Минатата недела американскиот Конгрес во обид колку толку да пушти некоја помош одобри нови 300 милиони долари помош за Украина. Излезе дека Пентагон ги има потрошено парите уште пред 4 месеци.

Кога високи американски генерали се пензионираат, ретко кој решава да шета внучиња по парк или конечно да ја среди онаа шупата што му е хаос. Влегуваат во лукративниот круг на говорници на кои агенции им наоѓаат тезги со извршни директори и слична публика. Хилари Клинтон од еден таков говор заработува колку што генералот Марк Мајли заработуваше цела година од армијата.

Во случај да избие војна Британците ќе можат на непријателот да му парираат 10 дена со муниција, тврди во сведочењето пред британскиот Парламент поранешен висок функционер на тамошното министерство за одбрана.

Пристаништето во Балтимор е 9-то по големина американско пристаниште за производи од странство, преку кое годишно минуваат околу 52 милиони тони роба. Од вчера пристапот во пристаништето е блокиран откако брод директно се заби и го сруши мостот кој минува по целиот пристап до заливот во кој што се наоѓа пристаништето.

Американската федерална агенција за храна и лекови, чии упаства и препораки за време на пандемијата беа „све и свја“, со согласи да ги избрише сите свои пораки на веб страници и социјални медиуми со кои бараше луѓето да престанат да користат ивермектин. ФДА ова не го прави доброволно, туку затоа што ја тужеа доктори и немаше каде.

Балтичките лидери ги притискаат членките на НАТО да почнат работат на враќање на задолжителното служење војска во своите држави, за да имаат доволно луѓе подготвени за заканата што доаѓа од Русија.

Новото задолжување на американската влада од 1.200 милијарди долари, изгласано и во двата дома на Конгресот и потпишано од Бајден, кое ќе спречи затворање на администрацијата, доаѓа во пакет со забрана за бесење Прајд знамиња во која било американска амбасада во светот.

Гувернерот на Флорида потпиша закон со кој на децата до 14 години целосно им се забранува пристап до социјалните мрежи, а на 14 и 15-годишниците им треба согласност на родителите за да бидат на социјални мрежи.

Without further ado: Саудиска Арабија! Таа држава издејствувала да биде главна во комисијата за женски права и родова еднаквост на Обединетите нации а организации како Амнести се ужаснати од оваа хипокризија. Со оглед на дебелото досие на Саудиска Арабија на тема женски права, ќе дочекаме ли и педофил да стават за прв човек на Уницеф?

Првиот човек на Боинг, Дејв Калун, ќе ја напушти компанијата до крајот на годината, раководителот на одделот за комерцијални летала ќе се пензионира веднаш, а претседателот на бордот нема да бара реизбор, е исходот на неколкумесечната катастрофална серија на грешки што ги зафати авионите на Боинг.

Самотијата е полоша за лицата над 65 години отколку алкохолизам, дебелина, пушење по 15 цигари на ден или терање седечки начин на живот.

„Помагав во воздушните евакуации во Авганистан, организирањето и носењето помош на фронтот во Украина, помагав во градењето патишта во Руанда,“ пишува активистот Амед Кан во Интерсепт. „Ништо од тоа не ме подготви за она што го доживеав во Газа во обид да внесам неколку камиони со храна и лекови.“

Откако беше откриено дека лекот за дијабетес има нус-појава во која го блокира апетитот и драстично помага во слабеење, сега жените открија и негова втора нус-појава, а тоа е дека додека го користат полесно остануваат бремени.

Се чини дека како што германските гласачи сè повеќе се вртат против владата, владата станува сè поавторитарна. Иако неуспешно се обиде да ја претстави побуната на земјоделците како дело на крајната десница, непопуларната влада на Шолц и натаму сака да се заштити од опозиција. Ако коалицијата на Шолц беше навистина толку загрижена за ерозијата на демократијата, треба прво себеси да се погледне во огледало.

За аутсајдерите не беше очигледно зошто Вилијамс Рејсинг се спушташе надолу во Формула 1 поредокот последните две децении. Се зборуваше за недоволно инвестирање, за застарени процеси но дури сега е обелоденет конкретен пример. Екселот на Микрософт кој со години го правел пекол процесот на создавање болид за Формула 1.

Епл одржува нелегален монопол над пазарот на смартфони со тоа што ги заклучува корисниците во својот еко-систем и го влошува искуството на користење ривалски производи, тврди американското министерство за правда во антимонополската тужба против производителот.

Без разлика колку е сега лоша ситуацијата во Канада, таа „најверојатно дополнително ќе се влоши во следните пет години“ порачуваат авторите на извештајот изработен за потребите на канадската полиција, која ја предупредува федералната влада дека може да и се случат граѓански немири.

Пораката пренесена од Вашингтон до властите во Киев е дека нивните дроновски напади на руски нафтени рафинерии на руска територија ја покачува цена на нафтата низ цел свет и за сите, плус ќе повлече и одмазда од руска страна.

Американската влада го моли Врховниот суд да ѝ дозволи да продолжи со „борбата против дезинформациите,“ но оние кои тужат во Врховен се обични граѓани кои биле замолчувани затоа што ги разоткривале опфицијалните невистини. Најопасно е зошто државата лаже. За да го контролира наративот по кој може да се тргне не само кон карантин туку и во војна. Да се потсетиме на бројките од чудното време на пандемијата.

Сенатот на Тенеси усвои нацрт-закон со кој се забранува „намерно вбризгување, ослободување или дисперзија на хемикалии, хемиски соединенија или супстанци во атмосферата со цел да се влијае на температурата, климата или интензитетот на сончевата светлина...“ Накратко, во Тенеси се забрануваат кемтреилс.

Европскиот дел од НАТО, ќе треба да најде дополнителни 56 милијарди евра годишно за да го пополнат буџетот на алијансата до договорената сума од 2% од годишниот бруто домашен производ на секоја членка.

Докторите од новата разбудена и прогересивна ориентација заклучиле дека етничките разлики во читањето на одредени физиолошки состојби е расизам па го елиминирале тој фактор од евалуацијата кому и по кој редослед му следува трансплантација на бубрег. Сега здрав или малку болен црнец може да добие бубрег пред белец што буквално р пред умирање.

Не само што комплетната американска помош за Украина е секната, туку украинските власти забележале дека Русија има сериозна помош од американски компании во своите напади против украински цели.

„Реплек АД“ продолжува со својата деловна експанзија и раст, базирани на стратешката развојна политика и иновативните потези. По минатогодишниот успех на сите пазари каде што е присутна, компанијата годинава продолжува со нови развојни чекори.