Настрана сомнежите дали Комунистичката партија на Кина го користи користи ТикТок како алатка за ширење на своето влијание и пропаганда, оваа и другите слични апликации може да се користат како оружје на уште поопасни начини.
Нивниот алгоритам го користи машинското учење за да го следи вниманието на корисниците и тоа знаење го користи да им нуди содржини кои ќе ги држат залепени за екранот. ТикТок е особено ефикасен во тоа бидејќи неговото користење е многу попасивно од другите платформи, што му дава потенцијал да им нанесе долгорочна штета на младите западњаци со тоа што ќе ги дефокусира, ќе го скрати нивното внимание и, на крајот, ќе го атрофира нивниот мозок.
Тој ефект на апликацијата веќе е познат како “ТикТок мозок“. Сомнително е и тоа што Кинезите на своите деца не им даваат да го користат ТикТок, тие за нив го имаат Доујин.
Доујин во однос на ТикТок е како спанаќ во однос на џанк фуд. Апликацијата е исполнета со научни експерименти и едукативни видеа наместо тверкачи, глупи предизвици и лижачи на тоалети. За разлика од ТикТок, апликацијата е достапна за деца само 40 минути дневно и не може да ѝ биде пристапено помеѓу 22 и 6 часот наутро.
Можно е дека на КПП ѝ е јасно дека апликации како ТикТок не само што ги прават луѓето глупави, туку дека можат да уништуваат цивилизации.
Кина е сомничава кон западниот либерален капитализам уште од 19 век кога првичната отвореност на земјата им дозволи на западните сили да ја преплават Кина со опиум, што го забрза падот на династијата Кинг и доведе до „Векот на понижување“. До денес, многумина во Кина веруваат дека западниот либерализам води кон декаденција.
Еден човек направи повеќе од кој било друг за да ја претвори оваа теза во политика. Ванг Хунинг, малку познат вон Кина, врвен идеолошки теоретичар веќе три децении, автор на многу од политиките на Си Џинпинг. Меѓу Кинезите, тој е познат како „гуоши“, или „учител на нацијата“.
Иако не дава изјави за медиуми па дури и да разговара со странци, неговото дело „Америка против Америка“ (1991 година) е клучен текст на ККП за разбирање на САД. Премисата е едноставна: конфликтот меѓу американскиот економски систем и неговиот систем на вредности ја направи земјата фундаментално нестабилна, наменета за комфор, нихилизам и декаденција. Ванг дијагностицира, земјата на крајот ќе пропадне под тежината на сопствените противречности. Според него, Америка е главно управувана од слепите пазарни сили. Постојано произведува чудесни нови технологии, но тие немаат друга цел освен нивното сопствено ширење што ја проголтува смислата и целта. Секој нов микрочип, телевизор и автомобил само дополнително го одвлекува вниманието и ги анестезира Американците. Накратко „луѓето не ја владеат технологијата туку технологијата ги владее луѓето“.
ТикТок може да биде само добредојден акцелератор на таквите тенденции. ККП има и средства и мотив да му помогне на Западот да се порази себеси.
Часовникот отчукува. ТикТик, ТикТок...
* извор
