Вивијан Вествуд смета дека едноставно е решението за оние што не можат да си дозволат да јадат органска храна: треба да јадат помалку.
Симболично врачувајќи петиција во Даунинг Стрит против ГМО потпишана од 57 милиони луѓе, некој од присутните, на модната икона ѝ дофрлил дека не сите можат да си приуштат скапа органска храна. "Тогаш, нека јадат помалку", возвратила Вествуд.
Новинари се обиделе да ѝ објаснат дека во ситуација кога многу луѓе во Британија едвај врзуваат крај со крај или се хранат во народни кујни, јадењето помалку не е решение, но, таа останала на својата вегетаријанска мантра.
"Јас јадам овошје и зеленчук. Не јадам месо. Верувам дека месото е лошо за мене. А лошо е и за животните," рекла 72 годишната Вествуд.
Подоцна во радио интервју се дообјаснила дека со нејзиниот режим на исхрана многумина луѓе се дигнале и од инвалидска количка а и таа самата ја увидела предноста бидејќи веќе не била ревматична како порано.
