал. Кина во моментов контролира 80% од глобалниот ланец за производство на соларни панели. Европа? Три посто.

На вработен во финансии во една голема мултинационална компанија во Хонгконг не му е јасно што има спорно со тоа што директорот му рекол да исплати 25 милиони долари на една сметка и тој го направил тоа. На директорот не му е јасно кој тоа рекол да се исплатат 25 милиони долари.

Запрашан дали има намера да го смени генералот Валериј Залужниј, украинскиот претседател одговара дека следуваат отпуштања на голем број највисоки украински функционери и дека се работи за „правец на раководење на државата“ а не само за смена на генерал.

Политичката цензура која денес владее на Запад е точно иста како онаа што владееше во Кина во ерата на Мао Це Тунг. Ова не го тврди некој денешен чауш од Комунистичката партија на Кина. Ова го вели познат кинески политички уметник и дисидент кој има пораснато, живеено и работено  во северозападна Кина а веќе осум години живее на Запад. 

Успесите што Украина во 2022 ги имаше кај Киев, Харков и Херсон ветуваа неизбежен успех на уште подобро подготвуваната и опремена летна контраофанзива во пробивање на руските линии и конечно враќање на окупираната украинска територија. Контраофанзивата почна и заврши, однесе илјадници животи на двете страни, не донесе никаков успех.

Некогаш кафанскиот муабет „абе треба сите да ги оставиш колку сакаат да шибаат стероиди“ е на пат да стане реалност откако организаторот на „Олимпијада на стероиди“ доби поддршка од еден од најбогатите луѓе од Силициумската долина, Питер Тиел.

Пред воопшто да се потпише каков било договор за решавање на палестинското прашање меѓу Палестина и Израел, палестинската држава би можела да биде признаена од Британија, порачува британскиот министер за надворешни работи, Дејвид Камерон.

Канада ја стопира контроверзната програма за асистирано самоубиство на ментално болни лица, бидејќи не може да собере доволно доктори кои би учествувале во истата.

Две третини од најпросперитетните држави во светот се во Европа (иако тоа не значи автоматски и во ЕУ; првите три на оваа табела не се членки на Унијата), но нееднаквоста е огромна, и во самата ЕУ и споредено со оние кои се надвор од неа. Луксембург и Бугарија се два света, иако во иста Унија. Ние? Додека Талат се курчи со паркирани Мерцедеси на плоштад додека пие кафе, ние ќе скроламе за да се најдеме.

Лондонскиот градоначалник Садик Кан инвестира 150 милиони фунти на „таен“ технолошки проект, кој на оние што возат по Лондон, ќе им наплаќа надомест за користење на улиците по изминат километар. Ќе дочекаме ли и за дишење да наплаќаат по градовите?

Спотифај и Џо Роган го одработија фамозниот тригодишен договор по кој блокбастер подкастот досега одеше ексклузивно на оваа стриминг платформа. Не ја прекинуваат соработката. Напротив. Потпишуваат нов договор и сега уште повеќе пари се во игра. Оние што го бојкотираа Спотифај заради него веројатно сфаќаат дека не можеш сите да ги замолчиш со бојкотирање.

Вегански ресторан кој или погрешно ја проценил својата публика или своето знаење од веганска гастрономија, ставен пред избор меѓу пропаѓање или воведување месо, одлучил да го распафка ќумурот.