Синоќешното убиство на полицаец во Париз би можело да ги сврти француските избори во корист на Ле Пен. Баш ова е посакуваниот исход за ИСИС, кои од изборот на Ле Пен се надеваат дека ќе можат да извлечат граѓанска војна во земјата.

На списокот работи за кои Трамп откри дека се "покомплицирани отколку што некој можеше да замисли" (покомплицирани од твитање за нив) до сега (меѓу другите) ги има: Северна Кореја, Кина, Сирија, здравствената заштита и спасување на индустријата за производство на јаглен.

Добро за О'Рајли во целата работа е што кратко пред да излезе скандалот тој потпиша обновување на неговиот 4-годишен договор со Фокс. Па сега како дел од спогодбата за раскинување со телевизијата, тој ќе добие 25 милиони долари.

Во разговор за американскиот магазин Политико, во добар дел околу ситуацијата во Македонија по излетот на албанските партии од Македонија во Тирана, албанскиот премиер Еди Рама ѝ пушти ишарет на ЕУ „ал да доаѓаме, ал да се спојуваме“.

Најлошиот заклучок е дека тесната победа на Ердоган на референдумот е почеток на неговиот крај, бидејќи со идентични резултати како во неделата тој на парламентарни избори би освоил две-третинско мнозинство, пишува Жељко Пантелиќ.

Лу Рид, Џон Кејл, Морин Такер, Стерлинг Морисон и со нив ледената германска божица Нико: монументални распади кои одат, наркофилски ѕверови, декадентни трубадури, велеградски шљам, провинцијалци и фолиранти на кои случајно им паднало да бидат генијални, блазирани, одвнатре размонтирани протопсихопанк пролетери: и ете три четврт саат со најразулавената, највалканата, најопасната и најнежната музика која дотогаш е снимена на планетата.

Политичкиот економист Бенџамин Фридман го споредува Западот со стабилен велосипед чии тркала ги врти економскиот раст. Доколку ова движење се забави или престане, столбовите што го дефинираат западното општество - демократија, лични слободи, толеранција... - ќе почнат да се клатат, а потоа работите тргаат само надолу.

Одамна го немало со битна улога во голем филм а нему му е јасно зошто. Затоа што уверувањата и пријателствата имаат своја цена. Холивуд го држи кинескиот капитал а Ричард Гир е стар пријател со Далај Лама.

Американските војници кои го наведуваат хуманизмот како свој систем на уверувања конечно ќе бидат рамноправни со религиозните соборци, меѓу кои има сешто, па и Пастафаријанци, следбеници на Црквата на летечкиот шпагети монструм.

Ни Амазон, ни Јутјуб, а најмалку па традиционалните тв оператори. За првиот човек на глобалниот стриминг гигант Нетфликс, нивен најголем непријател им е чудната потреба на луѓето понекогаш да спијат.

Вон сите очекувања, ама силно потпрен на ветувањето за здрав живот, минатата година еден од најдобро финансираните стартапи за апарати за домаќинство беше Џусеро инк. Производителот на соковник за свежо цедени сокови од кесичка.

Вие што се палите дека сте Ирина Шајк па се сликате со коса преку очи ако шминката не ви е комплетна а филтерите на готовс, престанете да се палите на лајавци шишани на кец, со кеш од кладилница. Па мама не ве родила само да бидете убави на Инстаграм.

Натенане да се прошетаме низ дречавиот и надреален свет на еден турски секс култ кој е тешка постмодерна: кога не сонуваат за обновување на Отоманската империја, трепкаат со вештачки трепки, праќаат книги по светот, и си играат со кокаин и секс. А во Ердоган го гледаат клучниот лик кој треба Турција  да ја направи модерна и религиозна.

Секој што во својот стаж има повеќе од 3-4 новогодишни прослави од работа, има сфатено дека целата мантра "биди позитивен и насмеан на работа" е само непотребно смарање. Едноставно, константна состојба на радост не е ничија природна позиција.

Авторот не може да им се дочуди на своите, т.е. Турците во Германија кои масовно гласаа за опцијата на Ердоган. Феноменот инаку им е познат на балканските народи, кога нивната дијаспора често гласа за рестриктивни политики во родната земја а во земјата во која живеат се жалат на рестриктивни политики кон нив.

Турските гласачи во неделата ги прифатија 18-те уставни амандмани што претходно беа прифатени од парламентот. Повеќе од еден век парламентаризам ќе биде заменет со турски тип на претседателски систем кој е скроен за актуелниот претседател, пишува професорот по Меѓународни односи на Кадир Хас Универзитетот во Истанбул, Соли Узел.

Вечерта меѓу 13 и 14 април во Белград е уапсен 38-годишниот Себастијан Гица, романски милионер проценет на над 100 милиони евра, кој почнува да работи со информатика уште во првите години по падот на Чаушеску (да, многу млад) и тоа за сериозни клиенти како армија, полиција, разузнавање и слично.

Смартфоните создаваат генерација на искривени вратови. Ортопедите не се сигурни дека денешно 8 годишно дете кое окапува на телефон веќе на 28 години нема да биде зрел за операција.

По некое време зјаење празни, Холандија најде како да го пополни вишокот затворски капацитети, па наместо криминалци келиите ги полни со бегалци. Додека се таму, како привремено сместување, а не како казна, бегалците добиваат и неделна помош од 57 евра.

Откако останува без работа, а со многу пари, поранешниот прв човек на Микрософт, Стив Балмер, во својата досада почнува да размислува за работи како - на што ги троши владата парите од данок? И во ова размислување вклучува и други луѓе, за чија помош одвои над 10 милиони долари.

Во САД се организираат 1.100 маратонски трки годишно. Студија што ги споредува бројките на маратони и смртоносни срцеви удари, покажува дека секој пат кога се случувале првите растел бројот на вторите.

Форензичките наоди од крим лабораториите се сметаат за несоборливи докази во судските случаи. Ако се прашувате дали тука има простор за грешка, одговорот е има, и тоа многу.

Симпатизерите и активистите кои работеа на отцепување на Калифорнија од САД во понеделникот официјално се пишманија и ја повлекоа петицијата на оваа тема.

Алан Лихтман го спомнавме лани есента, кога и покрај тоа што ги имаше точно погодено последните 9 претседателски избори во САД, беше масовно исмеван од своите колеги кога збореше дека Трамп ќе стане претседател. Сега, по негови зборови, Трамп "е поранлив на импичмент отколку кој било друг претседател на САД на почетокот од својот мандат".