Токму со таков наслов, Форин полиси објавува текст за илузиите дека национализмот може да биде избришан туку-така, само ако, ете, малку се потрудиме. Авторот е професор по меѓународни односи на Харвард, па ваљда му е јасно дека тој феномен кој го обликува светов во последната половина милениум, не може да се победи само затоа што „напредни“ упорно ќе викаат дека е „назаден“.

Сите знаеме дека да се јаде бело месо е каде-каде поздраво отколку да се јаде она црвеното. Е па, не.

Поглаварот на римокатоличката црква промени секвенца во веројатно најчестата молитва на христијаните, онаа со која го започнуваме секој семеен ручек фатени за раце, молејќи се да не е боранија.  

Општонародни се муабетите како мобилните телефони ни го уништиле животот и го разориле ткивото на општеството, од дезориентирани родители до исчашени демократии. Но, можеби има нешто за кое треба да им се каже фала. Помалку се гине од маалски бандити.

Американските производители на автомобили своите гревови со загадувањето ги перат со помош на Тесла, па колку повеќе тие продаваат автомобили на бензин/дизел, толку повеќе пари завршуваат кај Тесла.

Илјадниците мигранти кои загинаа во Медитеранот се жртви на политиките на Европската Унијата, тврди група адвокати кои бараат Меѓународниот кривичен суд да започне истрага против Унијата за злосторства против човештвото.

29-те убиства што се случуваат на 6-ти март годинава го израмнуваат бројот убиени цивили со огнено оружје во САД за 2019 и загинати американски војници во Нормандија на 6-ти јуни 1944.

Пред некое време Лувр затвори затоа што гужвите се станати неподносливи, Венеција уште ротвајлери им нема сснато на туристи, а на Монт Еверест годинава има колона планинари како на студентски прашања пред јунска сесија.

Министерот за правда на Ципрас, Михалис Калогиру, во грчкиот парламент поднесе предлог закон со кој се олабавуваат казните за силување и што сè се смета за силување според грчките закони.

Како што неочекувано беше објавена веста дека Фиат Крајслер сака да го купи Рено Нисан, идентично напрасно беше објавено и дека Фиат се повлекува од намерата за спојување со Рено.

Кино сојузот на Македонија по 48. пат го организира Државниот фестивал на непрофесионален филм кој оваа година ќе се одржи утре на 7ми јуни (петок) во конгресната сала на хотел Монтана - Крушево со почеток во 19 часот.

Иако се повеќе компании дозволуваат плаќање со биткоин како со регуларни валути, криптовалутата упорно се штека и се чува за вадење на потенцијален ќар од нејзиниот (секогаш) очекуван раст на берзите.

Во тужба пред американските судови Оракл обвинува и нуди нови докази дека нивниот конкурент Амазон му понудил работно место на висок функционер на Пентагон во замена за пишување на условите на тендерот на начин поволен за Амазон. Тендерот е на износ од 10 милијарди долари.

Се очекува британските овоштарници и плантажи да останат без потребните сезонски работници кога заради брегзит ќе заминат аргатите од ЕУ. Решение за проблемот се гледа во затворениците. Дека не мора затворот да се лежи.

Тестирајќи до каде можат да го истераат принципот „Грк не добива пари додека не заплаче“, владата на Грција повторно ги повика Германците да седнат да разговараат околу репарации за двете светски војни. Другата страна и понатаму е на иста дистанца: тоа е решено пред многу години.

Иако Епл корисник е на готовс до последен жирант да ја правда секоја цена на нов Епл производ, годинава ова ќе бара вонредна волја и сила откако компанијата реши новиот монитор од 5.000 долари да го продава без постоље. За да имаш на што да ти стои мониторот се доплаќа уште 1.000 долари.

Ако сте принудени на работното место постојано да се смешкате и да бидете пријатни со секакви говеда имунизирани од статусот „клиент“ само за да уживаат во повластеноста на тој статус дефиниран во она глупо капиталистичко правило „Муштеријата секогаш е во право“ (не, никој не е секогаш во право), таа напнатост и претерана контрола на емоциите некаде мора да се олабави за да не пукне. Алкохолот е логично решение за испуштање пареа од зовриениот емотивен бојлер. 

Орегон е до толку преплавен со легална марихуана, што ако во моментов престане да се сади и одгледува, ќе бидат потребни 6 и пол години за да се испуши (или изеде како додаток во храна) залихата што моментално ја имаат.

Најголемите банки на Вол стрит се синхронизираа во стравот дека ескалацијата на трговска војна на Трамп со Кина ќе ги одведе САД и светот во економска рецесија. Рокот е 9 месеци.

Главно дилемата на Верџ се однесува на Микрософт кој од една страна е еден од најголемите софтверски партнери на Хуавеи (за нивната линија на лаптопи), а од друга страна е еден од најголемите софтверски партнери на американската влада.

Како што Монсанто од рочиште во рочиште се приближуваше до судските казни во неколку тужби, така документи (објавени како докази) откриваа како компанијата дава сè од себе за да ја замати целата приказна околу себе.

Со децении САД и останатите ја тераа агендата на слободен пазар која спектакуларно разочара, пишува добитникот на Нобел за економија и професор на Универзитетот Колумбија, Џозеф Стиглиц.

227.534 Грци сметале дека Киријакос Велопулос е најсоодветниот човек да ги претставува во Европскиот парламент. Член на партијата со радикално име и иста таква, радикално десничарска политика, „Грчко решение“, тој е сепак најпознат по друга своја дејност - телешопинг и продажба на, најблаго речено, необични артефакти.

Францускиот Сенат го одобри надополнувањето на законот за реставрација на катедралата, и според него на Нотр Дам не смее да се смени ниту еден камен, штица или шајка од она што било негова „последна позната визуелна состојба“ пред пожарот.