Реклама за машинче за по дома со иста функционалност како сифоните за правење сода (од времето), е најновиот кошмар кој во Британија ги вознемири Кока-кола и Пепси.

Кога детето ви се вика Џихад а живееете во Европа, не е баш најпаметно да го пратите во градинка со маица на која е напишано неговото име и датумот на неговото раѓање - 11-ти септември. И на маицата уште да пишува: Јас сум бомба!

ЕнБиСи Универзал и Виаком годинава успеаа да извадат профит од 50%, со што станаа "најпрофитабилниот голем бизнис во САД," анализира Њујорк Тајмс. Главна причина за ова, пеколно добра сопствена продукција.

На страна LinkedIn и она што мислите дека Фејсбук може да послужи како место за вашето резиме, најдовме неколку профи (а бесплатни) сервиси кои ќе ви помогнат одлично да се презентирате пред светот.

Генералниот консензус е дека метамфетаминот е лош, како што и сите други дроги се лоши. Да нема забуна, мет е веројатно меѓу топ 3-те најразорни дроги што постојат.

Благодарејќи на двајца Кинези уапсени во Франција, може да видите како би излгедало да шверцувате 1,8 милиони евра во седиштата од вашиот автомобил.

Со парите од данокот што ќе ги изгубат од 2008-ма и 2014-та, Лондон слободно би можел да организира уште една Олимпијада идентична на онаа од летоска.

Картографска визуелизација на турнеите на Ролинг Стоунс. 1963/британска турнеја/ 2.812 километри. 2005/Bigger Bang/ 211,059 километри.

Откако првите 90 дена ги почна со 40 милиони долари загуба, по година ипол постоење Руперт Мурдок го затвора The Daily, весникот направен исклучиво за Ајпад таблетот. The Daily беше обид на Мурдок да докаже дека може да се живее од претплата за вести.

Светски познатата архитектка Заха Хадид е потписник на голема грчка урбанистичка инвестиција во ексклузивниот дел на Белград. Добар дел од експертската јавност е зачуден од контроверзниот изглед на планираниот комплекс.

Ватикан и официјално го претстави личниот Твитер акаунт на папата Бенедикт XVI-ти. Уште нема ништо твитнато а веќе има повеќе следбеници од тебе и сите што ги знаеш, заедно.

На изборот за Најдобри работни места во 2012-та, технолошките компании земаа 9 од 25-те позиции, вклучувајќи ги и 4 од првите 5.

Секој што ќе потроши над 30 евра во еден италијански супермаркет ќе учествува во извлекувањето за работно место во супермаркетот. Не сите се пресреќни со ваквата рекламна кампања сред една најголемите кризи на земјата.

Иако низ цела Грција на изборите варирала поддршката за Златна Зора, речиси на сите места на кои гласала грчката полиција партијата имала натпросечен број на гласови, анализира Ал Џезира.

Прво не е Виндоус 8, второ доаѓа од Финска ама не е ништо што направила Нокиа, трето се вика Јолла.

Сметаме дека нема подобар начин за рассонување и релативизирање на понеделничката депресија (леле школо, леле работа) од една ваква тема. Видете, да бидеме искрени, сите ќе умреме. И бидејќи кај нас нема крематориум, најверојатно ќе не закопаат два метра под земја. Значи, од каде и од кога потекнува тоа правило за два метра?

Казахстан и нејзиниот претседател Нурсултан Назарбаев вчера (1-ви декември) обележаа еден голем национален празник - Денот на првиот претседател на Казахстан. Погодете кој е првиот претседетал на Казахстан.

Најдобро нешто што може да му се случи на човек е да НЕ му се падне џекпот од 550 милиони долари (џекпотот на американската лотарија). Еве зошто.

Пред неколку дена објавивме за стариот брачен пар кој со целиот свој инает ги натера кинеските власти да направат автопат околу нивната куќа. Денес објавуваме за нивната капитулација.

Новооткриено дело на еден од највлијателните толкувачите на делото на Мохамед, го открива Багдад пред 1.000 години каков што најмалку го замислуваме.

Целта на Амазон е да има сè и во секое време. За да го постигнеш ова ти треба простор. И тоа многу. Само во САД компанијата има 28 магацини и центри за испорака. Најголемиот од нив е во Феникс, Аризона и има површина од 28 фудбалски игралишта.

Затворот во Куба е веројатно најголемото неостварено ветување на Обама во првиот мандат. А не е дека човекот не се труди.

Мажите на Средниот Исток имаат (барем) еден проблем повеќе од мажите низ остатокот на светот - колку ќе им порасне мустаќ.

Во најкарате сторијата на денот, Кинез во крајно Брус Ли манир претепува речиси десетина мажи кои доаѓаат да го иселат од неговиот дом.