Како дел од една поопширна програма за отежнување на патувањето во странство на државни службеници, кинеските власти побараа од наставниците од земјата да ги вратат своите пасоши.

Целосната корпоративна каста на Хоум депо, ланецот продавници за алат и сè што ќе ти притреба за реновирање, што го опфаќа секој еден што седи на биро, а не во продавница, ќе треба секое тромесечје да мине еден ден како продавач во некој од дуќаните на компанијата. Правилото ќе биде еднонасочно, продавачите нема да добијат еден ден позади биро.

Иако се чинат како два непомирливо раздвоени светови што ја одразува поларизираноста на времето во кое живееме, Трамп и Камала во суштина имаат слични политики на доста прашања. Како се наближуваат изборите, сличности има сè повеќе бидејќи и двајцата итаат кон центарот, откажувајќи се од некои идеолошки фиксови кои им се покажаа како слаби алки. 

Сред најтешката глобална криза со ковид-19 и глобалниот недостаток на сè и сешто, тогашниот претседател на САД, Доналд Трамп, тајно му испратил ковид тестови на Путин за негова лична употреба.

Наспроти целата неизвесност дали Бут по враќањето во Русија ќе се откаже од својот стар занает и ќе отвори цвеќара, сепак озлогласениот трговец на смрт одлучи повторно да му се врати на својот претходен бизнис и сега пак шитка оружје.

Американскиот трговски суд одлучи дека Марвел и ДиСи повеќе не ја поседуваат трговската марка за „супер херој“ и „супер херои“, и дека таа е за сите за користење.

„Нелегални дроги“ е многу добро дефинирана категорија во Европската Унија. „Говорот на омраза“, од друга страна, не е. Сепак, блокот ги спојува овие две категории заедно за да може да напне уште еден бран притисоци врз главните социјални платформи и да бара повеќе податоци од нив.

Посетата на поплавениот југ на САД што Бајден ја имаше минатата недела е настан кој станува се поредок за американскиот претседател: појавување во јавност.

Универзитетот Кембриџ бара човек што ќе се спакува и ќе тргне на пат околу светот за да собере примероци од сите растенија што ќе ги сретне по пат и да ги врати назад во ботаничката градина на Универзитетот.

Продолжената изложеност на галама од автомобили и авиони го зголемува ризикот од развивање срцеви проблеми, посебно кај дебели лица и кај жени, предупредува една голема нордиска студија.

Европскиот суд ја укина забраната на француската влада за производителите на продукти од растително потекло да ги нарекуваат нивните производи „стек“ или „колбас“, која Париз ја воведе за да ги заштити сточарите. Судот вели дека не може да се забрани нешто кое не е прецизно правно дефинирано.

Од мигрантската популација од 53.000 Албанци кои се наоѓаат во Велика Британија, над 1.200 се во затвор. Анализа на Телеграф на бројот на затвореници по националност обелоденува дека Албанците од Албанија се на врвот на листата која содржи луѓе од 130 држави. Погодете кои се втори?

Чернобил се памети не толку по бројот на жртвите колку по начинот на кој државата реагираше на несреќата - многу лаги, владина неспособност и заедничко чувство на луѓето дека империјата е само сенилна конструкција која веќе нема вистинска поента. Начинот на кој САД реагира не ураганот кој зема меѓу 200 и илјада животи, морничаво потсетува на сето тоа.

Инфарктите некогаш се врзуваа со возраста, но сè помалку е тоа така. Во 2019 година приближно 0,3 проценти од Американците од 18 до 44 години имале срцев удар. Лани тоа се зголемило на 0,5 проценти, или еден на 200. Тоа личи на ниска бројка, но претставува зголемување од дури 66% за само четири години. А тоа за лекарите е „алармантно“.

Бројот на неписмени луѓе во Шведска зимава ќе надмине 800.000 а нема да помине долго време кога се очекува земјата да брои еден милион неписмени луѓе. Причините се гледаат во масовната имиграција иако тоа сè уште е табу тема за официјалните институции. Од што не успеваат да ги описменат децата за девет, задолжителни ќе бидат десет години школо.

Иако и понатаму се најдобрите авиони што Украина ги има, Ф16-ките што САД и другите сојузници и ги испорачаа на Украина се премногу стари модели за да можат да им парираат на најдобрите руски авиони.

Ваква паралела прави колумнист на Блумберг и опишува како коцките повторно се наместени исто како во 1914-та година, спремни историјата да ја повторат, за жал не како фарса туку како вистинска трагедија. Клучот е во Израел и Бенјамин Нетанјаху и тој може мудро и рационално да одговори  на сложената равенка. Само што мудро, рационално и Нетанјаху не одат често заедно.  

Нов документарец на HБО со целата своја сериозност тврди дека го има најдено човекот што ја создаде криптовалутата биткоин, кој изминативе години е познат само по името Сатоши Накамото.

Црната пластика што се користи во најразличен кујнски прибор, детски играчки, садови за носење храна и послужавници за свежо месо и производи во супермаркети, може да содржи алармантни нивоа на токсични хемикалии.

Без разлика колку ВИ изгледа ветувачки има мали шанси дека тоа ќе успее да ги исполни очекувањата, заради што е нејасно и неоправдано и целото инвестирање во технологија и технолошки акции кое се случуваше и се уште се случува.

Американска брачна двојка ја тужела компанијата Убер за сообраќајка која им била приредена додека се возеле во нивно возило. Апелација застанала на страна на компанијата - со сето она што го предвидува и бара Убер, самите се имаат согласено кога притиснале „прифаќам“ на „условите за користење“ на нивната апликација.

Ни најмалку саркастично Европскиот совет за надворешни работи објави извештај во кој предупредува дека опасноста за Европската Унија генерално доаѓа од домородното население на континентот.

Меѓу младите и адолесцентите има постојан раст на проблематично и однесување „налик зависност“, заради што употребата на смартфони треба да биде ограничена со истите  мерки што важат и за тутунот, гласи пораката од Светската здравствена организација.

Во време кога Зеленски се враќа дома без дозвола за гаѓање на Русија и соочен со запрена инвазија на Курск и руско напредување на истокот, Фајненшл Тајмс пренесува изјави од украински команданти дека тие веќе се за преговори.