- Рускиот претседател Владимир Путин предложил троен самит со Доналд Трамп и Си Џинпинг за постигнување договор за крај на војната во Украина. Зеленски не е поканет.
- Путин го предложил самитот за време на телефонскиот разговор со Трамп на 9 октомври, кога постигнаа договор за продажба на руски дизел на глобалниот пазар. Трилатералната средба, според Кремљ, би се одржала на маргините на состанокот на Азиско-пацифичката економска соработка на 18 и 19 ноември во кинескиот град Шенжен.
- „Сè уште нема јасен договор за средбата и за агендата, иако сите три страни не ја отфрлаат можноста за одржување на таков самит“, изјави за Волстрит журнал портпаролот на Кремљ, Дмитриј Песков.
- Руските претставници ја пренеле идејата до Пекинг преку дипломатски канали. Кинеската страна сигнализирала дека нема да има ништо против, доколку се согласи и Трамп. Висок американски функционер изјави дека Трамп е „отворен за оваа идеја“.
- Трамп вчера го критикуваше Зеленски поради украинските напади врз нафтен терминал во Санкт Петербург. „Тој не сака да ја заврши оваа војна, а веројатно никогаш и не сакал“, порача Трамп.
- Претседателот на Израел, Исак Херцог, најави дека ќе му го довери мандатот за формирање нова коалициска влада на опозицискиот лидер Гади Ајзенкот.
- Ни неговата (48 пратеници) ни партијата на Нетанјаху и неговите ултрадесничарски сојузници (53 пратеници) имаат доволно за влада но Херцог се решил на ваков потег откако лидерите на арапските партии најавиле дека поддршка би му дале на Ајзенкот.
- Досега сите израелски влади биле коалициони. Сегашниот распоред на силите се должи на рекордната излезност на арапските гласачи кои обезбедија 19 пратенички места.
- Ајзенкот е поранешен началник на армискиот Генералштаб и нема да му е лесно да создаде мнозинство со оглед на тоа што сите освен една еврејска партија, пред изборите се обврзаа дека нема да соработуваат со арапските коалиции за формирање влада.
- Четири жени и двајца мажи се мртви, најмалку 16 лица ранети (петмина странски државјани) а 12 од повредените се во критична или сериозна состојба.
- Тоа е моменталниот биланс од вчерашното рандом пукање во Краков од автомобил во движење кое го извел Пољак од дваесетина и нешто години пред да биде совладан од полицијата.
- Три дополнителни тела подоцна се најдени во куќата на осомничениот, се верува дека тоа се членови на неговото семејство, обелодени премиерот Доналд Туск.
- Мотивот на крвавиот пир сè уште е непознат а првичните сознанија упатуваат дека убиецот имал „многу радикални ставови.“
- Неговиот обид за бегство заврши со судар и размена на оган со полицајците. Еден од нив, и самиот ранет, го пука од блиску но во моментов не е јавено дека идиотот е мртов.
