Мнозинството во САД е за депортации

Спротивно на мислењето на либералите, низа анкети покажуваат дека мнозинството Американци ја поддржуваат депортацијата на сите имигранти што нелегално престојуваат во САД. Сите дојденци не се криминалци, но бандити и шверцери ги злоупотребуваат отворените граници. Загрозени се чувствуваат и легалните мигранти, кои поминале мачни процедури за да се интегрираат.

Поддршката за депортирање на нелегалните мигранти во САД е конзистентна. Се движи од 55% во анкетата на Њујорк тајмс, 56% на ABC и 57% на CBS, па сè до 64% на истражувањето на Маркет.

Анкетите сведочат и за значителен раст на поддршката за депортација за 20 поени, од 36% во 2016 година на актуелниот просек од 56%.

Промената во ставовите не се толкува како пораст на омраза, туку како потреба за поголем ред, безбедност и праведност. Нелегалната миграција беше едно од прашањата што му помогна на Доналд Трамп убедливо да победи на изборите во ноември, со речиси идентичен процент од гласови.

Мнозинството нелегални мигранти не се директно одговорни за криминал, но нерегулираните граници им го олеснуваат полето за дејство во САД на криминални групи, шверцери на дрога и трговци со луѓе. Се намалува и притисокот врз здравствената заштита, образованието, домувањето и програмите за социјална помош.

Ова најмногу ги оптоварува граѓаните од работничката класа, но и имигрантите што ги почитувале сите правила - поднеле документација, платиле такси и поминале проверки на биографијата за да дојдат легално во САД и да се интегрираат во културата, почитувајќи ги законите. Легалните мигранти го сметаат за неправедно заобиколувањето на овој процес и затоа ја поддржуваат депортацијата на оние без документи.

7 јули 2025 - 09:54

Штета ако сте пропуштиле

Јас своето си го умрев

Морбидно фалење

Еврејски поглед на Џорџ Сорос

Последниот гол на Столе за делириум во Келн