Една од најважните работи што Израел ја направил пред да го почне ембаргото кон Газа, е да пресмета кој е минимумот на калории што им е потребен за преживување Палестинците.

Полициското ликвидирање нарко босови во Јужна Америка прави топ вести ама не врши работа. Додека јавноста се израдува, картелот или веќе има нов лидер или се поделил на 10 помали. Сега ќе пробаат со Гугл аналитикс.

Низ цела Европа богатите малцинства се повеќе имаат желба да добијат независност од сегашната матична држава, која во време на финансиска криза се повеќе почнува да им тежи.

Завршувањето на безгрижното лето потсетува на ужасот на сите обврски кои доаѓаат со есента. Истовремено, и на слатката радост дека сето тоа може некако да се забуши.

Т3 магазинот ги прогласи своите шампиони во технологијата за 2012-та. Категориите се движат од телевизор и фото-апарат на годината, до телефон, компјутер и се помеѓу. Многу Андроид и персонални компјутери, плус нешто малку Ајфон.

Николас Саркози е на добар пат да му стане колега на Тони Блер, доколку реши да ја прифати работата во Морган Стенли за плата од - 200.000 фунти на час.

Без разлика што PSY од порано е познат во Јапонија, земјата речиси комплетно го игнорира глобалното лудило околу неговиот хит (476 милиони прегледувања до сега).

Септемврискиот број на Вог е толку легендарен што се сними документарец за изданието од септември 2007-ма кое имаше 840 страни, од кои 727 беа со реклами. Изданието за септември 2012-та, има 916 страни.

Комплетната француска младина ќе се спаси од домашни задачи ако Оланд успее да го протне својот најнов предлог за унапредување на образованието.

Не само што БлекБери има проблем да продаде нови телефони, туку и постојните корисници се срамат од тоа што имаат БлекБери.

Спонзорството за подвигот на Феликс го чинеше Ред Бул околу 50 милиони долари, на што компанијата имаше ќар од околу 12.000%.

Факт: семејното насилство се зголемува после важен спортски настан. Факт: само што игравме со Србија. Факт: првата точка важи и во случај на пораз и во случај на победа.

Што прави денес еден од нашите своевремено најомилени диктатори, после Сапармурат Нијазов? Американскиот "Пато" деновите ги минува најпензионерски. Игра голф и се храни по фини ресторани. Чекајте, чекајте, и црта портрети на кучиња.

Yellow Pages до тој степен стана неинтересен за публиката, што сега мора да се вади на американскиот устав за воопшто да може да се појави пред Американците.

Немајќи излез од санкциите и зулумот што тие и го прават на земјата, Иран разгледува некои прилично очајни планови, меѓу кои и масовно испуштање нафта во Персискиот залив, за да се кренат цените на горивото.

Британскиот печат е сексистички и полн со родови стереотипи. Женско стигнува на насловна само ако има фотка со трагови од насилство или пак ако има дупе како Пипа Мидлтон.

На страна тоа што го пишува во официјалните норми за секоја од претседателските дебати, двете кампањи потпишале таен меморандум со Комисијата за Претседателски дебати, во кои ги уредуваат правилата за дебатите. Од типот - Комисијата треба да се потруди никој од кандидатите да не се испоти.

Соединетите Американски Држави.

Ниту четвртина од Американците не одговориле позитивно на прашањето: "Дали вчера прочитавте печатен весник?"

За да се ублажи табуто меѓу муслиманите чија вера забранува зеленашење, пуштена е Мастер кредитна картичка во која има вметнат компас кој на корисникот секогаш му ја покажува Мека, точниот правец на дневните молитви. Прајслес.

Не сакајќи да ги поврзуваат со грчката влада, посебно не во делот со кредитниот рејтинг, еден од најголемите производители на грчки јогурт (a.k.a. кисело млеко) во светот, се отсели од матичната држава.

На страна желбата на Баумгартнер и гравитацијата на Земјата, главна работа зад успехот на Феликс беше технологијата која му помогна да се качи горе и да се спушти во еден дел.

Уште не е познато колку Микрософт планира да заработи на Виндоус 8, ама затоа се знае дека планира да потроши меѓу 1,5 и 1,8 милијарди долари на негово рекламирање.

Вонсериски лудиот Феликс Баумгартнер успеа во својата намера да се фрли од керамидите на вселената, притоа да го пробие звучниот ѕид и на крај да слета на нозе во пустината Ново Мексико. Ако понеделнички имате дилема дали за нешто што ви е битно вреди конечно да го направите првиот чекор, ѕирнете како изгледа тоа кога пред себе се има бездна од 39 километри.