Додека рајата по инерција се замајава со рециклирање или пак ги шмука оние одвратни картонски цевчиња за да ѝ се помогне на планетата, кај големиот бизнис сликата е сосема поинаква. Најголеми поединечни загадувачи кои нè приближуваат кон опасните нивоа на загревање се проекти кои се нарекуваат јаглеродни бомби. Е, во нив, големите банки истураат силни милијарди долари.

Системот за поени за често летање стана толку профитабилен за авиокомпаниите што во некои случаи, тој систем има поголема пазарна вредност од самата авиокомпанија. Со други зборови, авиопревозниците стануваат финансиски институции кои попат и летаат авиони. 

Целата трговија што ИЦБЦ ја правеше во четвртокот на најголемиот пазар во светот се вршеше преку УСБ стикови кои постојано патувале низ Менхетен.

Абрамс М1 нема да може да доминира на фронтот во 2040 е предупредувањето што американскиот Армиски борд за наука го има во својот извештај за следната генерација на оклопни возила.

Лидер на БЛМ му даде поддршка на Доналд Трамп да се врати во Белата куќа по изборите во 2024, затоа што „сите други не ги бива“, а посебно е разочаран од Бајден.

Барањето од израелскиот градежен сектор до Нетанјаху е интервентен увоз на 100.000 работници од Индија кои ќе треба да заменат 90.000 Палестинци што останаа без работни дозволи по почетокот на војната.

Идните слушалки кои ќе ја имаат опцијата за поништување на околниот шум, ќе нудат корисникот да одбере кои звуци слушалката сепак да ги пропушти. На пример, додека слушате музика дома, да ги исклучите сите звуци и шумови од околината, освен оној на другарите кои под балкон ве викаат за на пиво.

Кина се пофали дека има план да почне да произведува напредни хуманоидни роботи во рок до 2 години кои ќе можат да го изменат светот и сето тоа да се одвива со индустриски обем.

Сè што ти беше познато исчезна. Гледаш зачудено. Се прашуваш каде си. Се плашиш. Експлозија по експлозија. Плачеш. Се држиш за мајка ти или татко ти. Твоето маало станало гробишта. Сè што ти беше познато исчезна. Јас сум репортер. Моја работа е да го видам тоа. Ти си дете. Ти никогаш не требаше да го видиш ова.

Буџетот за хуманитарна помош на Украина е испразнет и тоа директно го става Киев во опасност од економско уништување, го предупреди американскиот Сенат помошник администраторката на УСАИД, Ерин Мекки.

Новиот извештај на Обединетите нации тврди дека одгледувањето на афион и производството на опиум во Авганистан по ново е намалено за 95% откако Талибанците решија да ја забранат оваа култура.

Уплавот што беше околу вакцините против ковид-19, сега е претворен во отворено наддавање за „чисти“ донатори на сперма кои за време на пандемијата на еден или друг начин успеале да избегнат вакцинирање против вирусот.

Документи кои Х ги споделил со своите вработени покажуваат дека вредноста на компанијата е падната за 55% од времето кога Илон Маск ја купи за 44 милијарди долари.

Сенатот ангажира фирма да испита колку е долга раката на Кремљ во американската политика, изборите и социјалните медиуми. Фирмата излегува со застрашувачки бројки за рускиот домет. Се тврдеше дека Русите фрлиле 25 милиони долари на Фејсбук за нивните задни намери. Подоцна се утврди дека потрошиле 2.900 долари. За контекст: Ковачевски троши по 20.000 евра на три месеци.

На индустријата за пластика секогаш ѝ било јасно дека рециклирањето нема да го реши проблемот. Ама па успеа да ве убеди во спротивното за сега да се чувствувате убаво и корисно кога го правите тоа. Америка има 11 капацитети за хемиско рециклирање пластика. Само три прават нови суровини. Останатите прават гориво кое ќе исчури во атмосферата.

По неколку успешни месеци спроведување на ограничувањето на цената на руската нафта, сега сите од ЈПМорган до Светска банка се помирени дека санкциите на руска нафта веќе не функционираат, сето тоа поткрепено со бројки кои покажуваат намалување на рускиот буџетски дефицит.

Рускиот претседател од последниве две децении решил да се кандидира за уште еден мандат на изборите во 2024, објави Ројтерс цитирајќи шест извори запознаени со темата.

Во едно ретко видено разногласие на Хамас, воен командант на организацијата рече дека цивилни жртви никогаш не биле цел на нивниот напад од седми октомври. Планот во последен момент го смениле политичките лидери на Хамас. А тие живеат во странство и сега не се бомбардирани.

Израелските сили ќе управуваат со безбедноста на Газа долго време по завршување на конфликтот, порачал израелскиот премиер Бенјамин Нетанјаху. Колку долго? Колку и да треба.

Со децении Газа неспорно е симбол за мизеријата и сиромаштијата на Палестинците, „најголемиот затвор под отворено небо“ чии жители зависат од постојаниот дотур на хуманитарна помош од светот. Периодов медиумите малку повеќе се занимаваат со раководството на Хамас, кое излезе дека не го дели финансискиот кошмар на своите сограѓани.

САД се великодушни кога својата воена опрема ја продаваат со заеми но ретко се фаќаат за џеб па тие да платат воена опрема и оружје за некого. После 40 години, тоа сега прват го прават за Тајван зошто Кина многу напред отиде во воената надмоќ во 180 километри широкиот Тајвански теснец. Но, и со ју-ес пари, тоа тешко се стига.

Кабинетот на Зеленски јавно го укори првиот човек на украинските воени сили, генерал Валери Залужниј, за неговата изјава дека војната заглавила во пат-ситуација бидејќи такви коментари биле од корист на руската инвазија.

Иако по Фејсбук се ширеше еден глуп текст за неприфаќање на претплата на платформите на Мета, веста, односно заканата за 10/13 евра месечно беше реална. Засега нема да се оствари ни во ЕУ, не па кај нас (папокот на светот!), ама барем дознавме колку кошта „бесплатниот ручек“. Тој и натаму ќе го плаќаме со личните податоци и дозволувањето Фејсбук снајперски да нè гаѓа со реклами.     

Човекот кој го основаше Амазон во гаража во Сиетл во 1994 и од тогаш придонесе милијарди долари во развојот на градот, одлучи дека градот му е веќе станат неподнослив за живеење, веројатно на негова возраст идентично не се трпи ни тамошната клима, ни тамошната идеологија, и дека ќе се пакува за Мајами.