Вести › Набрзинка

Безбедно ли е за Груби на слобода?

14 октомври 2026

Артан Груби беше пречекан со факели и димни бомби во скопски Чаир, откако Кривичниот суд му ја укина мерката куќен притвор.
Одлуката е донесена по истекот на законскиот рок од 60 дена од поднесувањето на обвинителниот предлог а пасошот не му бил вратен.

Артан Груби, кој беше прв вицепремиер во претходната влада на СДСМ и ДУИ, е второобвинет во предметот „Државна лотарија“ за злоупотреба на службена положба и овластување и штета од 9,7 милиони евра во државната компанија.
По 14 месеци бегство, Груб се врати во Македонија и беше упасен, но по проценка на МВР и АНБ, во притворското одделение во Шуто Оризари не можело да се гарантира неговата безбедност па беше ставен во домашен притвор.

14 октомври 2026

Поранешниот гангстер Двејн „Кефе Д“ Дејвис е осуден на 40 години затвор поради организирање на убиството на раперот Тупак Шакур во Лас Вегас во 1996 година.
По 20 години му се изречени за убиството и за користење смртоносно оружје.
Со изрекувањето на пресудата се заокружува еден од најконтроверзните нерешени случаи во Америка, без дефинитивен одговор кој го застрелал 25-годишниот рапер во престрелката и бркотницата со коли во Лас Вегас.
На Дејвис му се судеше за организирање на убиството, како одмазда затоа што Тупак му го претепал внукот во казино. Не се знае точно кој од неговата придружба пукал во раперот. Сите осомничени веќе се починати.

14 октомври 2026

Кимберли Гилфојл поднесе оставка од функцијата амбасадорка на САД во Грција, откако тоа јавно од неа го побара Белата куќа поради бројни обвинувања за „несоодветно“, а можеби и незаконско однесување за време на нејзиниот мандат во Атина.
„Вршеше добра работа, но не ни се допаѓаше она што го читавме... Повеќе нема да биде таму“, изјави претседателот Трамп. Додаде дека Гилфојл никогаш не била дел од неговото семејство, иако со години му беше свршеница на неговиот син.

„Несоодветното однесување“ на Гилфојл опфаќаше закана до Грција, примање подароци и услуги, како и понуда да го искористи своето влијание во републиканската администрација во замена за плаќање на долг од 100.000 долари на кредитна картичка.
За низата скандали поврзани со Гилфојл пишувавме во текстот „Која е Трамповата елитна дипломатка во Атина?“.