ХПВ16 и 18, најризичните канцерогени типови на човечкиот папиломавирус се речиси елиминирани меѓу младите жени во Англија, благодарејќи на успешната масовна вакцинација преку школите. Во вакцинацијата се вклучени двата пола.

Да ги слушаш политичарите како зборуваат за 5Г е исто како да слушаш човек што прв пат се надувал како зборува за космичка свест и отворање чакри - не знаат за што зборуваат, ама сите мора да ги чујат.

На сите проблеми што се откриени на Ф-35 воениот авион од следна генерација, се додава и проблем со еден од автоматите кој излезе дека не може да пука право.

Јусаку Маезава ја запре потрагата по женски „животен партнер“ што требаше да го поведе со себе на туристичката тура околу Месечината.

Една од новите опции што Фејсбук ги пушти во оптек е „Off-Facebook activity“ алатката која освен вистинска примена во (какво-такво) раатисување од следењето, одлично врши работа за да те потсети дека цело време додека сурфаш на интернет имаш некој што ти дреме на рамо, гледа и запишува што правиш.

Експеримент на Мајкрософт Јапонија кој меѓу другото вклучуваше работење 4 дена во неделата покажа сериознио добри резултати. Не само што работниците се позадоволни туку и продуктивноста била зголемена за речќиси 40%.

Сенаторот од Вермонт фаќа убедлива предност пред другите кандидати на демократите во последниот месец пред примарните избори во Калифорнија. На националната конвенција на Демократите на кои ќе се избира противкандидат на Трамп, Калифорнија праќа дури 494 кандидати.

Навиндер Сарао е човекот кој во 2010 помогна за крахот на берзата во Чикаго во која беа изгубени околу 1.000 милијарди долари, и сето тоа од дистанца од речиси 6.500 километри, од својата детска соба во лондонски Хаунзлов.

Една од мерките на кинеските власти за справување со коронавирусот во Вухан беше итна, ама итна, изградба на две привремени болници. Заедно со десетиците багери, булдожери, кранови и останата тешка механизација, на изградбата, преку интернет, беа присутни и милиони Кинези.

Иако мнозинството Американци сметаат дека Трамп има дела за кои може да биде отповикан, тоа мнозинство се топи кога прашањето е дали тој треба да биде отповикан.

Тоа што многу малку знаеме за коронавирусот (меѓу лекарите познат како 2019-nCoV) и начинот на кој се шири, не е причина „зналците“ од цел свет да не ги откриваат заверите кои стојат за него. Последната теорија за која чувме е дека вирусот намерно го пуштиле Кинезите за да ги смират протестите во Хонг Конг. Во продолжение, трите најчести конспирации кои се мотаат по интернет и како се тие склопени.

Додека лидерите на западниот дел од рајот на Земјата наречен ЕУ, кога ќе се сретнат со своите колеги од истокот на истоимената творба, сакаат да зборат само за кризата на демократијата и ерозијата на владеењето на правото, за хрватскиот премиер, кој од пред некоја недела го држи ротирачкото претседателство на ЕУ, иселувањето од Источна Европа е „егзистенцијален проблем“.

Разговорот околу фудбал и општо спорт на работно место ги исклучува жените и доведува до машко однесување како муабетење за сексуални успеси, па заради тоа истиот треба да биде укинат.

Во 23 часот во петок Британија и официјално (сега веќе без можност за одложување) ја напушта Европската унија. За разлика од 1-ви јануари 1973, овој пат ќе нема никаква свеченост за обележување на моментот.

Португалецот Руи Пинто кој од гнев кон фудбалската индустрија го започнува сајтот Фудбал ликс, на кој објавува матни зделки и измами што се прават зад сцената, е човекот кој случајно доаѓа до документите за измамите на Изабел дос Сантос, најбогатата жена во Африка.

Изразено во долари, наградите Греми кои штотуку се поделија по 62-ри пат, носат нула долари. Што не значи дека не се исплатат.

Во процедура која е стандардно резервирана за стероиди и нови допинг суплементи, World Athletics (поранешна ИААФ) спроведе истрага дали користењето на Најк Вејпорфлај патиките е исто што и мамење, и како резултат на тоа се очекува да ги промени правилата.

Нашата просечна телесна температура изгледа веќе не е 37 целзиусови степени. Во однос на луѓето од пред 160 години, денес сме некако покул. Ама само под мишка. 

Вистинскиот проблем со „претставување“ не е дека нема доволно видливо моќни жени. Туку дека она што во нашата култура е претставено како феминизам всушност е корпоратизам.

На Флорида периодов и се случи студен бран како од најкошмарните апокалиптични филмови и температурата на два дена падна под 5 степени Целзиусови (не минус, туку само беше 5 степени). На овие студови милионската популација на игуани почна да паѓа во кататонична состојба, што резултираше со речиси инстантно отворање на подзаборавените рецепти за готвење игуана.

Ајде од вториот дел: најбогатиот човек на светот кој располага со речиси неограничени ресурси за да се одбрани од хакирање, ем не успеа да се одбрани, ем му требаа долги месеци истрага (и неброени пари) за да открие кој му упаднал во телефонот.

Феноменот е познат уште од кралицата Марија Антоанета, а опеан уште од кралот Мухарем Сербезовски. Луѓе од Харвард успеале да го сфатат процесот а можната еволутивна причина зошто е тоа така, ќе им се бендиса на оние со сребро во косите. 

Некогаш малите стартапи кои требаа да го уништат моделот на гигантите како што беше ИБМ со нивните мејнфрејм компјутери, во меѓувреме се претворија во токму такви гломазни компании. И мејнфрејм концептот го вратија, со ново име - клауд.

Додека Демократите даваат се од себе за да им пројде импичментот, Доналд Трамп постави претседателски рекорд постирајќи 125 твитови и ретвитови во еден ден.