Одлучувајќи за тужба на маж на кого шефот му свикал, британскиот суд завршува со пресуда дека да му кажеш на маж дека е „ќелав“ може да биде сексуално малтретирање. Стварно.

"Многу луѓе уште не ми веруваат дека Демократите ќе сторат сè за да ме уништат ако победат на 5-ти ноември“, пиша Илон Маск на својата платформа нудејќи пример за тоа како корпоративните медиуми сериозно се бават со прашањето дали тој може да биде депортиран од САД. Искусниот Ким Дотком му нафрли: "Ќе завршиш во Гулаг затоа што рискираш сè за нас. Ти благодарам.“

Државната сопственост на клучните ресурси на една земја може да се покаже како гарант на стабилноста и развојот. Додека приватниот менаџмент е фокусиран на краткорочната профитабилност за акционерите, државата како сопственик може да биде трпелива и да постави долгорочен развој и одржливост како главна деловна цел. Оние што ги раздаваа стратешките ресурси не се баш усреќија.

Иако финансиски се исплати да бидат сојузници (собраа милијарда долари за кампањата на Хилари) и се неверојатно бучни и активни, прогресивците не само што немаат импресивна бројка (околу 8% од електоратот) и не само што имаат ставови различни од мнозинството Американци, туку и ги оддалечуваат другите за да нејќат да бидат во ист табор со нив.

Некои од најжестоките противници на Трамп сево ова време се републиканци кои не можат да ја поднесат неговата надворешна политика. Тој беше меѓу првите кои рекоа дека војната во Ирак беше грешка и често го повторуваше фактот дека во негов мандат не е започната ниту една војна во странство. Тоа уште не можат да му го простат а допрва планираат да прават пари од војни.

Извесен Дејвид Голдстон е именуван за канцелар на Одделот „вредност за пари“ кој за задача има да го советува британското министерство за финансии што се паметно потрошени пари а што е залуден и непотребен трошок. Така доаѓаме до платата на Голдстон. 

Во најновата итерација на „да ги потрошиме запленетите руски пари“, Европската комисија размислува на префрлање на руски имот со цел да се поддржи заемот за Украина од 45 милијарди долари.

„Изборната кражба никогаш не била полесна,“ вели автор кој потсетува како изборните правила и процедури беа менувани за да се отежне докажувањето на нерегуларните гласови. Америка секогаш гледала на одложувањето на изборните резултати како сигнал за политичка дубара, ама, кога се работи за некаде во странство. Во САД, гласачите уште сега се инструираат да не чекаат резултати веднаш.   

Иако ланската година беше рекордна по запленетиот кокаин во европските пристаништа, се очекува оваа година за крим-полицијата да биде далеку понеуспешна. Причина за тоа е што криумчарските банди во меѓувреме нашле начин како да им ја отежнат работата на полицајците и развиле нови методи заради кои речиси е невозможно кокаинот да биде откриен.

Откако речиси две години на фронтот двете страни главно напредуваат во педи, во октомври годинава Русија освојува најголема територија уште од летото 2022, откако украинските линии почнуваат да пукаат под константниот притисок, пишува Њујорк тајмс.

Ова е најдоцна во годината што планината Фуџи била без снег откако Јапонците почнале да водат писмен есап за тоа пред 130 години. Обично снегот прв пат се појавува некаде на почетокот од октомври.

На анкета спроведена на две недели пред изборите во САД, повеќе од една четвртина од испитаниците изјавиле дека стравуваат дека по претседателските избори ќе избие граѓанска војна во земјата.

Животните многу повеќе претпочитаат ферментирани овошја отколку што досега се претпоставуваше, што значи дека им е јасно какви ефекти врз нивното расположение предизвикува етанолот во нив. Не е најпаметно пијани да се пентарат по дрвја со куп предатори околу нив, ама па алкохолот и паметта никогаш не оделе заедно.

Раководителката на една долгорочна студија за блокатори на пубертет признава дека резултатите покажале дека оваа терапија не го подобрува менталното здравје кај децата на кои им се дава, ама тоа не се објавува заради страв дека истите овие резултати ќе бидат злоупотребени од противниците на оваа мерка.

Рускиот суд пресуди дека Гугл им должи оштета на руските медиуми заради блокирање на нивните содржини во износ од цели 20 децилиони долари. Бројката се пишува 20 со 33 нули.

На оглас за недвижности во Силициумската долина (Сан Хозе) се издава буквално простор под скали (3 на 0,9 метри, или неполни 3 квадрати) за само 250 долари. Според огласот, местото најдобро ќе му легне на „гејмер“, а лица со криминално досие не се примаат.

На нешто повеќе од една недела до денот на изборите за претседател во САД, претседателската трка изгледа поблиска од кога било. А тоа е лоша вест за Камала Харис: до пред само еден месец таа имаше солидно и стабилно водство. Ама почна да вергла празни флоскули. Сè повеќе топ демократи се убедени дека Харис ќе изгуби.

Новинарска истрага на францускиот весник „Ле Монд“ покажа дека тајните локации и движењата на американскиот претседател Џо Бајден, претседателските ривали Доналд Трамп и Камала Харис и други светски лидери може лесно да се следат на интернет преку фитнес апликација што ја користат нивните телохранители. Страва.

Светската банка е една од оние глобални финансиски гиганти кои влеваат стравопочит не само во поглед на моќта, туку и заради сериозноста со која ги решаваат светските проблеми. Но, финансиска ревизија на нивното климатско портфолио покажува доста арабаџиски однос - не е јасно каде завршиле меѓу 24 и 41 милијарда долари.

Економските проблеми на Германија и сè повисоките трошоци за производство го натераа производителот на автомобили да планира затворање на три свои фабрики во матична Германија, со што на улица ќе останат стотици илјади вработени.

Затвори очи и замисли 12 милиони луѓе. Сега замисли дека сите овие 12 милиони по цел ден единствена работа и кариера во животот им е само да бидат инфлуенсери по социјални мрежи. Е овие 12 милиони се само во САД.

Еден пакистански имам од Италија почнал на своите верски служби да станува сè поекстремен, до ниво да бара од верниците на секој начин да им се спротивстават на неверниците, да избегнуваат плаќање данок на државата и слично. Иако иманот е таму речиси 30 години, Џорџа Мелони веднаш потпишала декрет тој итно да биде протеран од Италија.     

Канаѓанец со секакви ментални проблеми помислувал на смрт за да си ги прекине маките. Во таа земја е легализирано асистирано умирање, но за болести кои се неизлечиви и безнадежни. Докторите кои решавале за неговиот случај, дале дозвола за еутаназија, заклучувајќи дека на човекот не му е добро после трите ковид вакцинации.

Доколку плачете на филмови, секојдневни ситуации ги толкувате како опасност по живот или се плашите од одбивање, тогаш имате уште една работа за која треба да се секирате - најверојатно порано ќе умрете.