Со над 90.000 различни видови витамински и прехранбени суплементи, и 52% од Американците како потенцијални купувачи, суплементите се 30 милијарди долари вредна индустрија во САД, и се додека не кажеш дека нешто е лек можеш речиси што сакаш да продаваш и рекламираш.

„Ах, Тања Бошковиќ“ гласеше некогаш консензуалната реакција на спомнувањето на нејзиното име. Денес е во пензија но глуми со полн здив, силна и самосвесна каква што отсекогаш била. Сјајот во нејзините очи кој некогаш доаѓаше од младоста, денес се раѓа во пронајдениот мир во душата. Горда е на своите деца, се грижи за родителите чија меѓусебна љубов никогаш не успеала да ја преслика во својот живот, пасионирано прати спорт и навива, готви, прави забави, пуши и... и одамна ѝ е јасно дека на луѓе секогаш ќе им биде полесно да воздивнуваат по некоја своја Тања Бошковиќ отколку да се свртат и вистински да сакаат некого покрај себе.

Направиле сајт и сфатиле дека Гугл нефер ги третира во пребарувањата. Бидејќи на сајтот и онака му одело добро, решиле да го тужат гигантот за нефер гуглање. По нив се налепија и други.

Само што вработените на Епл почнаа да го користат новото седиште на компанијата, почнаа да излегуваат првите пропусти на објектот - стаклата им се премногу проѕирни.

Елизабет Свони е Американка со унгарско потекло која се натпреварува за унгарскиот олимписки тим во дисциплината скијање слободен стил на халф-пајп. Таа успешно ја постигнува олимписката квота, како и квотата за уште 13 светски купови во оваа дисциплина. Работата е што Свони баш и не е нешто посебно добра во ова што го прави, ама нашла цака.

Цехот за испраќање на ракета за Чандрајан-2 мисијата ќе биде понизок од цехот за филмот на Кристофер Нолан од 2014. И тоа за некои си 40 милиони долари поевтин.

Колку подобро една земја стои со родовата еднаквост и поддршка за жените, толку жените во неа помалку бираат професии поврзани со науки и математики. Звучи парадоксално, ама, има логика.

Европа минатата година има 21.000 случаи на сипаници, што е речиси четири пати повеќе отколку во 2016, објавува Светската здравствена организација.

Дали е важно што јастог чувствува болка или не, е една од битките што се водат меѓу борците за права на животни и борците за вкусен оброк. Додека овие да се договорат Швајцарија реши да забрани јастози да бидат живи варени.

На страна тоа што во основа се глувци со крилја, научниците тврдат дека може и да имаме некаков ќар од гулаби, посебно околу загадувањето на воздухот. Целата работа почнува од тоа дека тие се изложени на истата околина како и луѓето.

Водено од ритамот на интернет економијата и наркоманската зависност на читателскиот аудиториум од постојани информативни дразби, новинарството престанува да биде трансфер на информации и знаење и се сведува на тоа кој ќе склопи похистеричен ремет меѓу публиката.

Финска е една од земјите на кои не можеш да им го фатиш крајот, од една страна претседателот и премиерот имаат свои официјални сауни, од друга страна земјата има најголем број хеви-метал бендови по глава на жител во светот, додека во исто време експериментираат со задолжителен приход за секој човек, а во јазикот немаат идно време. На ЗОИ спортистите од оваа земја покажаа еден свој фетиш.

Ако се водиме по пресметката за исхрана, од олимписка норма ние ја имаме исполнето исхраната на нордиски скијач.

Се изнајмува: функционална вселенска станица моментално во вселената, со простор за 8 луѓе и фантастичен поглед кон Земјата. Може да се користи како хотел, лабораторија или занимална без гравитација. Цена: 3 до 4 милијарди долари годишно.

Родени во Африка, ама заради човек со многу пари како мали се префрлени во Колумбија. Кога нивниот газда е убиен пред 25 години тие се оставени сами на себе, а во околина како Колумбија одлично се снаоѓаат.

Данците долго се на врвот на листата на најсреќни земји на светот а ова е приказна за Копенхаген и цаките кои ги прави, за луѓето да бидат  позадоволни од него. Нашето евентуално патешествие кон нивниот статус нè води низ две невозможни мисии. Прво, да дојдеме до пари и второ, да не ни бидат битни.

Откако четврти пат е уапсен како вози пијан, маж од Тексас бара укинување на неговата 4-годишна затворска казна по основа дека - границата за возење пијан во Тексас е дискриминаторска кон алкохоличарите.

По анализирање на над 1.000 различни состојки, научниците прават ранг листа на храната што „обезбедува најдобар баланс на вашите дневни прехранбени потреби.“ Добра вест е што свинска маст е меѓу топ 10 на листава, а брокула и прокељ се на крај. Лоша вест е што свинска маст е единствен производ поврзан со црвено месо.

Се разбира, најбитно е да имате некој како Квинси. Плус тој да е спремен да се отвори како него. Но интервју има и втора страна, онаа на новинарот кој го прави. А тој дел некаде не е онаков како што е овде обичај: „Ќе ти пратам прашања на Фејсбук а ти одбери слики кои ти се свиѓаат“. Муабет со Дејвид Марчезе, човекот кој го издејствува фасцинантното интервју кое и најмрзливите ги натера да читаат.

Од кај па сега Мишо Ковач на Офф.нет? Знаете, има луѓе кои и за време на животот станале поголеми од себе, од збирот на сите свои плусеви и минуси. Дали и колку нивните дела ви биле битни, што мислите за нивниот стил и слични, во други случаи обично важни работи, за таквите калибри не важат. Таквите се баждарени поинаку и не се судат со овоземни мерки. Од таквите Хајлендери, ние го имавме Гоце Арнаудов, а Далмација го има Мишо Ковач. Повеќекратен шампион во областа на музиката и повеќекратен губитник во областа на животот, Мишо е некој за кој ви е јасно дека колку и да мислите дека грешел, за тоа можат да судат само виши инстанци.

По објавувањето на извонредниот последен извештај за заработувачка, акциите на Њујорк тајмс пораснаа за 10% и за прв пат од летото 2007-ма вредат над 24 долари по акција.

Благодарение на вратоломната брзина на социјалните медиуми и новинарска клима што фаворизира инстант-објави пред проверени анализи, процесот на провокација, реакција од јавноста и контрареакција сега завршува во рекордно време. Отприлика исто онолку колку што траат маркетинг-кампањите.

Точно е дека вакви наслови не се ставаат. Точно е тоа и за поднасловов што го пишуваме. Ама, најточно во оваа ситуација е дека вакво нешто одамна немате читано.

До сега се знаеше дека обемните количини на дневна светлина се корисни за продуктивноста на работа, сега се знае дека недостатокот на светлина на работно место може да оглупавува.