Пред неполна година американскиот претседател Трамп ги повикуваше жителите на Спрингфилд во Охајо да си ги приберат домашните миленици за да не ги изеде некој мигрант од Хаити. Во слична паника сега се Русите од Владивосток на спротивната страна на светот откако по социјални мрежи се проширија гласини дека снемува многу кучиња, а по градилиштата се множат мигранти.

Директорот на Опен АИ, Сем Алтман, ги повикува корисниците да бидат подрски со Чет ГПТ, бидејќи сите учтивости во комуникацијата со виртуелниот соговорник ја чинат компанијата десетици милиони долари во потрошена струја. Самиот е виновен за сметката. На четботовите им вградија толку многу хумани карактеристики, што човек повеќе не може, а да не им се заблагодари.

Од сите здравствени реформи што ги најави министерот за здравство на САД, оваа се чини најмалку спорна: отстранување на синтетичките бои од храната. Кенеди тврди дека вештачките бои се одговорни за хиперактивност и други проблеми во однесувањето кај децата. Некои сојузни држави веќе укинуваат адитиви, иако регулативата им дава право на прехранбените компании да ги користат.

Со векови трае битката меѓу два економски концепта: протекционизмот на домашното производство и слободната трговија. Резултатите од досегашните епизоди на таа битка не се еднозначни. Демократијата е таква што сака евтини производи што ги овозможува слободната трговија но истовремено и таква што ќе ги заштити домашните производители кога тие се доволно бројни и битни.

Поглаварот на Католичката црква има многу должности и овластувања. Сметан за наследник на Свети Петар, на кого Христос му ја доверил мисијата за управување со Црквата, папата е духовен водач на повеќе од 1,4 милијарда католици ширум светот. Неговата главна улога е да ја зачува и поучува христијанската вера, да ги толкува евангелијата и да го обезбеди единството на Црквата.

Папата Франциско веројатно беше најнеобичниот човек што некогаш седнал на престолот на Свети Петар. Меѓу неговите 265 претходници некои биле неефикасни, други остроумни; имало и злобни и светци; некои многу сакани, други презирани. Но, Хорхе Марио Бергољо беше единствен - во талентот за манипулирање со светското мислење и во извонредната вештина за деструкција.

Папата Франциско, првиот поглавар на Римокатоличката црква од Латинска Америка, почина денеска на возраст од 88 години. „Драги браќа и сестри, со длабока тага морам да ја објавам смртта на Светиот Отец Франциско“, објави кардиналот Кевин Фарел. Папата во изминатите два месеци страдаше од пневмонија, но имаше сили да се појави на велигденските свечености.

На дигитален алгоритам во Шпанија му е префрлена одговорната задача да го процени ризикот дали ќе се повторат напади врз жртви што пријавиле семејно насилство, врз основа на анализа на одговори од обемен прашалник. Инспекторите и судиите ја почитуваат препораката во 95% од случаите. Алгоритмот помага, но секоја грешка може да има фатални последици.

Четири години по најлошата пандемија во последните сто години, има сè повеќе докази за хипотезата дека ковид-19 протекол од лабораторија во Кина. Белата куќа документирано ги обвинува докторот Фаучи и негови соработници дека им нанесле голема штета на Американците и дека настојувале да ја прикријат и да ја цензурираат вистината за пандемијата. Еве ги поентите од „Лаблик“.

Во обид да го демистифицираат тврдењето дека Ескимите имаат сто зборови за снег, група лингвисти темелно истражувале стотици речници и откриле интересни детали за релативитетот на јазиците. Потврдени се вообичаените стереотипи. Новитет е алатка со која може да се пребара честотата на зборовите во речниците. Штета што во истражувањето не бил вклучен и македонскиот јазик.

Во рамките на американскиот Стејт департмент функционираше канцеларија за следење странски дезинформации и спротивставување на нивните кампањи. Од друга страна, конзервативците ги сметаа овие нивни мисии само како маска за цензурирање на нивните политички натративи, особено на социјланите платформи. Ќе ја укинуваат.

За разлика од некои животни како што се слоновите и ајкулите, луѓето имаат само два сета заби- млечни и трајни, по што како опција остануваа само имплантите и пломбите. Досега. Научници успеале да пораснат заби во лабораториски услови кои се однесуваат како и природните а се поцврсти од нив. Има да крцкаме ореви.

САД грубо ја кратат содржината на извештаите за почитувањата на човековите права низ светот. Ќе бидат исфрлени критики за ограничување на слободата на говор, владина корупција или спречување слободни и фер избори. Темите што се законски неопходни ќе бидат поткрепени со по еден пример. Амнести интернешнел реагира дека тоа ќе го намали притисокот врз авторитарни лидери.

Електрични скутери и велосипеди, популаризирани како „чисти“ и практични средства за превоз, не само што создаваат хаос по улиците и пешачките зони, туку се и буквално темпирани бомби што пукаат сами од себе. Проблемот се батериите што ако се прегреат при полнење може да експлодираат со силен оган и токсичен чад. Лани загинале три лица и стотина биле повредени.

Скенирањето со компјутерската томографија рано открива прикриени болести и спасува животи, но научници се загрижени дека претераното користење на оваа технологија го зголемува ризикот од развој на канцер кај пациентите. Иако дозите на јонизирачко зрачење се ниски, ризикот сепак постои. Се препорачува да се ограничат скенирањата само за пациентите на кои тоа им е неопходно.

Претседателот Емануел Макрон изрази жалење поради тоа што карипската земја не тргнала по заеднички пат со Франција. Можеби ќе тргнеа, ако со договорот од 1825 година Париз не ја закопа карипската нација до гуша во долгови и камати. Макрон не се извини за двојното поробување на Хаити и го премолче барањето неговата земја да плати репарации за ропството.

Повеќето пасти за заби опфатени со независно тестирање содржеле олово и други тешки метали ризични за здравјето. Дури и оние за деца. Производителите се оправдуваат дека концентрациите не го преминуваат максималниот праг дефиниран во регулативите, но ниту едно ниво на изложеност на олово, арсен, жива или кадмиум, кои се канцерогени, не може да се смета за здраво.

Кинезите цврсто решиле да доминираат во технолошкиот развој и иновациите. Откако го шокираа светот со капацитетите на јазичниот модел Дипсик, сега ја вградуваат вештачката интелигенција во училиштата. Не само како наставен предмет, туку како темел на големиот ремонт на образовниот систем, со цел да надградат млади таленти во двигатели на иновациите и економскиот развој.

Спејс Икс на Илон Маск е најсериозниот кандидат за да ја гради Златната купола на Трамп - штит за одбрана на САД од напад со проектили. Ќе треба да постави нова мрежа од сателити кои рано ќе откриваат непријателски проектили и ќе ги следат додека летаат кон САД. Друго јато сателити вооружени со ракети и ласери ќе треба да ги соборат. Проектот чини стотици милијарди долари.

Лабуристичката влада на Британија е решена цврсто да ги брани правата на работниците дури и ако за таа цел откине парче од слободата на говор, дури и во пабовите. Министерка тврди дека пабот нема да биде затворен ако бармен се навреди од ставови на гости на кои случајно им го слушнал разговорот. Но на муштериите им го згорчи пивото: ќе треба добро да помислат пред да кажат било што.

Службеничка од Њу Орлеанс, отпуштена поради долга историја на сексуално малтретирање на своите колеги, е вратена на местото на злосторствата. Градските власти оцениле дека не можат без неа, бидејќи им паднала продуктивноста. Жртвите ќе мора да ѝ простат и да продолжат да трпат. Фали уште некој да се сети да ангажира сексуални предатори за да поттикне поголема продуктивност. 

На планета во соѕвездието Лав многу поголема од нашата се откриени траги на две соединенија што на Земјата ги создава само биолошка активност. Астрофизичарите го сметаат тоа за досега најубедлив доказ дека живот постои надвор од Сончевиот систем. Нема знаци за вонземна цивилизација, но откритието ни помага да одговориме на вечното прашање дали сме сами во Универзумот.

Мото на ЕУ беше In varietate concordia („Единство во различноста“). Со децении европските елити ја негуваа сентименталната визија за отворени граници и хуманитарност, додека луѓето што тие наводно ги претставуваа станаа погневни и повознемирени поради дестабилизирачките ефекти на масовната миграција. Сега ќе ги носеле илегалните мигранти на Косово, во Багладеш.... Така било тоа.

Пред еден век антихистамините беа револуција во третманот на алергија. Нови клинички испитувања покажуваат дека уште поефикасни против алергии се лекови со моноклонални антитела што се наменети за астма. Една инјекција може да ги спречи симптомите цела пролетна сезона, не предизвикува непосакувани реакции и може да дејствува против сите типови на алергии.