Деновиве излезе "Дани затворених врата", најновото од Хладно Пиво. Подеднакво свежо е и интервјуто со нив на тема панкери, бунтови, млади револуционери, панкерско брендирање...

Францускиот парламент вети дека ќе почне да се справува со "националната епидемија на фрлање храна," и за почеток им нареди на супермаркети непродадената храна (која се уште може да се јаде) да ја донираат на добротворни организации.

Може ли еден град, сосе партали, да се собере и да киниса на друго место? Го нарекуваат најрадикалниот урбан релокациски проект во овој век - шведскиот град Кируна планира да се сели. Топтан, сосе 18,200 жители.

Луѓето треба да научат паралелно да паркираат и тоа е нешто клучно што мора да се знае за урбано преживување, ама бесцелно е ова да се полага на тестот за возачка, "одзема премногу време и никој не загинал возејќи 5 км/ч."

Пред некое време Advance.hr објави сериозен и опширен текст за Македонија, но по кратко време решава да му ги извади најсочните делови, и тоа со добронамерна причина. Знаат дека истиот тој текст овде, во Македонија ќе стаса распарчен (секој ќе си земе од него тоа што му годи на уво) па го реобјавуваат во скратена верзија, оставајќи го само заклучокот на авторот.

Шефот на некогашната тајна полиција на Пиноче доби затворска казна од 15 години. Ајде, ајде, се издржува тоа, ќе рече човек. Ако не знае дека истиот веќе служи затворска казна од 490 години.

"За тие луѓе водата е многу скапа и затоа алиштата ги носат само неколку пати, и потоа ги фрлаат," е објаснувањето на една од Индијките за купиштата алишта што од Запад им пристигнуваат за рециклирање.

Ако Грција во многу скоро време не добие пари на заем земјата може ќе биде присилена да ја напушти Еврозоната. И покрај ова Грција ни под разно нема да прифати голем број од условите што се бараат од нејзе. "Проклет да сум ако прифатам уште еден пакет на економски политики кои ќе ја продолжат истата криза. Тоа не е она за што бев избран," гневно и објаснува Варуфакис на новинарката на Њујорк Тајмс.

Не само што не ја сакаат зградата, туку никогаш не им била потребна, ниту пак некогаш ја искористиле, а изградена е и покрај тоа што 3 американски генерали по ред се обиделе да го сопрат проектот.

Список на најплатените работни позиции во компанијата Тесла. Листата е од професии кои работат нешто, без церемонијалните и непродуктивни титули како човечки ресурси, среден менаџмент, процедури и најразлични директори.

Исто како што по вашите лични искуства имате аргументи и зошто човек треба да биде кретен во животот, и зошто треба да биде коректен кон другите, така и книгите и стручната литература имаат аргументи за двете работи. Ако се прашува науката, по ново, таа избира за првата варијанта.

Четири добротворни организации за помош на заболени од рак од 2008-ма до 2012-та собираат 187 милиони долари во донации. Од овие пари само 3% се користат за помош на заболени од рак. Бонус: сите четири организации ги води едно семејство.

Текстот во Њујорк Тајмс од пред некој ден за упадот на Делта Форс во Сирија и убиството на еден од лидерите на ИД, раскажува приказна која уште пред неколку години беше номинирана за Оскар за најдобар филм.

Македонија е сиромашна копнeна балканска држава со околу 2 милиони луѓе. За Кремљ таа е најновиот фронт во идеолошката битка а САД подбуцнува промена на режимот за да се намали влијанието на Русија.

Убаво и благородно звучеше она дека жената треба да се цени и по тоа што прави за семејството, како домаќинка и мајка. Во најновиот развој на настаните, таквото ценење добива форма на паричен бонус, како во компанија.

За почеток луѓето што ја истражуваат темата сакаат да истакнат дека самото постоење на машкиот пол е крајно збунувачко, по основа дека неговата работа е само придонесување на генетски материјал. Истражувано е 10 години.

Еден од нивните клучни луѓе, оној кој остана жив да ја нацрта првата насловна по шокантниот масакр во редакцијата, изјави дека го напушта сатиричниот магазин.

Новото пророчко изненадување после Пол, октоподот што ги предвидуваше резултатите на Светското во фудбал, се вика Мик, и освен што пее во една од најпознатите групи на сите времиња, очигледно е талентиран и за предвидување изборни победи и порази.

Моментално ЦИА и Пентагон независно спроведуваат исти тренинг мисии на умерената опозиција во и околу Сирија. Ако по некоја случајност "овие два столба на националната безбедност се судрат околу Ирак и Сирија, би било грешка да се претпостави дека ЦИА ќе биде поразената страна... ЦИА ги добива овие битки од почетокот на војните пред 14 години."

Истите конзервативци што ги убедуваа Шкотите да не се отцепуваат од Британија, по победата на изборите имаат задача до 2017-та да испорачаат референдум за излегување на Британија од ЕУ.

Раскажувачот на приказната е Грк кој живее во Америка, и кој заради неговото потекло често пати е прашуван што мисли за целата криза. Почнува вака: "Грчката криза на многу начини е едноставна приказна; предвидлив резултат на политики и културолошки особености."

Мислиме на онаа специфична женска одлика која во англискиот е позната како „бичинес". Тоа е индиректна агресија којашто жените ја покажуваат кон други жени, дури и при клинички истражувања. Што па толку им згрешиле?

Она што денес е медиумска империја проценета на околу 4 милијарди долари, на која и завидува секој можен традиционален и каков било друг медиум што се обидува да ја освои младата публика, започнува со работа во 1994-та како магазин за музика и мода.

Извршниот директор на Епл имаше една едноставна порака до оние кои годинава завршуваат факултет околу нивната дилема што и како понатаму во животот: да прават нешто добро или - да им оди добро.