Таканаречените „коментари“ одамна станаа јавни клозети, инквизициски подруми и средновековни плоштади со клади, ако воопшто некогаш биле нешто повеќе. Зошто таа, како се вика, „интеракција“, односно бројот на коментарите и на фамозните поврзани кликови, воопшто би биле релевантен показател за што било и кому било?

Бибиси минатата недела во Сиднеј организираше прилично амбициозен собир со подеднакво амбициозно име "Самит на идеи што ќе го променат светот" на кој говорници од цел свет предлагаа свои идеи за подобрување на животот на планетава. Исходот, ова е она кога ќе кажат "смисли нешто паметно".

Идиократијата е во полн залет а науката со полна пареа го билда конзумеризмот и глупоста која веќе не верува ни на сопствениот нос. Го ставате ова пластично чудо на нос, се приближувате до месо и тоа ви вика: "Јас ова не би го јадел".

На 21 ноември 2013 на плоштадот Мајдан во Киев почнаа протестите против украинскиот претседател Виктор Јанукович. Крајниот епилог беше жртви меѓу демонстрантите и безбедносните сили, бегство на Јанукович во Москва, запленување на неговото богатство, комплетен пад на неговата влада и избор на нова влада.

Во невообичаена медиумска тишина, Европската комисија бутка еден законски предлог кој ако помине, ќе го претвори интернетот во боиште за тужби, судски процеси и обештетувања. На пример, нема да можете да го споделите овој текст.

Обезбедувањето на Трамп додека е во Њујорк и чека да биде инаугуриран за претседател, ги чини градските власти нешто над 1 милион долари дневно. Добра вест за буџетот на градот е што за неполни 3 месеци Трамп се сели во Вашингтон. Лоша вест е што Меланија нема да оди со него.

Британски Лансет го потврди приказните со ужаси на бегалците, дека шверцерите на луѓе пред почетокот на патувањата со брод ги присилувале да пијат микс од дизел гориво и паразити за да бидат мирни за време на патувањето преку море.

Политичарот од Зелената партија Малте Шпиц успева (преку суд) да ги извлече сите податоци што Дојче телеком ги има собрано за него. Истите им ги предава на Цајт-онлајн, кои врз основа на нив прават комплетен отпечаток од животот и движењето на политичарот во период од 6 месеци.

Не се работи за религиозно постење, ниту за детоксикација или некаква диета со лажење и попуштање, туку цел месец не внесуваш ништо освен вода.

Започнал од заебанција и и полека се навлекол на фрапантниот успех кој ги постигнале неговите лажни вести. Уште не е сигурен дали поглупи се алгоритмите на социјални мрежи или луѓето. Ќе да е второво.

Американската федерална комисија за трговија ќе бара од производителите на хомеопатски што-и-да-се-тоа јасно да обележат дека нивните производи не функционираат.

За да потпише дека ќе глуми во мини-серијата The Nix, Мерил Стрип доби хонорар од 825.000 долари по епизода. Роберт Де Ниро е за 75.000 поевтин и за секоја од 20-те епизоди на еден серијал на Амазон, ќе заработи по 750.000 долари.

Во 2006 на 17 години, Конор Мекгрегор се вработува како чирак водоводџија. Во 2007 ја има првата аматерска ММА борба. Во 2013 пред првата борба за УФЦ тој го подига месечниот чек од социјално.

Во 2001 Стив Балмер го опиша Линукс како "рак кој се закачува на сè, од интелектуална сопственост, што ќе допре". Минатата недела Микрософт објави дека се приклучува кон Линукс фондацијата како платински член.

"Јас не сум бел националист, јас сум националист. Економски националист", вели Стив Бенон, креаторот на победничката кампања на Трамп кој уште сега се смета за вториот најмоќен човек во поставата на идната Бела куќа. Човекот има пари направено со помош на истите оние кои ја поддржаа наизменичната струја на Тесла.

Словенечкиот филозоф вели дека победата на Трамп е добра работа затоа што може да биде аларм за будење на заспаното општество и особено либералната елита која има изгубено допир со реалноста. И се чуди како Хилари мислеше да победи со коалиција во која ќе бидат и Вол Стрит и  Окупирај го Вол Стрит.

Човекот кој пред 4 години ја предвиде руската интервенција во Украина, сега вели дека следни се балтичките земји и дека тоа ќе биде најголемиот предизвик на новиот американски претседател. Само, да не очекува дека тоа ќе биде класична воена интервенција на Русите.

Вработените во протокол во кабинетот на Тереза Меј останале подзинати од поканата што Трамп по победата ѝ ја испратил на премиерката, која со целата своја дипломатска протколарност гласела: „Кажи ако доаѓаш накај САД“.

Личи на евтин новогодишен украс од кинеско производство но оние што ја доделуваат една од најпосакуваните дизајнерски награди ваљда знаат што прават. Според нив, годинава не се видело ништо подобро од хартиен шлем за велосипедисти.

И покрај тоа што трчањето е лош начин за слабеење и инфериорен начин за подобрување на кардиоваскуларното здравје тоа некако стана најпопуларната вежба на светот, по пешачењето. Ако сакаш да се вратиш во форма батали трчањето 10 км и со спринт фати накај најблиската теретана.

Иако повеќето луѓе се загрижени дека еден ден роботите, автоматиката и вештачката интелигенција ќе ги преземат работите во свои раце, извршниот директор на Мерцедес има сосема поинаква перцепција кој ќе биде за жалење.

Парламентот го изгласа амандманот според кој обилните резерви на чиста вода на земјата се "јавно добро управувано од државата" а не "пазарен производ". Со амандманот пристапот до вода станува основно човеково право, и таа повеќе не може да биде комерцијализирана (пакувана и продавана).

Не би бил политичар ако не би му текнало како и својот најголем пораз да го претвори во лична корист. Дејвид Камерон наплаќа 120.000 фунти за едночасовен говор за Брегзит. Тоа се 2.340 евра за минута.