Новинскиот портал кој се изроди од сајтот за тестови и мемиња со мачки затвора по речиси десет години постоење и добиен Пулицер, објави првиот човек на Базфид.

Година 1983. Новиот бран беше далеку зад нас а пред нас беше пустина. И таман кога сè личеше на враќање на стерилното и импотентно пред-њувејв време, однекаде дојде оваа плоча за да ги збуни сите. Како продолжеток на панкот со други средства. Дисциплина кичме ја измами судбината и продолжи по свој пат што ја одведе во вечноста.

На некои (инди бендот Бризер) им здосади да чекаат дали и кога Оазис повторно ќе се обединат па со помош на вештачка интелигенција издадоа албум (на измислениот бенд AIsis) кој покажува како денес (веројатно) би звучеле Британците ако заради големи пари и слава и уште поголеми ега и табиети не се распаднаа во нивниот пик во 90-тите.

Пластиката што плови во масивниот остров од ѓубре во Тихиот океан станала дом на чудни нови мешавини на крајбрежни и морски видови. Накратко, човечкото ѓубре има создадено мини планета за видови кои обично не би се сретнале а денес живеат во заедница. Таквите неприродни заедници може да станат опасни по еко-системите.

Советот од инвеститорите за годинешните матуранти е дека треба да се решат за технолошки смер, наместо за финансии. За децата што денес се во градинка инвеститорите немаат баш најведри прогнози околу нивното вработување во која било од овие две индустрии, исклучиво заради растот на вештачката интелигенција.

Заслугите за оваа неславна титула ги набројува доктор Марти Адел Макари од престижниот биомедицински истражувачки центар и болница Џон Хопкинс. Се работи за американска институција. А и кралот не е од некаде далеку.

Благодарејќи на американскиот закон за достапност за информациите, досега се откриени многу бекстејџ детали поврзани со ковидот и неговото потекло како и за процесите со кои брзо се дојде до вакцини. Во последната епизода, загриженоста била околу евентуалните сериозни алергиски реакции при што на надлежните им било најважно да се договорат за „меѓусебната доверливост.“ 

Исмевањето на оние кои имаа дилеми околу ковид вакцините долго време беше една од омилените дисциплини на медиумите и „одговорните“. Линчот се правдаше со „научниот консензус“ кој постои околу вакцините. Шу праиме сега, кога консензусот се смени, односно е јасно дека никогаш и не постоел бидејќи едногласието се темелеше на принуди, измами и цензури?

Душан Гојковиќ замина пред некој ден. Беше голем и беше фраер, единствениот џез музичар од Балканот кого го има во секоја сериозна енциклопедија за оваа музика. Пријател со Мајлс Дејвис, свирел со Чет Бејкер, со Стен Гец. Има настапувано по цел свет, со џезери, со симфониски оркестри. Па сепак, како една од своите најголеми победи го смета моментот кога Ромите од Гуча го прифатиле како еден од нив. 

Шпански универзитет на 13 години без плата суспендираше свој професор, еден од најцитираните научници во светот. Причина: научно соработувал со институции од земји кои го гребат западното уво: Русија и Саудиска Арабија. Таман нè фатија асоцијации со црниот комунизам, еден наш умен човек нè потсети дека инквизицијата оригинално е шпански изум.

Скушата и другите видови сина риба долго време важеа за „храна за работничката класа“ поради достапноста и ниските цени, но сега ѝ се подготвува етикета која сигурно ќе ја поскапи: еколози од запад проценија дека нејзиното консумирање веќе не било одржливо. 

Треба да ја освојат Америка и доаѓаат на турнеја . Притоа сметаат на сојузничка поддршка на стариот соборец кокаинот и мислат дека тој им стигнува во соблекувалната пред настапот. Навежбано прават црти, навежбано ги шмркаат. На бината излегуваат распар, и со другите, и со себе.

Светската здравствена организација објави нови насоки за вакцинирање кои воведуваат три групи на приоритет (висока, средна и ниска) во однос на ризикот од смрт и сериозно заболување, со кои се укинува потребата од ковид вакцина за сите од 6-месечна до 17-годишна возраст што инаку се здрави.

Компанијата својот пијалак за шмек го зачинува со листови кока, од што како нус-производ се јавува чист кокаин кој вреди околу 2 милијарди долари.

Земјата која има построги правила за тоа како да замесиш тесто за пица отколку што има сообраќајни правила, на сите можни нивоа ќе блокира какво било припарување на „вештачко месо“ во нејзините граници.

„Да не беше Елиза, тој сè уште ќе беше со нас, убедена сум во тоа,“ веели сопругата на еден Белгиец кој се самоубил после неколку неделни конверзации со Елиза. Тој имал 30-тина години и две деца. Елиза е бот и е жива и здрава.

Некој се сетил за актуелната тема околу писмото со кое се бара пауза во истражувањата на вештачката интелигенција да ја праша и другата страна. Да, вештачката интелигенција. Мамицата, ботот вика дека заедничка била одговорноста, наша и негова, ко да сме паселе овци заедно. И иритиран е од ова, ама има разбирачка за нас луѓето. Сме го јаделе. 

Храната е најверојатното нешто што предвремено ќе му го прекрати животниот век на просечниот Британец, и не која било туку главно ултра-преработената храна на која отпаѓа најголемиот дел од британската исхрана, некои си 57%.

Некои вести по својата содржина сами се позиционираат во времето и не мора да проверуваш да не се работи за нешто старо (освен вести како оние дека ќе се гради пруга кон Бугарија). За оваа вест е јасно од која декада доаѓа - од оваа. Во 80-ти години, на пример, ова ќе беше хумор и сатира.  

Теоријата вели дека жените за секс одбираат паметни мажи и заради сопствен ќар и заради еволутивно подобрување на гените на нашиот вид. Ако беше така, човештвото требаше да станува сè попаметно. А свртете се наоколу и ќе видите - не е така. Не само што интелигенцијата не помага туку закономерноста оди во спротивна насока.  

Фасцинантна е бројката на делумно или комплетно фабрикувани научни истражувања кои се објавуваат во бројните научни магазини по светов. Некои од нив се вклучени во највлијателните студии на кои се потпира клиничката пракса. Додека се повлечат, знае да трае и со години. Во меѓувреме, милиони пациенти можеби добиваат погрешен третман.

Допрва се отплеткуваат детали од пандемијата кои осветлуваат како упаднавме во тој чуден период кој ни ги измести животите и навиките. Уште во раните денови, главниот медицински авторитет на Велика Британија им има кажано на надлежните дека ковидот не е толку смртоносен за да се брза со вакцините. Знаете како испадна. 

Болничката храна кај нас се доживува како „казна во казна“. Во Белгија е троа поинаку. Тамошна болница доби високо признание за нивната храна од угледен француски гастрономски водич. Менито на наградената белгиска болница сепак нема да биде ставено во препораките бидејќи за тоа треба и да си малку болен.

Американецот ланец за брза храна „Бафало вајлд вингс“ махерски реплицираше на милионска тужба против нив затоа што она што фамозно го продаваат како пилешки крилца не се крилца, туку обично бело месо. „Да, така е“, признаваат тие, „крилцата не се крилца, ама па не се ни од бафало.“