Ако не победат европските вредности туку, да речеме, американскиот супремацистички лидер Трамп, нема повеќе да ги има ни Словенија ни Хрватска. Односно, нема да ги има ако тргнат по победниците. Нивен избор е во отсутен момент, кога Хитлер ќе ги повика назад во битката за Сталинград, да кажат дека имаат корона. Кога си доволно мал, имаш можност да се правиш и глупав.

Ако денеска не ви стаса време да ги сработите обврските или ако чувствувате вртоглавица, до планетата е. Поради забрзаната ротација на Земјата, oвој 9 јули е пократок за 1,3 милисекунда. Аномалијата ќе се повтори во уште два летни дена. Луѓето нема ни да забележат, ама за научниците и компјутерите е многу важно да ги курдисаат часовниците за да не изгубат некоја милисекунда.

За разлика од САД, каде што Првиот амандман забранува какво било загрозување на слободата на говорот, лабаво дефинираните европски закони за говор на омраза и подемот на социјалните медиуми создадоа плодна почва за апсења и казни. Луѓе и особено политичари се пријавуваат за жртви на омраза без да обезбедат докази. Полицијата ги гони обвинетите и сурово ги казнува.

Откако во летото 2021 година САД и сојузниците од НАТО хаотично се повлекоа од Авганистан, им предадоа на талибанците планина од оружје и воена опрема. Со тоа оружје масовно се тргува. Ги поднови Ал каеда и Исламска држава, па и џихадисти пошироко од Балуџистан до Кашмир. САД не можат, а се чини не ни сакаат да спречат тоа оружје еден ден да биде свртено против Американците.

По лавината критики, тужби и платени милионски отштети за предизвикан рак, фармацевтскиот гигант Баер почна да ја отстранува озлогласената состојка глифосат од најпопуларното средство против плевел во светот Roundup, што го презеде со купувањето на Монсанто. Го заменува со верзија на хербицидот паракват, кој е 28 пати потоксичен и кој е забранет во 70 земји. Не и во САД.

Дваесет и осумте деца и стотината луѓе што загинаа во поплавите во Тексас, не се жртви само на поројните дождови и надојдените реки, туку и на згрозувачката неодговорност на окружните власти. Со години отфрлале да се инсталираат системи за предупредување и тревога во камповите за деца во критичниот регион со кобно име Долина на поплави. Сирените чинеле по 1.000 долари.

Дури и пред војната, Украина беше општо признаена како една од најкорумпираните во Европа. Откако почнаа битките, десетиците милијарди евра што се долеваат како помош уште повеќе ја засилија корупцијата. Швајцарски весник опишува како се збогатиле клика олигарси, најчесто преку зделки што им ги овозможил претседателот Зеленски. Мирот може да биде уште попрофитабилен.

Администрацијата на Трамп најави дека ќе ги објави списокот клиенти на сексуалниот предатор Џефри Епстин и вистината за неговата смрт, но сега соопшти дека таков список немало и дека тој се самоубил. Шокирана од пресвртот, јавноста реагира дека властите решиле да ја прикријат вмешаноста на врвни ѕверки од светската политичка и естрадна елита во мрежата на Епстин.

Пекинг ги смета податоците како основен фактор за производство, изедначувајќи ги со работната сила, капиталот и земјиштето. Со зацврстување на контролата врз базите, Големиот кинески Брат ќе има целосен увид во животот и навиките на граѓаните, бизнисот и владините служби. Со тој океан од информации во исто време ќе се хранат и тренираат моделите со вештачка интелигенција.

Додека израелскиот премиер Бенјамин Нетанјаху во Вашингтон го предложи Доналд Трамп за Нобелова награда за мир и дискутира за прекин на огнот со Хамас, неговиот министер за одбрана објасни за каков „мир“ се работи. Палестинците од Газа треба да бидат концентрирани во „логор“ во Рафа од кој нема да може да излезат до времето кога ќе треба да бидат депортирани.

За трошоците за поддршка на Државата Израел некои Американци ќе кажат дека се 3,8 милијарди долари годишно - износот на воената помош што САД се обврзаа да ја дадат според десетгодишниот Mеморандум за разбирање. Тој одговор масовно ја потценува вистинската цена на односите, која не ги опфаќа скриените трошоци, па ни најголемата, која не може да се изрази во долари.

Институтот на Тони Блер го искористил неговото влијание како поранешен државник за да се вклучи во процесите во Газа, ама не за да го запре геноцидот, туку за повоената изградба на златната ривиера што таму ја гледа Трамп. Војната, во која беа убиени десетици илјади луѓе, „создала можност што се отвора еднаш во векот за обнова на Газа“, се наведува во документите.

Кина има милениумско искуство со мегапроекти. Кога крева ѕид, треба да се гледа од вселената. Ако е брана, треба да ја измести рамнотежата на планетата. Хидроцентралата Датанг Ѕала не може да се споредува со моќта на браната Три Клисури, ама ќе ја има најголемата инерциска турбина во светот, со моќност 13 пати поголема од најголемите што ги имаме во Македонија, во ХЕЦ Вруток.

Спротивно на мислењето на либералите, низа анкети покажуваат дека мнозинството Американци ја поддржуваат депортацијата на сите имигранти што нелегално престојуваат во САД. Сите дојденци не се криминалци, но бандити и шверцери ги злоупотребуваат отворените граници. Загрозени се чувствуваат и легалните мигранти, кои поминале мачни процедури за да се интегрираат.

Антропик ангажираше своја вештачка интелигенција да раководи со фрижидер со пијалоци за вработените. Улогата на агентот Клаудиус како менаџер се покажала како голема микрофинансиска утка, од која може да се извлечат многу важни поуки. Не само што работел со голема загуба, туку измислувал клиенти, одел на состаноци и страдал од бизарна криза на идентитетот.

Повеќето членоки на Северноатлантската алијанса сега ќе инвестираат поголем дел од својот БДП во војска отколку што инвестирале, на пример, во 1970 година, за време на Студената војна, пред детантот, односно ублажувањето на тензиите меѓу суперсилите, што го договорија Никсон и Брежњев. За победа над моќниот Советски Сојуз им требале помалку пари отколку за парирање на денешна Русија, која е само сенка на СССР.

Со децении ни кажуваа дека најголемиот проблем во светот се премногу луѓе. Од Tомас Малтус во 18 век до „Популациската бомба“ во 1960-тите, предупредувањата беа ужасни: повеќе луѓе би значело повеќе глад, повеќе сиромаштија, повеќе уништување на животната средина. Но, се случи нешто неочекувано. Демографската математика се промени.

Една доза од експериментален лек за грип може да ги заштити луѓето во текот на целата сезона, и тоа поефикасно од вакцините. Повеќе од 5.000 невакцинирани лица што го примиле лекот CD388 биле следени од почетокот па до крајот на сезоната на грип. Највисоката доза на лекот обезбедила 76% заштита, што е подобро од вакцината, која знае и да не погоди сојот на сезонскиот грип.

Наведувајќи ранливост од напади и кризи, Брисел планира да создаде големи европски резерви од основни производи и стратегиски материјали за случаи на воен напад, саботажа или природна катастрофа. Ги повикува членките да складираат се, од храна и лекови, па до ретки минерали и алати за поправка кабли. Граѓаните уште во март беа повикани да направат залихи за најмалку три дена.

За да уништи опасна ларва што се храни со месо од добиток (па и од луѓе) во Тексас и во Мексико, САД ќе градат фабрики во кои ќе бидат одгледани милијарди муви. Ќе ги стерилизираат мажјаците и ќе ги фрлат од авион за да ги истиснат потентните и да ги измамат женките спремни за расплод. Комплицирано е исто како што звучи, но се покажало како најефикасно решение за спас на добитокот.

Секој човек во Холандија во својата крв има „вечни хемикалии“, покажа првото национално истражување за контаминацијата со пер- и полифлуороалкили. Највисока била концентрацијата кај оние што живеат близу до хемиските фабрики, но супстанците PFAS што не се разградуваат по природен пат се неизбежни – ги има во почвата, храната и водата низ цела Холандија. 

Продажбата на Јагуар нагло падна откако легендарната британска компанија ја исфрли мачката од логото и мускулестите машини ги претвори во барби-аутца, шокирајќи ги своите фанови. Компанијата потврдува дека продажбата паднала речиси до нула, но и објаснува дека тоа е планирана последица од ребрендирањето и од уште поризичниот потег да замине „ол ин“ во воук универзумот.

Израелските сили од октомври 2023 година убија близу 60.000 Палестинци во Газа. Уште безброј се заробени под урнатините, умираат од глад или биле застрелани додека чекале храна. Паралелно со крвопролевањето, забранети се меѓународни медиуми и се води системска кампања за истребување на оние што останаа да го документираат и да го разоткријат геноцидот во Газа и Западниот Брег.

Од Азија преку Европа и Блискиот Исток до Америка се водат спорови, конфликти и војни за пристап до вода. Русите ја разнесоа браната Каховка во Украина. Индија ја запре реката Ченаб како притисок врз Пакистан. Се пречкаа Тексас и Мексико. Израел ја дозира водата за Западниот Брег. Новиот случај е етиопската мегабрана на Нил, која Египет ја смета за егзистенцијална закана.