„Тие ќе бидат мои специјални емисари за да го вратам Холивуд, кој изгуби многу бизнис од странски земји во последниве години - ПОГОЛЕМ, ПОДОБАР И ПОСИЛЕН ОД КОГА БИЛО ДОСЕГА“, напиша Трамп, додавајќи: „Овие тројца многу талентирани мажи ќе бидат мои очи и уши и ќе го спроведам тоа што ќе ми го предлагаат. Холивуд повторно ќе биде, како и САД, во златно доба!“
Таткото на Анџелина Џоли, Џон Војт (86) со години е гласен поддржувач на Трамп, нарекувајќи го „најголемиот претседател после Абрахам Линколн“.
„Ова е нашата најголема борба од Граѓанската војна – борба за праведност против сатаната, бидејќи овие левичари се зли, корумпирани и сакаат да ја уништат оваа нација“, изјави тој во 2020 година.
На Мел Гибсон (69) и Силвестер Сталоне (78) им требаше малку повеќе да се „аутираат“ и јавно да го поддржат Трамп. Гибсон во 2016-та рече дека не гласал за Трамп но лани не само што го поддржа туку за Камала Харис кажа дека „квоциент на интелигенција колку дрвена ограда.“
Сталоне пред некое време се одважи да го спореди Трамп со Џорџ Вашингтон а подоцна отиде и чекор понатаму па го споредени со Роки Балбоа.
Трамп има чувство дека Холивуд е и во лична војна против него после биографскиот филм за него "Aprentice“ за кој рече дека е евтин, клеветнички и политички одвратен и дека се надева дека ќе пропадне.
A филмот и не пројде баш сјајно. Со потрошен буџет од 16 милиони долари, собра 17 милиони на кино благајните.
