Џошуа Бојл, човекот кој 5 години со своето семејство им беше заложник на Талибанците, викендов е уапсен во Канада и тоа по обвиненија меѓу кои има напад, сексуален напад и присилно затворање луѓе.

Моменталната македонска просечна плата изнесува 380 евра месечно или 4.560 евра годишно. Моментално директорите на топ 100-те компании во Британија (што не значи дека се и 100 најскапо платени луѓе во земјата) се платени по 1.011 евра на час. По оваа математика, ако директориве во вторникот на 2-ри јануари, биле на работа во 8 часот наутро, до 12:30 дента тие веќе ја имаат заработено вашата годишна плата.

За среќа, кај нас таа енергетска ефикасност се сведува на лепење стиропор на фасадите. Но во земји како Австралија толку педантно се води сметка за тоа што веќе има контра ефекти - новите згради ја заробуваат топлината како најлонски ќеси. И затоа во такви згради летно време не се дише без климатизери.

Како што внимателно се анализира годишниот говор на кинескиот претседател, така детално се анализираат и книгите што стојат во библиотеката зад него.

Една година од претседателствувањето на Трамп, неговата грандиозна идеја за подигање ѕид на јужната граница се сведе на неколку прототипи од по 10-тина метри закопани во пустина.

Битката за рамноправност и родова застапеност знае да произведе чудни нуспојави. Додека машката затворска популација го следи општиот прираст на населението, бројот на жени зад решетки постигнува галопирачки трендови.

Последниот извештај за внатрешната миграција во САД покажува дека источниот брег се напушта и луѓето одат на западниот, каде што е поевтино, потопло и полесно за наоѓање работа. Популарноста најмногу му расте на Ајдахо а од Илиноис е општа бежанија.

Меѓу останатите работи што Мајло Јанопулос ги изгуби откако на почетокот од годинава се стави во одбрана на сексуални односи меѓу возрасни и малолетни лица, беше и неговиот договор за објавување книга со Сајмон и Шустер. Благодарејќи на тоа што Мајло го тужеше издавачот, комплетната евиденција околу книгата, вклучително и уредничките забелешки станаа јавна информација.

Самиот термин „сирова вода“ звучи како да е скован во сатирични потреби за исмевање на денешната пасија за сè што звучи природно и негибнато од технологија. Но, сатирата каска зад лудилото на оние кои, опседнати со здравјето, се подготвени сешто да проголтаат. 

Од 1-ви јануари во Германија почнува да важи законот со кој социјалните мрежи се одговорни ако во рок од 24 часа не отстранат говор на омраза, лажни вести и нелегален материјал од своите платформи. И тоа по 50 милиони евра одговорни за секој ваков пост.

Историјата да им ја оставиме на историчарите? Не ќе да е таа безбедна ни со нив. Во архива на познат археолог, после неговата смрт, пронајдени се ракописи кои внесуваат револуција во теориите за Троја, Хомер, Грците и сето тоа. Проблемот е што некои од неговите колеги се сомневаат дека се фалсификат, поставени од него, за да ги зацврсти своите видувања и после смртта.

Што ги чека технолошките компании, како технологијата ќе се справи со напливот на лажни вести, дали велосипедските патеки полека ќе бидат освоени од електрични возила, што е тоа монопсон, како да се организираат оние кои што работат во тн. гиг економија... се некои од предизвиците во годинава што е пред нас.

Да не биде дека тревата секогаш е позелена во следната година, Кварц составија список на вести од годинава од кои сите (или барем голем број од нас) имаат ќар и што беа масовно позитивни за човештвото.

Група досетливи Новозеланѓани изградиле мало островче во крајбрежните води за да ја избегнат забраната за пиење на јавни места. За идејата им честиташе и првиот полицаец во местото.

40% од Хрватите за поклон под елка ставиле играчки, на второ место била козметика, а топ 3-те теми за подароци што доминирале во земјата завршуваат со чевли и облека.

Забраната не е за овие 553 модели да се возат низ земјата, туку ниту еден од нив повеќе не смее да биде произведуван. Благодарејќи на серија слично драстични мерки, Кина повеќе не е на првото место како најзагадена држава.

Денешната тврдоглавост на Американците во однос на користење на империјалниот систем на мерки наспроти метричкиот, не е ништо во споредба со состојбата во земјата во времето на Томас Џеферсон кога дури и различни сојузни држави во рамите на САД користат различни мерки.

На само неколку дена пред инаугурацијата на Трамп, романски хакери упаднале во компјутерскиот систем на полицијата од Вашингтон одговорен за контрола на камерите за надзор.

Драмите со компјутерска безбедност и хакирање профили и смартфони што се случуваа во 2017, најверојатно ќе се влошат и ќе се случуваат и догодина. И генерално ти не можеш ништо да направиш околу безбедноста на некој он-лајн сервис или социјална мрежа што ги користиш, ама и тоа како можеш да направиш нешто околу безбедноста на сопствениот уред и дело.

Стапката на невработеност во ноември го достигна 17 - годишниот минимум (4,1 отсто). Но, кога во една земја постојат шест милиони работни места кои не се пополнети, тоа е состојба што може да го блокира економскиот раст, предупредуваат економистите.

Властите на Калифорнија решија дека Нестле нема право да флашира и да продава вода за време на големата сушата што ја има зафатено американската сојузната држава.

Прво важно е да се знае дека диети, како слабеење преку намалување на калории што ги внесуваш, не функционираат. Ова им е јасно и на луѓе што држат диети и на науката која е преплавена со докази дека диети не доведуваат до долгорочно слабеење или подобро здравје. Единствени луѓе што не го разбираат ова се оние што никогаш немале потреба од држење диети.

Светската здравствена организација го дефинира нарушувањето како „постојан или повторлив“ модел на однесување со „доволна сериозност за да резултира со значително оштетување на личните, семејните, социјалните, образовните, професионалните или другите важни области на функционирање“

Француски активисти поднесоа кривична пријава против Епл заради нивната неодамна објавена и признаена пракса дека со секој апдејт постарите модели на Ајфон намерно ги прават побавни. Обвинението е по основа на „планско застарување“ што е забрането со закон во Франција, а како отштета се бараат 5% од приходите на компанијата и затвор за нејзините директори во земјата.