Станува збор буквално за џиновска кутија од плексиглас која ќе собира по неколку луѓе и со која ќе бидат оградени идните туристи, за да не мора да му ја мислат за заразување од ковид-19.
Кутиите се замислени од фирма од Модена и ќе бидат со димензии 4,5 х 4,5 х 2 метра. Кутиите ќе бидат без капак.
Веста ја пренесува Ла Република, а италијанските медиуми предлогот веќе го нарекуваат „кокошарник“. Додека новинарите фаќаат сеир, италијанските сопственици на хотели идејата ја нарекуваат апсурдна, а здружението на спасувачи на плажа потсетија дека сред лето, на стандардни италијански горештини, луѓето во кокошарниците може нема да умрат од коронавирус, ама поверојатно е дека ќе умрат од дехидрација.
