Се очекува ќе биде поднесена жалба по одлуката, но за сега останува дека Асанж нема да може да биде екстрадиран во Соединетите држави каде го чекаат за да му се суди за шпионажа и хакирање на владини компјутери.

Корпоративниот гигант станува еден од најсериозните непријатели на планетава. Луѓе пресметале дека во една година, Амазон зад себе остава пластика со која може целата планета да се опаша 500 пати.

Израел има фасцинантни резултати во вакцинирањето на популацијата. Со вакво темпо, ќе завршат работа до март-април.

Одлуката за екстрадиција на Асанж во САД е првата работа што судот во Лондон ќе ја направи во 2021, и доколку екстрадицијата се оствари процената е дека тоа би било еднакво на потпишување смртна казна за основачот на Викиликс.

Фајзер и Модерна не можете да ги тужите ако нешто тргне лошо по вакцинирање со нивните вакцини, пишува CNBC и додава: А и од владата не очекувајте дека ќе ви биде нешто компензирано.

Знаеш дека си претерал со пиење на божиќна ноќ ако си почнал да пиеш како Томас а си се разбудил како Селин Дион.

Додека милиони Американци се претворени во вазали кои мораат да работат на две или повеќе работни места, за ниски надоместоци и дневници, без здравствени и пензиски бенефиции, со малку работнички права и уште помалку опции во животот, на другата страна се случува такво спојување на државната и корпоративната моќ какво што претходно беше видено само во фашизмот.

Од над 400-те наредби за итно полетување на ловците на НАТО во одбрана на европските членки, 350 биле дадени по забележување на руски воени авиони каде што не треба да има руски воени авиони.

Беше најавена како „Операција варп брзина“ и како таква почна со некои 200.000 вакцинирања на ден што е одлична бројка, меѓутоа не и за земја со народ колку САД.

Популарните мали уреди кои личат на штипка и го мерат нивото на кислород во крвта, според една нова студија имаат три пати поголеми шанси да покажат погрешен резултат ако му мерат кислород на црн човек. 

Во далечниот март 2020 човештвото се даде на беспоштедно дезинфицирање на секоја можна површина како да ќе исполнуваат критериуми за биохемиска лабораторија. Многу антибактериски марамчиња и литри Дизентал подоцна, излезе дека беспоштедното гланцање на сè и сешто и не е неопходно.

Над Европа (и светот) не кружи само еден бауч, оној на ковид-19. Масовното и прекумерно користење на антибиотици доведува до тоа некои речиси банални бактерии да станат супер-бактерии кои се резистентни на сè што имаме против нив. И во следните децени ќе нè косат како канцер.

По неколку драматични месеци во кои речиси целосно беше откажан 15,8 милијарди долари тешкиот договор, неделава се очекува дека акционерите на Тифани конечно ќе го одобрат спојувањето (и капитулацијата) кон ЛВМХ Моет Хенеси Луи Витон.

Пандемијата на ковид-19, оваа што моментално ја преживуваме и што му крена „рачна“ на цел свет, и не мора да значи дека е од големите, се зборовите на организацијата која со месеци не можеше еден крај да пофати – СЗО, која има што да каже и за вакцините.

Британските власти веќе ја разработуваат забраната за поставување на една од најголемите супермаркет замки, лапни-голтни чоколатциња, бонбони, енергетски пијалаци и се останато што е на база на многу нездраво и многу шеќер. Не, тоа не значи дека брокула ќе стават до каса.

Да повториме, на Фејсбук му е повеќе од доволно само да ја имате инсталирано неговата апликација (без ниту еднаш да ја отворите или пак да се логирате) за да може да ве следи што правите (ако немате Фејсбук апликација на телефонот, а имате Инстаграм или Вотсап, исто ви се фаќа). Епл најде лек и за тоа во нешто што се вика „Транспарентност на следење“.

Турција и Кина се испофалија дека се поврзале железнички за карго превоз. Добро, не е тоа некоја амбициозна делница како меѓу Македонија и Бугарија. Ова нивното е само.8.693 километри.

Купувањето на десктоп и лаптоп компјутери е на нивоа кои не се видени уште од времето пред да се појави првиот смартфон, а производителите и понатаму барем неколку месеци ќе ги доцнат нарачките.

Првиот добитник на Оскар кој се вакцинираше против ковид-19 е Оливер Стоун а вакцината е руска. Филмаџијата ја прими Спутник чија латинска петка Русите ја гледаат како V за Victory (победа). Македонските здравствени власти, во склад со својата бахатост, јавашлук  и фушерај, не ни одговориле на понудата за евентуална набавка на таа вакцина.

Основи за започнување на истрага против Доналд Трамп ги има неброени (само Милер во својот извештај за Русија даде 10 примери кои можат да бидат толкувани како попречување на правдата), ама зад тие основи треба да застане некој со сериозна политичка моќ, а и волја.

Основачот на Али Баба во ноември требаше на берза да ја извади својата финансиска компанија АНТ груп, која од првичното продавање акции требаше да собере околу 35 милијарди долари. Ова не се случи исклучиво благодарејќи на кинеските власти.

Амазон ти ја гаси продавницата со тврдење дека продаваш фалсификати. За повторно да ја пушти бара фактури и детали околу производството на продуктот што го продаваш. По некое време продавницата повторно ти е активна, ама на платформата се појавува идентичен и поефтин производ продаван директно од Амазон.

Илон Маск му вртел на првиот човек на Епл, Тим Кук, и му ја понудил за продавање својата компанијата за електрични возила. Освен телефонскиот повик, Кук не сакал ништо повеќе да има со Маск на темата.

Да, де, и тие се луѓе и ние сме луѓе, и тука отприлика застануваат сите сличности меѓу нас и нив (па и остатокот од светот и нив).