Само секој десетти граѓанин на Европската унија и натаму верува во воена победа на Украина, покажува истражување спроведено во 12 држави од ЕУ. Видливи се и знаците на замор од украинските бегалци. А Макрон ќе праќал војници во Украина. Тој што пред некој ден едвај им избега на гневните француски фармери.

На прес-конференција по повод 2-годишнината од војната, украинскиот претседател за втор пат од почетокот на судирот го сподели бројот на загинати украински војници, и за дел од западните медиуми бројката во најдобар случај е спорна.

Јужнокорејски компании решени да го запрат драматичниот пад на новороденчиња во земјата почнаа да даваат бонуси од 75.000 долари на семејствата кои имаат деца.

Ланскиот септември, 86-годишната Ен Братон од околината на Нешвил помислила дека ја открила инвестицијата на својот живот кога на Телеграм наишла на понуда на „дебитни картички“ со ликот на Трамп, секоја наполнета со потенцијални 200.000 долари. Пресметала дека инвестиција од 6.000 долари може да претвори во богатство од 4 милиони долари. Не знаела дека понудата ѝ доаѓа од место на 8.500 километри од неа, од „озлогласениот“ Велес.

Еден од двајцата судии кои треба да одлучат за екстрадицијата на Асанж во САД претходно биле платени за „застапување на интересите“ на МИ6 и британското министерство за одбрана, чии активности беа откриени од Викиликс.

Во италијанските училници во најскоро време со одлука на владата ќе биде забрането присуство на какви било мобилни или таблет уреди, па макар тие биле и за едукативни потреби, објавува тамошниот министер за образование.

Нова студија објавена во журналот Нејчр метаболизам покажала дека консумирање на преголема количина на протеин е штетна за артериите, бидејќи предизвикува таложење на масти, холестерол и други состојки на ѕидовите на артериите а со тоа го стеснува и го намалува протокот на крв.

Научници успешно одгледале „тестиси во тегла“ кои еден ден би можеле да помогнат во решавањето на машката неплодност, која погодува секој 12-ти маж ширум светот. Башка, тие вештачки тестиси би биле драгоцени за луѓе што се занимаваат со македонската политика или пак им се дадени институции на раководење. Ах, како јако ќе изгледа официјалното пречекување на вештачките тестиси на некој наш граничен премин.

Мерцедес-Бенц за пет години ги одложи своите таргети за електрификација на својата автомобилска ергела и ги увери инвеститорите дека ќе продолжи да ги усовршува моделите на мотори со внатрешно согорување. Тоа е само последниот производител на автомобили што призна дека имале преголем и преамбициозен апетит за автомобили на батерии.

Иднината е тука и излегува дека таа е многу расистичка. Деновиве пишувавме за ВИ алатката на Гугл, генераторот на слики Gemini GI кој има многу добри страни но едно нешто сигурно не е меѓу нив: историската точност. Но, не се менува само минатото. Технологијата пробува да нè нахрани со лажна слика и за денешнината.

Деновите корисници на ЧатГПТ во неколку наврати на Редит се пожалија дека АИ ботот „имал удар“, „излудел“, „блада“ и „се губи“. По ова и ОпенАИ потврди дека на ЧатГПТ нешто не му е добро.

Компанијата запре со објавување нови содржини на својата главна вебстрана и во исто време најави дека планира да избрка стотици вработени откако сопственикот не успеа да ја продаде Вајс медиа како пакет.

Гугл соопшти дека ја паузира способноста за креирање слики на нивната алатка на вештачка интелигенција Gemini AI, откако таа ги изрезили со бизарни резултати од типот црнец Папа, женски рагбист, диверзифицирани основачи на Америка и слично. Во Гугл веројатно сакале да ги надминат расните и родови стереотипи, штелувале, штелувале и - претерале. 

Масовно кратење на трошоците ја остави француската влада без доволно пари за пакетот од 3 милијарди евра воена помош за Украина, па најверојатно ќе треба да вади од заштедата од различни министерства.

Во 2023 германската држава се обидела да депортира неполни 48 илјади лица. Од нив, успешна била секоја трета депортација, додека останатите две главно пропаѓале во крајната фаза, пишува германски Велт.

Во целиот гнев околу смртта на рускиот опозиционер Алексеј Навални (кој ескалира и покрај тоа што повеќе од десет години го држат Џулијан Асанж во притвор и го подготвуваат за испорака во САД каде најверојатно исто така ќе умре во затвор) британската влада решава да воведе санкции против 6 директори на затворот во Сибир во кој почина Навални.

Истражувачи во Стенфорд покажале дека машкиот и женскиот мозок сепак функционираат различно, што е сериозен нокдаун за оние кругови кои сакаа да ја потценат биолошката основа на човечкиот идентитет и да го сведат на социјален конструкт. Се разбира, и натаму секој може да се чувствува како сака, само што науката ќе може да утврди дали мозокот му е машки или женски. Ако му го најде.

Американец ја тужи тамошната лотарија која откако му покажала дека неговите бројки се добитни за 340 милиони долари, се коригирала, се извинила и му рекла дека бројките биле грешка.

И покрај одредени обиди, Американците за избори најверојатно ќе останат заглавени со Трамп и Бајден како кандидати. Тоа не значи дека и двете страни не може да се надеваат на чудо кое ќе ги спаси од сопствениот или туѓиот кандидат.

На почетокот на јануари оваа година, во близина на украинскиот град Харков беше пронајдена неексплодирана балистичка ракета, испукана од Русија а произведена од Северна Кореја. Анализа на остатоците на ракетата покажала дека дури 290 компоненти на ракетата се произведени во Америка или во Европа. А демек јаки санкции, и за Русија и за Кореја.

Доколку републиканците продолжат да го блокираат пакетот за воената помош на Украина, Белата куќа може да побара од свои сојузници да му испратат на Киев АТАЦМ ракети, ама овој пат со домет до Крим.

Ако имате чувство дека бар на година дена би побегнале каде било од оваа македонска бучава, чемер и ништавило, а притоа имате ограничувања во вид на пасош, пари или слично, можеби понудата на НАСА ќе ви се види примамлива. За жал, не го бараат она што е полесно, луѓето да се  прават дека се паднати од Марс, туку баш дека се таму, во нивното симулирано парче планета.

„Бруталната нетолерантност со секакво несогласување со рускиот претседател е знак на неговиот намален авторитет“, пишува Френк Фуреди. На прв поглед, строгиот авторитаризам на Путин се чини непотребен бидејќи страв, фатализам и апатија одамна го имаaт зафатено рускиот јавен живот а милиони луѓе дигнаа раце од политика повлекувајќи се во нивните приватни живеачки. Па сепак...

Максим Кузминов, рускиот воен пилот што киднапираше хеликоптер и ги застрела двајцата членови на екипажот што беа со него е човекот кој минатата недела е убиен во близина на Аликанте.