Ричард Гренел потсети дека американските даночни обврзници ги финансираат Гласот на Америка и Радио Слободна Европа, рече дека тоа е реликт од минатото и дека нема потреба од такви државно финансирани медиуми.
„Тоа се државни медиуми. Медиуми полни со екстремни левичарски активисти. Со децении имам работено со тие новинари, тоа е остаток од минатото“, напиша Гренел на платформата Икс.
На објавата на Гренел се надоврза Маск и пиша: „Така е, гасите ги“'.
1. Европа сега е слободна (не сметајќи ја бирократијата што ја задушува).
2. Никој веќе не ги слуша тие медиуми.
3. Тоа се само луди радикални левичари кои си зборуваат сами на себе додека горат милијарди долари од џебовите на американските даночни обврзници.
Намалувањето на владините трошоци и „чистката“ во федералните агенции беа високо на агендата на претседателската кампања на Трамп. Тоа се поврзуваше со „Проектот 2025“ на конзервативната фондација Херитиџ иако Трамп тврди дека нема никаква врска со таа платформа.
Со неа се предвидува отпуштање на најмалку 50.000 федерални службеници.
