Нетфликс тврди дека падот на бројот на претплатници е заради повеќе проблеми, од крајот на пандемија до тоа што претплатниците се нефер и делат пасворди, Илон Маск тврди дека Нетфликс и нивните „разбудени“ содржини се сами криви за падот на претплатници.

Актуелниот американски претседател му соопштил на Обама дека планира пак да се кандидира на изборите за претседател во 2024. На почетокот од првиот мандат Бајден беше постар од кој било американски претседател што бил на крајот од својот мандат.

Саудискиот престолонаследник му се истурил на американскиот национален советник за безбедност Џејк Саливан, откако овој на МБС му го спомнал убиството на новинарот Џамал Кашоги.

Мат Таиби и сродни луѓе помогнале да се отвори канал на кој ќе можат да пишуваат руски автори и новинари кои останале без работа или биле цензурирани од руските власти. Каналот е поставен на платформата Сабстак, онаму каде што веќе се наоѓаат цензурираните од Запад, како Таиби и сродни луѓе.

Иако за Украина прави веројатно повеќе од сите други земји, Германија постојано е на мета на Киев кому те му е малку тоа што му доаѓа како помош, те му е доцна. „Уште поиритантно од безобразлукот на Киев е однесувањето на некои европски земји,“ пишува уредник во Дојче Веле.

Уште пред да излезе редовниот извештај за инфлацијата во САД, советниците од Белата куќа се растрчаа за да предупредат дека бројките ќе бидат страшни и дека Путин е крив за тоа. Како што ќе напише Вол стрит журнал во својот едиторијал „што е многу подобро отколку за тоа да ги обвиниш своите политики“.

Кога товар руски дизел не е товар руски дизел? Одговорот е кога Шел, најголемата европска нафтена компанија, ќе го претвори товарот во она што трговците го нарекуваат „Латвиска мешавина“.

Ветувањето на највисоките американски функционери е дека ќе продолжат да ја притискаат руската економија со санкции се додека таа не крахира, и тоа неспорно се случува. Проблемот е што крахот е неподносливо далеку, а може и да не се случи.

Од ентузијазмот околу Бајден останато е многу малку, а веста во бројки јавно ја соџвака Си-ен-ен тој ем е со најнизок рејтинг од почетокот на мандатот, ем рејтингот му е понизок и од оној на Трамп.

Крајно десничарска група објавува дека планира да одржи палење на Куранот во Шведска. Настанот заврши со 9 повредени полицајци, 3 повредени и 40 уапсени муслимани и 0 запалени курани.

Гледано низ европски леќи, се чини дека континентот никогаш не бил толку цврсто на вистинската страна на историјата. Гледано без тие леќи, над половина од светското население живее во земји кои не се проклучија на санкциите кон Русија. А како да им веруваат на земји на кои „диктаторот“ Мадуро преку ноќ им стана респектабилен трговски партнер? 

На многу бензиски станици и во дуќани низ Америка може да се најдат ледените чајеви АриЗона во пакување од 680 милилитри за тотално бадијала цена - само 0,99 долари. Се работи за инает на газдата кој на дело покажува дека капитализмот не мора да биде секогаш лаком и дека се живее и со помали маржи.

Заради масовните операции и финансиски интерес што го има во и од Кина, ЦЕО-то на Епл треба да биде заведен како странски агент во САД, а САД треба да размисли и за формирање на „економско НАТО“.

Германците ќе мора да променат некои навики за да ја остварат најновата стратешка цел - енергетска независност од Русија. Ама, поретко туширање, нели е тоа нехигиенски? Напротив, вели Билд, секојдневното користење сапун и онака ѝ штети на вашата кожа.

Атлантик, прв пасус: „Тој го нарекува Маск ’кењатор што испорачува’. Па дури и надополнува: Маск претставува тип на кењатор каков што немаме видено до сега.“ Вашингтон пост, прв пасус: „сквернавителот на сервисот“. Гардијан, наслов: „Визијата на Елон Маск за интернетот се опасни глупости.“

Брисел сфатил дека во некои „региони со посебни потреби“ луѓето можат не само да се побунат против поскапувањата и недостатокот на основни производи за живот туку и недајбоже погрешно да ги адресираат виновниците па да помислат дека за кризата кои ја преживуваат крив е Запад а не Русија.

Најмалку 17 различни банди во Лос Анџелес имаат нов начин да си го вадат лебот. Наместо досадни планирања и подготовки, со автомобили кружат околу местата на кои се собираат луѓе со пари и на лице место ги пљачкаат додека си рекол „гламур“. 

Во масовната чистка на Федералната служба за безбедност најлесно минаа тие што останаа само без работа, а најтешко, за сега, поминува нивниот шеф и раководител на одделот за Украина, Сергеј Беседа, кој заврши во затвор под управа на ФСБ во близина на Москва.

Фамозната инклузивност, расна сензибилност и слични тотеми на денешното време метастазираа и во една таква наука каква што е математиката. Од некои професори се бара да размислат можеби да не претеруваат со формули на бели математичари.    

Во понеделникот беше објавено дека бразилската војска купила илјадници вијагра апчиња за своите војници, за еден ден подоцна ова да биде дополнето и со информацијата дека војската исто така купила и импланти за пенис.

Украинскиот претседател го одбил барањето на германскиот претседател да ја посети земјата заедно со другите европски поличари. Зеленски и владата во Киев знаеле за неговите добри односи со Русија па решиле дека претседателот на Германија е непожелен за посета на Киев. 

Светската здравствена организација ги ангажирала Т-Системи на Дојче телеком да изработат софтверско решение за глобален вакцинален пасош. Ко сега што кмишиме по шалтери кога ќе ни се појави дупка во стаж, еден ден по граници ќе се објаснуваме како дошло до празнината меѓу седмиот и деветтиот бустер.

Израелските власти прават рутинска проверка на шолји за чај/кафе што израелско министерство ги има добиено на подарок од кинеската амбасада. По нивната проверка истрагата ја продолжува Шин Бет.

Спремен за вселување е најновиот њујоршки облакодер кому можат да му се радуваат оние што имаат многу пари и оние кои немаат мака со морска болест. Зградата е толку висока и тенка што последните катови се лулаат по 60-тина сантиметри наваму натаму кога ќе задува ветер.