Судија во Делавер, американска држава во која е регистрирана компанијата Тесла, пресуди дека пакетот компензации кој Маск го добива за она што го прави за компанијата не може да биде поголем од 55 милијарди долари. Значи, може да си купи уште еден Твитер (за кој плати 44 милијарди) а другите 11 милијарди, за што попрво... Маск предлага, ако не ви се плаќа, дајте акции.  

Последно што објави Гардијан е дека Зеленски побарал од Залужни да даде оставка но популарниот командант на украинските вооружени сили одбил па се очекува да биде сменет. Ако е вистина тоа, Ким Дотком има една морничава верзија што се случува зад кулисите на оваа битна кадровска смена. Според него, конците ги влече „вистинскиот претседател на Украина,“ Викторија Нуланд.   

Нов водител и извршен продуцент на водечкото шоу на Комеди централ ќе биде човекот што го прослави и го претвори Дејли шоу во бренд и најпопуларниот водител на шоуто - Џон Стујарт.

За да се намали ќарот и исплатливоста на нелегалната продажба на кокаин, градоначалничката на Амстердам побара регулирање на продажбата и употребата на супстанцата, слично на формулата што беше искористена за марихуаната.

Доктор Ковид зачудувачки лесно проаѓа во медиумите иако е вклучен во многу контроверзни аспекти на пандемијата. За некои работи и натаму е убеден дека не била направена штета, за други дека е направена штета аама други се одговорни, а за некои работи кои во негова ера беа доминантна догма, допрва признава дека немале никаква научна основа. Социјалната дистанца, на пример.

Активирањето на Законот за вонредни ситуации за задушување на протестот камионџиите било спротивно на канадскиот устав, пресуди Федералниот суд на Канада. Според судот, либералната влада на Канада неуставно и неоправдано го употребила законот како одговор на блокадите од Конвојот на слободата.

Тоа што речиси дузина меинтстрим американски медиуми отпуштаат илјадници свои вработени и новинари покажува дека медиумскиот бизнис оди лошо. Тоа што ова се случува во изборна година која уште од сега се смета за историски важна, покажува дека бизнисот само ќе оди на бетер.

Едиторијал во влијателниот американски весник директно го прозива Бајден и неговата нерешителност за последните американски жртви на Блискиот исток. Американскиот претседател предолго се сведувал на празна реторика која звучи сè пошупшливо и му се предлага отворено да влезе во регионален конфликт. Како прво, да потопи еден ирански брод, на пример.

Американско-британската воена коалиција против Хутите не само што ги фрустрира Американците заради индифирентноста на европските сојузници од НАТО иако се засегнати и повеќе од САД, туку ги покажа и сите разлики меѓу американската морнарица и онаа на Велика Британија. Англичаните сфаќаат дека се многу назад и тоа Американците отворено им го кажуваат.  

Најмалку 9 од најголемите и најбогати држави на светот речиси синхронизирано го запреа финансирањето на УНРВА откако беше откриено дека вработени на агенцијата на Обединетите нации учествувале во нападот на Израел од 7 октомври.

Заборавена џебна ламба оставена пред моторот на Ф-35 ловец за време на редовен сервис во авионската база во Аризона, предизвикала штета од речиси 4 милиони долари на првото палење на моторот.

Јапонија стана петтата држава чие летало има слетано на Месечината (после Советскиот сојуз, САД, Кина и Индија). Слетувањето на нивното летало се смета за исклучително прецизно. Како врвен резултат се смета ако се приземји не подалеку од сто метри од посакуваната цел. Јапонците го слетале своето летало на помалку од десет метри. Со еден мал проблем.

Британците ги фаќа паника од новите правила за влез во ЕУ и проценуваат дека ќе им се направат огромни редови за излез. Новата гранична шема на унијата треба да стартува на есен, и освен плаќање за електронска авторизација (ЕTIAS), покрај пасош, ќе требаат и отпечатоци од прсти и фотографија. Англичаните проценуваат дека за да излезат кај Довер, би можело да се чека и по 14 саати.

Највисокиот американски авторитет за јавно здравје не испратил предупредување во врска со ковид вакцините и воспаление на срцето затоа што официјалните лица биле загрижени дека ќе се предизвика паника, покажува службен меил до кој дошол Епок Тајмс. Додека тие воделе сметка за својот имиџ во јавноста, мРНК вакцините масовно беа штанцани. 

Во Алабама е извршена првата егзекуција на затвореник осуден на смртна казна со помош на азот. Викаат дека тоа било похумано отколку со инекција со смртоносен коктел, како што вообичаено се изведува смртната казна во САД. Похумано? Јадников се мачел и се копрцал цели 22 минути пред да умре. Но, тоа не е сè. Претходно го имаат убивано четири саати. 

Акциите на Тесла паднаа за над 12%, откако берзата беше предупредена дека растот на продажбата годинава може да биде значително послаб отколку во 2023 година. Годишната заработка на Тесла, објавена ден претходно, исто така беше под очекувањата на Волстрит. Овие две работи инстантно избришаа околу 80 милијарди долари од берзантската вредност на компанијата на Илон Маск.

Некогаш синоним за слобода и животни шанси, денес Калифорнија пишти под разбудената агенда на гувернерот Гавин Њусом и суштински еднопартиската држава на која може да позавиди и кинескиот претседател. Децата во Калифорнија денес повеќе знаат за клима и зелени каузи отколку таблица за множење или граматика. А наскоро и рагби ќе им забранат.

Галамата околу оваа оценка на американскиот режисер не стивна ни кога Оливер Стон објасни дека му имаат извадено стара изјава која ја дал пред да излезе филмот. Попат Стон јако го запердаши и Џон Вик на Киану Ривс. А медиумите кои се гледаат како чувари на холивудските икони, оти па нема како да се опише Стон, го пишуваат како „апологетот на Путин.“ 

Се разбира дека ова не е вест и не би била вест да не беше светов ваков каков што па еден потег на актерката да црпне со шоља тазе снег и од него да си направи десерт не само што ги тригерна везден загружените онлајн кибицари туку стигна и до сериозни медиуми. Тие пак решија не само да ја пренесат „загрижноста“ на дел од јавноста туку и да консултираат експерти.    

Застрашувачка е помислата Јелена Карлеуша да им ги рецензира интерпретациите и да им мрси како се слаби со трилерите (мада, на Вејтс ваљда би му признала дека е добар „у доњим лагама“). Го прашале Дејвид Ковердејл истото, додуша не за Звезде гранда, туку за Американски идол. Не знае да одговори, не зашто не ги цени овие двајца, туку затоа што не гледа талент шоуа.

Главниот извршен директор на автомобилската компанија која ја има основано неговиот дедо, тврди дека привлечноста на електричните автомобили е ограничена и нивниот максимум ќе биде 30% од пазарот. Прво, сè уште се скапи, второ, недостасува инфраструктуира за полнење која таа опција ќе ја направи функционална и трето, милијарда луѓе на планетава живеат без струја. 

Амстердам ќе менува име на улица кое носи име на морско оревче затоа што тоа, морското оревче, имало колонијалистички конотации. Глупи Грци, можеа да бараат со Преспански да ни се забрани и тоа име, да речеме затоа што употребата на терминот МОРСКО оревче сугерира дека имаме територијални претензии. Нема што немаше да прифатиме во таа фасцинантна капитулација. 

Како и многу пати претходно, американските и британските сили повторно се заедно во акција, овојпат мавајќи по Хутите кои начисто ја пореметија бродската трговија преку Црвеното море. Иако таа трговија е од витално значење за економските прилики во Европа, како и многу пати порано, европската бирократија е назад со материјалот. Имале план. 

За да се справи со сериозниот недостаток на луѓе во германската армија, државата планираше да дозволи да се пријавуваат и луѓе од другите држави од ЕУ. Но, и така не испаѓа сметката па можно е предлогот да се прошири и на кандидати од држави кои не се членки на Унијата со што би им се забрзал процесот за добивање германско државјанство.