Во интервју за Сиенбиси, првиот човек на една од најголемите компании за производство на јаглен Муреј енерџи корпорејшн, Роберт Муреј, го нарекува Маск измамник затоа што Тесла добил 2 милијарди долари субвенции од државата, а се уште нема направено ни едно пени профит.

На 9 октомври 1934 кралот Александар на бродот Дубровник пристигнува на пристаништето во Марсеј каде е дочекан од францускиот министер за надворешни работи Луј Барту и генералот Жозеф Жорж, и уште тука не е исполнет протоколот за дочек на високи гости и покрај тоа што разузнавачките служби веќе имаат информација дека му се подготвува атентат на кралот, пишува авторот на книгата "Атентат 1934", Милан Богојевиќ.

За да ви стане јасен целиот ризик на распишување референдум, доволно е да се обидете по дома да спроведете еден за тоа што ќе се руча денес. Веднаш ќе зажалите што сте му ја препуштиле одлуката на народот.

Актуелниот крал на Тајланд, Рама 9-ти е најбогатиот монарх на светот со богатство кое се проценува на 30 милијарди долари. Проблемот е што Рама, роден 1927, е пред умирачка, а на негово место чека да дојде син му, 63-годишниот принц Маха Вачиралонгкорн, човек со манири како што може да има некој што 63 години е одгледуван како син на најбогатиот монарх на светот.

Под терминот "тековна професионализација" канадската армија од 2014 ги обучува и им помага на Украинците во војната против руските сепаратисти. Под терминот "Кремљ е наш" Русија ги обучува и помага руските сепаратисти во војната против Украинците.

Во 1935 британски ционист новинар, Лео Елтон патува во Албанија со цел да ја разгледа можноста таму да биде воспоставена модерната еврејска држава.

Како што почна да зема на сила тазе објавената снимка со фалењето на Трамп околу жените, така републиканскиот кандидат одржа прес-конференција каде на своите поддржувачи, а и на сè останато, им порача "никогаш нема да се откажам од трката за претседател."

Пред почетокот на викендот распоредот во претседателската трка во САД беше: во првата дебата победи Хилари ама не многу, а Трамп изгуби, ама не многу. Плус добар дел беа изненадени од одличниот настап на Пенс, изборот за потпретседател на Трамп, во дебатата со Кејн, изборот на Хилари. Сето ова важеше до петокот кога Вашингтон пост објави снимка од Трамп, како експлицитно се отвара за своите пракси околу жените во брак.

Контроверзите околу Нобеловата награда за мир постојат со децении. Од фактот дека ја има добиено еден злотвор како Кисинџер ама не и тип како Ганди па до последниот лауреат од Колумбија чиј мировен план беше одбиен на референдум. Но, та не е саде Нобел, та не е саде мир.

На 17 јули 1918 во 1 часот по полноќ, царот Николај Втори, неговата сопруга, петте деца, нивните 4 преостанати слуги, меѓу кои и семејниот доктор, се разбудени од страна на нивните болшевички чувари. Наредено им е да се облечат и да се спремат за патување. Кажано им е да се соберат во подрумот. Додека семејството и придружбата чекаат таму, просторијата почнува да се полни со 11 или 12 тешко вооружени војници.

Добра вест е дека луѓето во просек живеат една деценија подолго отколку во 1980. Лоша вест е дека ова не се должи на подобро здравје, туку на подобри лекови кои можат да нè истераат уште некоја година.

Насловот звучи како кромид или како некоја ретро сатира, но не е; навистина постоело време кога на просторите на поранешна Југославија се собирале донации за поддршка на обесправената и угнетена работничка класа во Шведска.

Атлантик е еден од највоздржаните американски магазини за време на избори. Во своето постоење (пазете, постојат 159 години!) само во два наврата поддржале некој кандидат за претседател. И еве сега се појавува Доналд Трамп.

Никогаш во 64-годишната историја на УНХЦР, организацијата требала да се справува со толку многу човечка мизерија. На почетокот од 2014, повеќе од 51 милион луѓе беа разместени од нивните домови, раселени од конфликти и прогон. И уште многу други мораа да бегаат изминативе 12 месеци.

Тереза Меј на говор во неделата: Британија е 5-та по големина економија во светот. Глобални пазари во понеделникот: Британија е 6-та по големина економија во светот.

Тоа што Тим Кук постојано ги отфрла процените за цената на материјалите, не значи дека ќе се престане со постојани проценки за тоа колку чини да произведеш Ајфон. Па, според истите кредибилни извори, производството на седмицата чини 225 долари.

Западните лидери се собраа и ветија дека ќе донираат милијарди долари за помош на Авганистан. Со оглед на тоа каков е договорот прва ставка од помошта ќе треба да биде дополнителен терминал на аеродромот во Кабул, за да може да ги опслужи сите бегалци што Европа ќе ги депортира назад во земјата.

И покрај тоа што трае веќе две години, и е катастрофална по секоја ставка, војната во Јемен никако да дојде на ред во глобалните медиуми. На една страна се Хути бунтовниците поддржани од Иран, а на другата се владините сили поддржани од Саудијците опремени со британско оружје.

Вие твитерџиите сте страшно одговорни за ова молчење и за тоа чувство дека вие нешто страшно важно правите што седите 24 часа и твитате, ја почнува Дража Петровиќ колумната за 5-тооктомвриските демонстрации по кои беше соборен Слободан Милошевиќ.

Иако со децении расте долговечноста на човекот, проценките велат дека плафонот на нашиот рок на траење е некаде на 115 години. За после тоа ќе ни треба некое ново (научно) чаре.

Виножитата консенсуално ги сакаме и тука нема збор. Но, како и со некои други љубови, тоа што ги сакаме не значи и дека им обрнуваме доволно внимание.

Виножитата консенсуално ги сакаме и тука нема збор. Но, како и со некои други љубови, тоа што ги сакаме не значи и дека им обрнуваме доволно внимание.

Родниот град на италијанскиот поет и творец на модерниот италијански јазик се извини што пред 700 години го натерала во егзил. Не џабе викаат дека правдата е спора, ама бавна.

Се распрснаа стравовите дека Шпанија е неповратно поделена земја после двата општи избори кои завршија без конечен победник и речиси едногодишната политичка пат позиција. Народот конечно покажа единство, на голема жал на Џејми Оливер. Да бевме и ние како нив па да се побуневме кога почнаа да прават пилешки пастрмалии.