Градот со над 12 милиони жители не само што одлучи дека ќе го забрани користењето на пластика за една употреба (кеси, шишиња, чаши...), туку прекршувањето на забраната ќе се казнува со околу 300 евра или три месеци затвор.

Фермиевиот парадокс се однесува на конфликтот меѓу високата веројатност за постоење на вонземјански цивилизации и недостатокот на докази за контакт со таквите цивилизации.

По основа загрозување на безбедност на САД, американскиот департман за трговија од април годинава забрани секаков извоз на производи за кинескиот производител. Излезе дека забраната е прилично сеопфатна, па вклучува и резервни делови за тоалетите во седиштето на компанијата во Шенџен.

Во моментот кога Трамп најавува нови царински давачки за производите од Канада, уредникот и сопственик на Џексон каунти сентинел и на уште девет други локални весници, знае дека цената на хартијата за печатење повторно ќе скокне. Во изминатите неколку месеци таа расте од 550 на 800 долари.

Како да не беше доволно што раштиманата јапонска железница годинава на два пати го утна времето за тргање возовите за по десетина секунди, сега и еден јавен службеник повеќе пати порано излегол на пауза за ручек.

Наместо да застанат и да помислат дека тука се крие некаков знак (за исклучок или за грешка во целата теорија), за да не доведат во прашање цел историски континуитет на некоја дисциплина или поддисциплина, и - можеби најважно - за да не мораат да притиснат „избриши“ на цела нивна кариера, повеќето од нив загазуваат во уште поголеми небулози, како теорија на струни или суперсиметрии, чии хипотези не се потврдени, но чие спомнување во друштво на лаици звучи езотерично и учено.

Проблемот е што тоа не се случува по пат на економско и социјално издигнување на сиромашните слоеви, туку преку нивно систематско бркање од секој град во кој ќе се појави гигантот.

Начинот на кој медиумите известуваат за Трамп најдиректно е во корист на Трамп бидејќи „му помагаат преку повторување на неговата порака,“ тврди американски когнитивен научник и лингвист кој изучува пропаганда, и дава решение на проблемот.

Наспроти очекуваниот исход од стотици години старата пракса, современата медитација и практикување јога всушност го дујат вашето его.

Како што цртањето две ленти сред ливада не е решение кога сакаш да создадеш мрежа за автомобилски сообраќај, така и проблемот со патеки за велосипед не се решава со просто исцртување ленти кои најчесто никој не ги почитува, што заради невоспитаност, што заради тоа што одземаат од и онака недоволниот капацитет на улиците или тротоарите. А како што ќе покаже Копенхаген, има огромна ќар од создавање на велосипедски-пријателски град.

Фотографијата по која ќе се памти последниот Г7 самит е сцена која речиси е невозможно да ја наместиш, а во која Трамп наликува карано на мало дете. Само еден кадар подоцна целата приказна се менува.

Иако зазема огромен дел од сечиј живот (ако имаш среќа дури и цела третина од животот) сонот е прилично нова научна дисциплина на која научниците работат од пред само околу 70 години.

Економист од германската Комерцбанк врз основа на свои симулации, формули и ексели ја прогласи Германија за победник на претстојниот Мундијал. Да не биде претерано „свој на свој“ авторот на анализата е Британец кој работи во лондонското претставништво на банката.

Канада деновиве ја легализираше марихуаната и иако секој регион тоа го спроведува на свој начин уличните дилери кои разговараат со Гардијан и не се нешто преплашени за својот бизнис, објаснувајќи – ништо страшно, ние ви носиме до дома, овие ве тераат да одите во продавница.

Кокаинот на европските улици моментално е на најчисто ниво што бил во последните 10 години, тврдат луѓе кои службено го следат ова.

За разлика од многумина кои се занимаваат со проекции на стравот дека роботите ќе ни ги земат работните места, професор Дејвид Гребер порачува дека на тоа опција треба ѝ се радуваме, бидејќи премногу човечки животи се трошат на бесмислени работни места. Гребер предава антропологија на Лондонската школа за економија, еден е од препознатливите гласови на „Окупирај го Вол Стрит’ и човек кому му се припишува слоганот „Ние сме 99%“.

Откако класичната хемотерапија не го сопрела ракот на дојката а тој се пренел и на црниот дроб, врз една жена е применета експериментална имунотерапија која комплетно ја исчистила од канцерогени клетки. Ги одбрале нејзините најсилни чувари, ги размножиле до 80 милијарди и ѝ ги вратиле во организмот да се тепаат со непријателот. 

Ова ново „да му умре ливчето на комшијата“, не е за негово лошо туку за ваше добро. Доказите се нумерички необориви: блиските комшии на оние што добиле јака премија на лото, бинго и слична игра на среќа, финансиски крахираат со стапка многу поголема од нормалната. Причината за тоа е многу људска.

Собрал извонредни ем разиграни џез музичари од Њујорк (Мери Халворсон на гитара, Томас Фуџивара на тапани...), го викнал прочуениот продуцент Бил Ласвел (Херби Хенкок, Иги Поп, Моторхед) да го измикса нивното палавење во студио и ете го третиот албум наречен The rabbit and the fallen sycamore. Првиот сингл е фасцинантно добар. Жими најмило, жими најдраго, жими Крсте Роџевски.

Јасно е дека самото спомнување на Синан Сакиќ, кај добар дел од свилените 'урбани интелектуалци' ќе предизвика дигање веѓи, згрозување и други манифестации на нелагодност. Ама баш затоа....

Има ќеиф кога сериозни научни ликови, со сиот авторитетен научен багаж зад себе, ве уверуваат дека некои социјални норми треба да се кршат уште од најмали нозе. На пример дека истребувајќи ги пцовките од вашата околина, го сакатите емотивниот арсенал со кој располагаат вашите деца. Прочитајте ја цела вест. Џабе ли ја пишувавме, пичка ли му мајчина!

Хамбургер е без кашкавал. Кога на хамбургер ќе му ставиш кашкавал, тоа е чизбургер. Со тужба од 5 милиони долари, двајца американски фанови на хамбургер (без кашкавал) сакаат на оние од Мекдоналдс да им го утуват во глава овој семантички и суштински факт. 

Човекот кој го гледате на сликата сака да се откаже од пушење, но не е тоа веста. Веста е дека тоа го сака на 114 години.

"Грција е една од најубавите земји што сум ги видел, но за жал, окупирана е со Грци. Уште го имаат тој глуп комплекс на супериорност, со своите моќни антички предци и 2000 години старата цивилизација. Кога сето тоа ќе се помеша со недостатокот на образование, добиваме неподнослив народ што заморува..."