Затоа тоа што Виза и Мастеркард, како глобални системи за плаќање, се однесуваат доста локално и послушно секој пат кога САД ќе воведе санкции против некого, Русија одлучи со нив да почне да работи со оставање кауција.

Ричард Бренсон, Џеј Лено и Елен ДеЏенерес се меѓу познатите лица кои се придружија на протестите околу легендарниот хотел во Беверли Хилс откако неговиот сопственик реши да воведе шеријатски правила во хотелот.

Бидејќи паровите обично раскажуваат како се запознале, а никој не збори за тоа што сè направиле за да останат заедно, еве како науката ги има разложено причините за долгорочна брачна кохабитација.

Иако признава дека често му недостасува старото работно место, легендата Лари Кинг вика дека му е многу драго што не морал да биде дел од екипата на CNN во неделите во кои главна приказна беше исчезнатиот малезијски авион.  

Иако во минатото неколку претставници на Украина ја искористија Евровизија како платформа за анти-Руски слогани, годинава Украинците ќе одат со крајно љубовна песна. Русија подеднакво не сака да ја преплаши публиката, па прати две 17-годишни блондинки близначки со уште една љубовна балада

"Време е да се запали баретката и да се закопа синиот фустан," напиша Моника Левински во Ванити Феир во своето прво излагање околу аферата со поранешниот американски претседател. "Јас, лично, длабоко жалам за она што се случи меѓу мене и Претседателот Клинтон. Да ви повторам: Јас. Лично. Длабоко. Жалам."

По години кога во маркетингот преовладуваат сите можни форми на комедија, одеднаш нешто се случува и истите тие што го превртуваа интернетот барајќи некоја нова реклама за да се здробат од смеење, се фаќаат самите себе како некоја реклама ги оставила сериозно емотивни. Почнува нова ера.

На страна метафорите, медицински, кусогледоста е проблем што во некоја форма го имаат околу 1,6 милијарди луѓе (секој четврти) во светот. Со вакво темпо, до 2020-та ова ќе порасне до една третина од популацијата. Главна причина - се повеќе луѓе одат на училиште.

Приказнава ги има сите класични елементи на апсурдните балканштини: умира најстариот па најблиските ги фаќа некаков инает па почнуваат да се надмудруваат околу задгробната плоча. Само што, и ликовите и дејствието се далеку од овде.

Во сите јавни дебати и иницијативи за разни делови на телото (гради, мустаќи, тестиси), клиторисот како да е пропаднат во некој процеп :)  Затоа, почетокот на мај веќе втора година е резервиран за тој неправедно потценет извор на задоволства. Дополнителен бонус: неделата на клиторисот се поклопува со празникот на мастурбирањето.

Многу е веројатно дека ако дома имате апарат за домаќинство што сте го купиле пред 30 или 40 години, тој сè уште работи. Или дека ако пред некоја година сте решиле да го замените со нов, досега сто пати сте се покајале.

Од 13-ти март Русија одржува константни воени вежби на границата со Украина. За овие потреби таму имаат распоредено 45.000 војници. Карши нив Украинците имаат 70.000 војници, ама не се сигурни колку од нив се лојални на Киев.

Ѕе! или Пикабу! е игра на која бебињата паѓаат без разлика на кој меридијан се наоѓаат или во каква култура растат. Зошто е тоа така? Затоа што играта им е феноменална алатка за учење.

Логиката е: Американците сакаат мексиканска храна (начо, тако, бурито, тортиља), сакаат мексикански пијалоци (текила, мезкал, пиво), сакаат мексикански работници, сакаат мексикански готвачи и куќна послуга, сакаат мексиканска дрога. На сето ова на Бордејн не му е јасно зошто тогаш не го сакаат Мексико.

Додека чекаме лек за рак или барем патики што не смрдат, научниците решија еден друг горлив проблем на човештвото, како да се победи во играта "лист, камен, ножички". Знаењето е моќ.

По оној на Роџер Вотерс за Стоунси, пренесуваме за уште еден повик за бојкот: порно индустријата против Семјеул Л. Џексон.

Не дека е млад ама стварно е греота ако потклекне. Давид во Фиренца мака мачи со своите ножни зглобови, особено со левиот. А и како да нема мака кога е онолку тежок а по цели денови е на нога.

Оние кои стравуваат дека човештвото ќе се уништи од сопствената технологија отсега имаат влијателен сојузник во ковањето апокалиптични сценарија. Не нуклеарната технологија ниту пак клонирањето. Стивен Хокинг проценува дека фатална за нас може да биде вештачката интелигенција.

За првпат во својата историја, Ролинг Стоунс ќе свират во Израел. Роџер Вотерс и Ник Мејсон (тапанарот на Пинк Флојд) сметаат дека е тоа исто како да се свири за режимот кој спроведуваше апартхејд во Јужна Африка

Најпопуларниот светски ланец за кафе цел месец нема купено ни зрно сировина. Скапо му е.

Како машки што уште сте на училиште (основно и средно) задачата на вашите родители е до изнемоштеност да ви кажуваат дека на вашата сестра / братучетка / сосетка сите и се 5-ки на училиште. Ваша задача е храбро да ги издржите овие напади и да им кажете дека ситуацијата од секогаш е таква.

Сериозни економисти сериозно ја разгледуваат опцијата да се забрани модерното банкарство. Идејата изгледа луда и неостварлива, но, кризите во кои упаѓаат модерните држави ја прават логична.

Од целиот раст на приходи што Епл и Фејсбук го направија минатата година, речиси 100% директно доаѓа од мобилни уреди, без разлика што и двете компании се скршија од работење на други полиња.

Фотките на Ријана во магазинот Луи покажаа едно згодно науљено тело (глупо е да напишеме замастено ко да е свеќица од Фиќо), фини цициња, една тетоважа под нив и пирсинг на брадавицата. Но, истите фотки обелоденија уште една работа: колку Плејбој е веќе нерелевантен.