Он-лајн продажбата на Зара во април пораснала за спектакуларни 95%, затоа што продавниците низ Европа им беа затворени, а народ и понатаму не може да додржи да не купува евтина нова облека, па макар и за седење дома.

Успевајќи комплетно да ги прескокне сите до еден проблеми што ги има и внатре и надвор (идентично како и МПЦ), Грчката православна црква директ удри по јогата и објави дека практикувањето јога е „некомпатибилно“ со христијанството.

Пренесувањето на коронавирусот од луѓе кои не покажуваат какви било симптоми е „многу ретко“ објави СЗО, оспорувајќи го сеприсутното верување меѓу здравствените власти и научници дека вирусот го шират и луѓе кои не покажуваат какви било знаци на заболеност.

Како што епидемијата ги испразни улиците на Амстердам од туристи, така амстердамци сфатија дека по сите овие години терање туризам во центарот на градот не останало ништо интересно за локалците. И сега сакаат тоа да го сменат, само проблем им е што туристите годишно оставаат по 6 милијарди евра во градот.

Над половина од населението на Бергамо, каде што е спроведено истражувањето, имаат ковид-19 антитела, објавуваат италијанските здравствени власти.

Ниту германската канцеларка, ниту нејзината влада немаат добиено официјален допис од Вашингтон околу планот за повлекување на американските војници од Германија.

Со девет од вкупно тринаесет гласови на градскиот совет одлучено е распуштање на полицијата во Минеаполис (чиј припадник го уби Џорџ Флојд) и нејзина изградба од нула како „нов модел на јавна безбедност“.

Десетици експерти за човекови права на Обединетите нации направија директна паралела меѓу денешните убиства на невооружени црнци од страна на американската полиција со расните линчувања на црнци од почетокот на 1900-те.

Настрада статуата на Винстон Черчил во Лондон која од протестантите кои подржуваат „Black Lives Matter“ беше нагрдена со истата страст со која толпите храбро се пресметуваа со статуите на Чаушеску, Ленин, Гадафи, Садам.... За едни ова е сквернавење на еден од најзаслужните историски ликови во победата на фашизмот. За други, ова е само апдејтирање на Черчиловото CV.

Во само 10 воздушни напади во Авганистан, Американците имаат убиено најмалку 70 деца. Иако борбената мисија официјално одамна им е завршена, лани истуриле рекорден број бомби и гранати врз таа земја - преку 7.000.

Можеби имаме поинакво чувство затоа што епидемијата ослабнува во оние земји во кои први удри и кои ги сметаме за симболи на заразата и нејзини жаришта. Но, не е така. Географијата на болеста се менува и денес дневно се пријавуваат повеќе новозаразени од оние денови кога бевме најуплашени.

Сериозниот магазин Nature минал низ најновата научна лиртература поврзнаа со истражувања на коронавирусот и направил дајџест на последните сознанија. Па да видиме до кај сме.

Во светов не се бара само вакцина за коронавирус. Постојат екипи кои мозгаат нестандардни идеи во обид да го победиме алгоритмот на вирусот и да го искористиме она што го знаеме за него за да се организираме поефикасно.  

Како што Американците продолжуваат да протестираат, а Трамп повикува на „доминација“, поранешниот претседател на САД се почувствува обврзан да интервенира.

База на податоци која успева да се протне низ сите филтри за објавување студии во двата водечки светски медицински журнали (Лансет и Њу Ингланд џурнал оф медисин) и со таа тежина зад себе да ги измени политиките на СЗО (и некои влади) во врска со ковид-19 излезе дека најверојатно е измама и дека треба да се дисквалификува.

Доколку Кина не престане со наметнување закони и вршење притисок врз Хонгконг, Лондон ќе го отвори патот за околу 3 милиони жители на својата поранешна колонија да се преселат во Британија, порача премиерот Борис Џонсон.

Во најголемиот воен полигон во Кина, кинеската армија има изградено верна копија на добар дел од центарот на Тајпеј, вклучувајќи ја и претседателската палата на Тајван и министерството за надворешни работи. Намената на овој комплекс е тренинг и обука на кинеската војска.

За парадата по повод Денот на победата Русија од својата војска ќе избира војници кои се асимптоматични или веќе имаат развиено имунитет на коронавирусот, објави руското министерство за одбрана.

Летањето нема ич да биде забавно во ерата на ковид. Организацијата за меѓународен авио-сообраќај издаде детални правила, упатства и насоки како треба да изгледа „новата одвратност“ во патничкиот авиопревоз. Меѓу другото, ќе се обесхрабрува муабетење меѓу патниците а се предвидуваат и рестрикции во пристапот до тоалет.

Од двајца Германци, еден е сигурен дека ќе се вакцинира за ковид-19 кога ќе излеза вакцина за оваа болест. Секој петти е сигурен дека нема да се вакцинира. 

Ова контроверзно тврдење кое предизвика бура различни реакции во италијанската јавност доаѓа од сериозно место: доктор Алберто Зангрило е прв човек на миланската болница Сан Рафаеле, Ломбардија, регионот кој беше под најголем удар на болеста.

Како што протестите и немирите се повеќе се шират низ американските градови и заедници, така на Афро-Американците се повеќе им е нејасно која е улогата на белците фокусирани чисто на вандалскиот дел од протестите.

Му продале телефон за кој тврделе дека е непробоен ама му бил хакнат и со тоа му била нанесена емотивна вознемиреност и се чувствувал понижен. Па со пар милијарди долари, самохраниот брат малку од малку да ги закрпи своите рани.

Солзавец, гумени куршуми, топовски удар и полицајци на коњи беа употребени за отстранување на демонстрантите пред Белата куќа и отворање на пат за американскиот претседател да може да стигне до блиската „Црква на претседателите“.