Ерик Ајдл неочекувано запука по Џон Клиз велејќи дека тој отсекогаш бил некој што ги малтретира оние со кои работи. Клиз потврди дека не сега, туку отсекогаш се презирале. Ајдл е разочаран што на стари години мора да работи и за тоа ја обвини ќерката на Тери Гилијам. Палин е со Клиз а останатите двајца Пајтоновца имаат среќа да не учествуваат во оваа неславна геријатриска епизода на славната трупа.

После Капиштец, и Аризона го добива својот Беверли хилс, како што е наречена една нивна долина во која последниве години нагрнуваат богати луѓе од Калифорнија. Просениот имот таму е поскап од оној во Сан Франциско и Лос Анџелес ама па подоцна се заштедува на даноци. Плус раат, ширина, едноставност, помалку гужви и блажено отсуство на лајави прогресивци. 

Академик од Универзитетот во Кембриџ не само што верува туку и јавно изјавува дека ако се вработува според меритократија бројот на црнци професори на Харвард ќе падне на речиси нула. Е, тој.

Заради ризик деловите за воени авиони што Холандија требаше да му ги испорача на Израел да бидат искористени во „сериозно прекршување на меѓународното хуманитарно право“ холандскиот апелациски суд реши дека деловите за Ф-35 остануваат во земјата.

Кога калифорниските законодавци во 2014 година усвоија закон со кој се забрануваат пластичните кеси за еднократна употреба, големи беа надежите дека тоа драстично ќе ја намали количината на фрлена пластика. Една деценија фаст форвард: Калифорнијците денес фрлаат повеќе килограми пластични кеси отколку пред донесувањето на законот.

Приватно, возраста и менталните капацитети на Бајден веќе подолго време претставуваат проблем за голем број негови соработници и општо за демократите. Сето тоа ескалираше минатата недела кога официјален извештај објави дека Бајден има сериозни пропусти во својата меморија.

Министерот за надворешни работи на ЕУ како да беше на чекор да им порача на Израел и САД „доста нè правите будали“, околу судирот во Газа и сите изјави што доаѓаат од ова дуо, наспроти нивните постапки.

По завршувањето на разговорот со рускиот претседател, а пред истиот да биде обработен за објавување, Такер од својот апартман во хотелот во Москва ги дава своите првични размислувања околу интервјуто со Путин.

Поранешниот, а можно и иден претседател на САД, изјави дека отворено би ја „поттикнувал“ Русија да ги напаѓа членките на НАТО кои не ги плаќаат сметките кон северно-атлантската алијанса.

Основачот и ЦЕО на ОпенАИ парите не ги бара за себе туку за целосно преуредување на глобалната индустрија на микрочипови, кои инаку се сметаат за главен фактор кој спречува уште поголем развој на вештачката интелигенција.

Волците кои хараат во зоната на радијација на Чернобил низ годините успеале да развијат мутација што ги прави отпорни на рак, откриваат научници од Принстон.

По нападот на Хамас, Бајден и Блинкен веднаш се појавија во Израел за да ја дадат својата поддршка и да порачаат дека земјата „има право да се брани себе си“. Од тогаш поддршката константа еродира пред постојаниот наплив на видеа и фотографии од убиени палестински деца и разрушена Газа.

Ова е Хинд Раџаб, шестгодишно девојче од Газа кое нема да дочека да наполни седум години. Тоа во насловот се нејзините последни зборови кои по телефон им ги кажала на спасувачките екипи од Црвената полумесечина. Дванаесет дена подоцна од нејзиното молење, малата е најдена мртва заедно со неколку членови на нејзиното семејство и двајца спасувачи кои пробале да помогнат.  

Вработени на огромни и познати компании од Америка и Европа (Волмарт, Нестле...) се мониторираат од вештачка интелигенција која ја следи нивната секојдневна меѓусебна комуникација, за газдите во реално време да можат да го следат нивното расположение. Шпионскиот софтвер преработува околу 20 милијарди индивидуални интеракции на преку три милиони вработени.

Поголемиот дел од енергијата што ја ставате во автомобилот на бензин се троши залудно, што не е случај за електричните автомобили. Внесете 100 единици енергија во автомобил на бензин и добивате само 20 единици движење. Моторите на внатрешно сосогрување се шокантно неефикасни.

Рускиот воен транспортен авион ИЛ-76 кој на 24 јануари се сруши во регионот на Белгород бил погоден од ракета на американскиот Патриот ПВО систем.

За сите нас кои ја сакаме Америка, беше жално да се гледа како во ист ден Путин везе два саата, а Бајден не може да врзе ни две минути. Џо успеа да утне од каде е претседателот на Египет а дента излезе и извештајот дека има проблеми со меморијата и не може да се сети а) кога бил потпретседател и б) кога починал син му Бо. Но, поинтересна е паниката во американските медиуми.

Специјалниот советник Роберт Хур ги објави резултатите од истрагата за тоа како Џо Бајден се справувал со доверливите документи по потпретседателскиот мандат. По извештајот нема да бидат покренати никакви кривични обвиненија за Бајден, ама според содржината веројатно толку е и од неговата политичка кариера.

Постојат херои кои сите ги знаеме но и херои кои допрва треба да се препознаат. Таков е  гитаристот на MC5, еден од најважните рокенрол бендови на сите времиња, Вејн Крамер (1948 – 2024). Нејасно е како таква величина остана на маргините сè додека Том Морело од Рејџ не почна да зборува колку му значел нему и на групата.

Украинскиот претседател го смени командантот на вооружените сили на Украина, генерал Валери Залужни. На позицијата на Залужни доаѓа досегашниот командант на украинските копнени сили, Олександар Сирски.

Како што најави, во 18 часот по американско источно време Такер го објави интервјуто со рускиот претседател снимано само два дена претходно во Москва. Интервјуто трае околу 2 часа, и до сега само на Твитер погледнато е 65 милиони пати. Премиерата на интервјуто беше на ТЦН мрежата на Такер.

МинтПрес анализирале како големите американски медиуми ја покриваат јеменската блокада на Црвеното Море и тензиите во тој регион, откривајќи огромна пристрасност. Ситуацијата се објаснува како резултат на агресивен тероризам од страна на Ансар Алах (попознати како Хути), додека САД се опишуваат како неутрален актер со добра волја кој несакајќи бива вовлечен во блискоисточниот конфликт.

Последен пат кога европските петрохемиски погони работеа толку малку како сега, Сајгон падна и означи крај на Виетнамската војна а АББА беа најпопуларниот бенд на континентот. Тоа беше 1975 година, кога сè уште се лижеа раните од првата нафтена криза. „Речиси половина век подоцна, индустријата умира“, пишува во Блумберг.

Затоа што хемиска кастрација не е доволно тешка казна за да ги одврати педофилите, Казахстан одлучи за најтешките педофилски прекршоци на обвинетите хируршки да им бидат отстранети гениталиите.