Човештвото ќе мора да живее со заканата од коронавирус „во догледна иднина“ и да се адаптира на тоа бидејќи нема гаранција дека може успешно да биде развиена вакцина, порачува еден од водечките светски експерти околу болеста професорот по глобално здравје на Империјалниот колеџ од Лондон, Давид Набаро.

Не се работи за тоа каде се направени, колку се квалитетни и веродостојни. Овојпат суштината не е медицина и технологија, туку -  статистика. 

Бидејќи имаат повеќе нафта отколку што имаат капацитети за складирање, производителите на нафта од САД се присилени да плаќаат пари за да се ослободат од вишокот нафта со кој располагаат. Моменталната цена на нафтата е - 2 (минус два) долара за барел.

Тестирале клошари од еден шелтер за бездомници: речиси нема кој нема вирус ама па не речиси, туку баш ниеден не се разболел од тоа.

Студија на Харвард покажа дека долгорочната загаденост на воздухот е тесно поврзана со актуелната стапка на смртност од ковид-19 во тие средини. Дури и најмала покаченост на ПМ 2,5 честичките сериозно ја менува равенката. 

Коронавирусот го има добиено името по специфичната круна/ореол кој го има вирусот кој инаку е сличен на оној на грип. Кога Џун Алмеида во научен магазин го пријавила она што го открила, била одбиена со образложение дека тоа е обичен вирус на инфлуенца, само лошо снимен. 

Луѓето забележуваат промени во сопственото и однесувањето на другите луѓе, а забележуваат промени и општо во заедниците во кои живеат, во околината и во природата, и кај сите овие промените (по првичното алчење по тоалет хартија) главно се на подобро.

За среќа, контра-науката се има собрано таков живописен џган што се чувствуваме природно имунизирани да бидеме инфицирани од нив. Ама па и другиве се за чудење. Ем глобалново срање ги начека со прстот во уста, ем отпосле ќе најдат безброј детали за да те излудат. По најново, спокојното зборување е опасно за пренесување вирус. Оукеј, само ќе дигаме веѓи и ќе си фрламе ишарети.

Дури и откако ќе заврши карантинот и ќе се даде дозвола за глобално продолжување на животот, тоа продолжување нема да биде од истото место на кое застана во февруари / март, туку ќе биде со сериозни измени и комплетно нови навики. Предвидувањето на Италијанците е дека една од новите навики ќе биде одење на плажа во плексиглас кафези.

Сите што посетувале каква било настава / градинка до 11-годишна возраст се враќаат во училниците, одлучи владата на Данска.

Колку и да се важни физичкото дистанцирање и само-изолацијата за намалување на ширењето на коронавирусот, не треба да се игнорира дека овие мерки земаат данок во психичко здравје.

Домашниот притвор ќе заврши само и само кога ќе се стабилизира бројот на луѓе кои го имаат вирусот и кога здравството ќе има доволно капацитет за да се справи со бројот на заболени. Во пракса ова значи дека тие што нè затворија по дома периодов треба како знаат да најдат доволно тестови за масовно тестирање и да го унапредат системот да може да се справи со заканата, инаку џабе дремењето по дома.

Она што требаше да биде почеток на туристичка сезона во Грција ќе биде почеток на бранот на банкроти, предупредуваат од грчката комора на хотелиери.

Финансиската помош за Американците ќе биде одложена на некое време се додека надлежните не отпечатат нови чекови на кои ќе стои името и презимето на американскиот претседател, чисто за Американците да знаат кој им дава пари.

СЗО ќе остане без парите од САД додека администрацијата на Трамп не спроведе истрага за улогата на СЗО „страшно погрешното менаџирање и прикривање на ширењето на коронавирусот“, објави Трамп на прес-конференција.

Равенството е многу едноставно: кој не верува во препораки од доктори, сигурно верува во духови (и слично). Штом е така, тогаш извади им духови на улица.

Веќе пишувавме за забележаната поврзаност на губењето на сетилата за мирис и вкус и заразеноста од коронавирус. Сега тоа и емпириски е потврдено и почнува да се користи како официјален симптом за ковид-19. Добрата страна е што ова може да ви укаже во која фаза на болеста сте. Ако се враќа пo некој мирис, тоа мириса на оптимизам. 

Во неколку наврати американски дипломати ја посетуваат кинеската лабораторија во Вухан и по враќањето го алармираат Вашингтон на неадекватната безбедност во лабораторијата во која се спроведуваат ризични експерименти на коронавируси од лилјаци, објавува Вашингтон пост.

Го знаете ли/памтите ли COBOL? Тоа е програмски јазик кој се учеше во 80-тите години а кој дури и во годините на својата популарност беше сметан за незграпен и заостанат. Во 2020 година, многу американски државни системи и натаму се кодирани во него.  

Откако ги постави црните рекорди за заразени и умрени од ковид-19, ситуацијата во Њујорк почна да се смирува, многу, многу, полека.

Со години политичари и луѓе што се занимaваат со економската страна на медицината, се жалеа дека Германија има премногу болници и бараа нивно драстично намалување. Веќе не бараат.

Податоците за своите корисници што Теленор им ги предава на норвешките власти се клучни за предвидувања од број на заболени и број на кревети што ќе бидат потребни во различни региони на земјата, до како ќе се шири епидемијата.

Логиката вели колку посилен имун систем имаме, толку сме поспремни за борба со непријателот. Не мора секогаш да е така. Некогаш тој систем знае толку да се занесе и да претера, што во неговата јуначка битка, ние гинеме како колатерална штета. Бељата се вика цитокинска бура.

Повеќето заразени се по дома а не по болници каде што Италијанците се испозаразија, државата плаќа 66% од платата на сите кои имаат деца за гледање, еден од првите кои отидоа во самоизолација беше шефот на државата, истиот кој им порача на банките дека „тие му се должни на овој народ“. А ја имат и Фатима.