Вториот по големина телеком во САД, АТ&Т, ќе го купи најголемиот провајдер на сателитска телевизија во земјата, DirecTV. На ова претходеше купувањето на ТајмВорнер од страна на Комкаст за приближно иста сума (45 милијарди долари).

За да вадат профит автомобилските компании мораат да продолжат со одржување и зголемување на бројот на произведени автомобили. За да произведуваат автомобили треба да има побарувачка за истите, а нема. Решение: џиновски паркинзи.

Пред 50 години во италијанското гратче Алба е произведено првото тенџере Нутела. Минатата година во светот беа продадени 365 милиони килограми Нутела, или по 1 милион килограми Нутела на ден.

Српскиот премиер деновиве издаваше команди и глумеше експерт за сè а никој од стручните лица не собра доволно храброст да му издаде команда да заќути. Медиумите, башка непогода.

Првичниот неуспех на Обама да се справи со Путин во основа може е само дел од долгорочната стратегија на неправење ништо, која би требало да резултира со пропаѓање на целиот план на рускиот Претседател.

Адетот е дека младоженецот треба одвои две до три месечни плати за да купи веренички прстен, сума која се базира исклучиво на она што најголемиот производител на дијаманти во светот го порачува во своите реклами.

Прво, носење кацига на точак само ги одбива луѓето од користењето велосипед. Второ, возењето велосипед не е посебно опасна форма на транспорт во смисла на повреди на глава. Трето, иако кацигите помагаат во случај на несреќа, тие во исто време ги зголемуваат шансите да се најдеш во несреќа.

Италијанските власти затворија фабрика за моцарела, а 13 лица се уапсени затоа што: А. откриено е дека фабриката служела како параван за пакување дрога, Б. затоа што во неа се фатени како работат малолетни деца, В. затоа што направиле пратка лоша моцарела. Избери едно.

Повеќенасочните хејтања која ги предизвика појавата на Кончита е само мачкање очи пред еден многу посериозен глобален судир. Кончита стана повод за поделба на Европа а гласањето за или против неа стана травестиран референдум за или против Русија.

Јавноста ги дозна расистичките ставови на сопственикот на Клиперси, сите се згрозија а НБА му удри доживотна забрана и милионска парична казна. Навидум, сè е како што треба да биде во едно морално здраво и сензитивно општество. Ама, дали е баш така?

Во САД моментално има 5.000 тигри, од нив само околу 5% се сместени во зоолошки. Во остатокот од светот, во дивина, нема повеќе од 3.200 примероци.

"Качи се на планина не за да закачиш знаме туку за да го победиш предизвикот. Уживај во воздухот и запомни го погледот. Качи се таму за да го видиш светот а не за тој да те види тебе", порачува еден паметен даскал кој 26 години им предава на средношколци.

Џими Пејџ доби почесна титула доктор на престижниот Универзитет Беркли. Им одржа поздравен говор на дипломците на Беркли а тие потоа му возвратија со изведување парчиња Лед Цепелин. Освен смешната одора, тотален хепиенд за рокенролот..

Европскиот суд создаде ноќна мора за Гугл и останатите сервис провајдери кои во иднина ќе мора да бришат податоци за луѓе ако нивните стари приказни веќе не им се допаѓаат.

Швеѓанецот со алжирско потекло кој го потпиша фасцинантниот музички документарец за Сиксто, починал во Стокхолм, на само 36 годишна возраст. Не се најдени траги на насилство но полицијата засега не ја обелоденува причината за смртта.

Бразилската полиција состави упатство за туристи што ќе дојдат на Мундијалот во јуни, во кое ги замолува ако им дојде ред да бидат ограбени, да не прават многу галама, за свое добро.

Пари од ескорт личат на лесни пари за една порно глумица. Ама потоа ќе заборавиш кондоми и ќе упаднеш во "Pretty Woman" клише.

Додека очите на Вашингтон се свртени кон неговите потези околу Украина, Путин тивко но сигурно влегува во нивното најблиско соседство, масовно вооружувајќи сè што се наоѓа јужно од Рио Гранде.

Сефер е еден 62 годишен Турчин кој се пријавил на емисија за наоѓање партнерки. Не можел да се пријави на она "Менувам жена" јер нема што да трампа. Како што призна среде емисија, тој својата жена ја убил. И уште една екс партнерка. Ама нема више.

Психички едно од најпеколните искуства на социјалните мрежи е кога ќе објавиш нешто, и никој никако не реагира околу тоа. Лајк со коментар е едно од највозвишените чувства.

Во изминатите 100 години луѓето во просек се пораснати за 10 сантиметри, и тоа најголемиот дел од извишувањето се случува на почетокот од 20-от век. Главна промена во овој период - значително подобрување на условите во кои растат децата.

Основите и однесувањето според кое може да се процени дали човек е расист се прилично јасни, не е јасно како толку малку луѓе се расисти кога и онака сме предодредени за тоа.

За луѓе што не сакаат многу да му ја мислат обично велиме „не сака да си го троши мозокот“. Хемиски, не може да биде поточно од ова. Од друга страна, живееме во култура што од нас постојано бара да бидеме објективни. А како што знаете од медиумски примери, тоа најлесно се постигнува ако сам се прогласиш за објективен, без разлика колку од тебе вришти пристрасност.

Човекот се ближи на 50-тата година од животот и сè повеќе му пречи кога гледа како млади луѓе прават музика од тотално погрешни мотиви.