Ризикот од ескалирање на судирот на Блискиот исток е последна во серијата непредвидливи кризи, вклучително ковид-19 пандемијата и војната во Украина, кои изминативе години и зададоа мечкини шамари на глобалната економија, занесувајќи ја од нејзиниот пат и оставајќи и лузни, пишува Њујорк тајмс.

После три операции на срцето и замена на уморните и расходувани срцеви залистоци, на Арнолд Шварценегер му е забрането баш она по што стана познат, да дига тегови, бенчови - менчови. Јака животна иронија е тоа, на рамниште на она кога на просечен Македонец би му било забрането после третата ракија да зборува за политика.

Содржината на пакетот помош што САД и го испраќа на Украина главно дава увид за идните фази од украинските воени операции. Пред почетокот на контраофанзивата пакетот имаше повеќе оклопни возила и други системи неопходни за офанзивата. Новиот пакет, меѓу другото, има ХЕСКО бариери, кои главно имаат дефанзивна намена.

Магазинот Политико во испраќањето на годинава организира и „награди за кои никој нема да дојде да ги земе“, а се однесуваат на некои од најголемите политичари во Европа плус Грета.

2023 година му зададе неколку фини шлаканици на разбудениот капитализам и бизарниот тренд корпорации да им држат лекции на обичните луѓе за „социјалната правда“, климатските промени и другите псевдо-прогресивни каузи. Бад Лајт, Викторија Сикрет, Унилевер и многу други компании почувствуваа дека купувачите гласаат со своите паричници и сменија плоча.

Без разлика на последните поевтинувања „времето на евтина електрична енергија е минато“ порачува првиот човек на германскиот регулатор, според кого во претстојните години треба да се очекуваат високи цени за струја.

Последниве три години американската војска има направено минус од речиси 64 илјади војници и за прв пат од 1940 е на пат да има помалку од 1,28 милиони активни војници.

Водителка на вести на турската телевизија ТГРТ Хабер е инстантно отпуштена откако на последното издание на вестите на бирото до себе ставила чашка со кафе од Старбакс.

Неодамна обраќајќи се пред своите генерали Путин ќе изјави „го правиме тоа што сакавме“, дополнително порачувајќи „ако тие сакаат да преговараат, нека си преговараат“. Њујорк тајмс пишува дека и покрај ова, по споредни дипломатски канали, Путин испратил порака дека е подготвен да се договори.

Во 2019 година, екологот Томас Кроутер предизвика глобален тренд за садење дрвја за да се компензираат емисиите на јаглерод. Четири години подоцна, некогаш главниот научен советник за „кампањата за трилион дрвја“ на Обединетите нации се пишмани и апелира до еко-лидерите да се откажат од идеите за масовно садење дрвја.

Не еднаш во својата кариера британскиот комичар и ТВ креативец Рики Џервејс покажал дека не се плаши од галамата која ја предизвикуваат неговите заебанции. Сега има петиција за симнување на неговото ново шоу на Нетфликс. Некои биле навредени од една негова груба шала. Им порачува да уживаат во слободата да се чувствуваат навредени. 

Ембраер легаси 600 авионот на Пригожин, лета околу 30 минути на висина од околу 28.000 стапки, пред да биде активиран експлозивот кој претходно на аеродромот во Москва беше поставен под крилото на авионот. Загинуваат сите 10 луѓе во авионот, вклучително и Пригожин.

Кратко откако Хутите отворија сезона на лов на товарни бродови кои минуваат низ Црвеното море, САД објавија дека собрале поморска коалиција која ќе го брани протокот на стоки преку една од најважните поморски рути во светот. За кратко се покажа дека сојузниците на САД не се подготвени да работат под САД.

Европејците се уплашени од тоа што се случува околу нив и тој страв најверојатно ќе ги натера да фатат на десно, предупредува првиот човек на европската дипломатија Јосеп Борел.

Главниот град на Швајцарија размислува за легализирање на кокаинот, признавајќи дека „војната против дрогата не успеа“. Иако запленуваат стотици тони годишно, преплавени се со кокаин. Белото таму никогаш не било поквалитетно и поевтино. Една доза најчист кокаин се продава по цена не многу поголема од онаа за едно пиво. 

Како што скопските кафанџии пробуваат да ги правдаат збеснатите цени со зголемените цени на набавките (оти по помалите градови не е поскапено па пак се јаде за попристојни цени), така и некои музичари фатија да им се жалат на фановите дека турните им имаат големи трошоци па затоа картите мора да се толку скапи. А сами да си ги штимаат инструментите, не ги личи.

Бразил троши 13% од целиот свој бруто домашен производ на плати и пензии за државни службеници. Огромен апарат од прилично неефикасни и неретко корумпирани лица кои живеат на државен трошок. Притоа, како и овде, глумат незаменливи, демек извршуваат сериозни државни, градски и управни задачи и операции. Како и овде, не се ни свесни дека во врат им диши ЧетГПТ.

Пред традиционалното сезонско повторување на битката меѓу Кевин Мекалистер и двајцата провалници (познати како Мокрите бандити) Њујорк тајмс седнува да пресмета колку пари има семејството што со комбиња патуваше до аеродром за да лета до Париз за Нова година и живее во толкава куќетина.

Украинците моментално раселени низ Европа ќе бидат повикани во својата земја за да ги пополнат армиските редови, како дел од регрутацијата што треба да собере 500.000 војници за украинските одбранбени сили.

Дедо ја тера својата внука да носи кучешки конус околу врат за да ја откаже од зјапање во телефон по цел ден. Изненадувачки, му успева, ама па сега треба да трпи критики на интернет.

Украинците и Русите во последно време имаат многу малку допирни точки, но една руска телевизиска серија создаде чудна конекција меѓу двата народа. И во двете земји, публиката ја голта серијата, ама и во двете земји, бирократите сакаат да ја забранат. Наша реакција: штом и Украина и Русија сакаат да забранат нешто, тоа мора да се види.

Еднаквоста меѓу половите, јазот во платите, зајакнувањето на позицијата на жената и другите актуелни теми од овој тип се решаваат со разни средства и алатки. Сепак, ова досега го немало: постои компанија која тврди дека жените можат многу да си помогнат и на работното место и дома, само ако научат да играат покер.    

Пораката на кинескиот лидер на самитот во Сан Франциско посебно го привлекува вниманието на американските функционери бидејќи е дадена за време на состанок со Бајден чија намера била да се намалат тензиите.

Само 40 проценти од Германците веруваат дека можат слободно да ги изразат своите политички мислења без да пазат што ќе им излезе од уста, што е најнизок процент уште од 1950-те.