Овој пат се работи за добра вест бидејќи сопственикот на новчаникот го имал заборавено пасвордот за пристап до него, а компјутерџиите работеле по негова нарачка.

Речиси 20 години откако го шокираше светот со прогнозата дека ни половина од овој век нема да мине а луѓето и машините ќе се спојат “во едно“, прочуениот футуролог вели дека денеска е уште поубеден во своите предвидувања. До 2029 година вештачката интелигенција ќе ја стигне нашата а до 2045 ќе се споиме па заедно ќе мозгаме за кого да гласаме на Ѕвезде гранда. 

Моментално Русите се позадоволни од тоа што Американците им пратија Абрамси на Украинците, отколку што Украинците се задоволни со тенковите и моделот што го добија. На пример, затоа што Абрамсот не работи на дожд.

Додека претседателката на Европската комисија е на турнеја низ континентот, во Брисел се повеќе се шпекулира дека таа најверојатно нема да ги преживее изборите за Европскиот парламент, и дека местото веќе се подготвува за нејзината сонародничка и актуелна министерка за надворешни работи Аналена Бербок.

Задолжителната дистанца од најмалку 2 метра која ја кркавме за време на пандемијата и задолжително носење маски за деца се мерки кои доктор Антони Фаучи во сведочењето пред Конгресот призна дека никогаш немале некаква научна издржаност.

Во ковидот, луѓето почнаа сериозно да се прашуваат за блискоста меѓу Големата држава и Големата фармација. Сега се дознава колкава била таа блискост. За време на пандемијата, главната американска агенција за здравство и нејзините научници собрале 710 милиони долари авторски права.

Министерството за одбрана на Полска го претстави „Источниот штит“, план и операција чија цел е да се засилат северната и источната граница на земјата кон Русија и Белорусија.

Внатрешните калкулации на НАТО покажале дека Европа располага само со делче од капацитетите за противвоздушна одбрана неопходни за заштита на источното крило.

Никој подобро не ја доловува елитистичката природа на ЕУ од Урсула фон дер Лајен. А неа ниеден нејзин потег подобро не ја доловува од одлуката во април 2021 година, да потпише договор од 35 милијарди евра за купување на 1,8 милијарди дози од вакцината Фајзер. Цената по доза на која таа се согласила била 15 пати повисока од производната цена - што значи дека ЕУ преплатила десетици милијарди евра. И што? И ништо.

Пензионерските домови во Кина почнаа да нудат сместување за млади, истрошени, професионалци кои бараат место за екстремно рано „пензионирање“, обично некаде во 30-те години.

Џо Бајден и даде дозвола на Украина да ги користи американските ракети и артилерија за гаѓање на мети на територијата на Русија, за сега само во регионот на Харков.

Њујоршкиот суд го прогласи Доналд Трамп за виновен за 34 од 34 обвиненија за фалсификување на бизнис документација, што е прв пат во историјата поранешен американски претседател да биде осуден за кривично дело.

Огромни глобални компании со западно потекло и капитал и две и пол години по почетокот на војната остануваат во Русија без никаква намера да мрднат од тамошниот пазар. Вклучително и добар дел кои ветија дека тоа ќе го направат.

Заради температури кои и од Индијците се прогласени за брутални, во земјата се затворени училиштата, а на населението му се препорачува да не излегува надвор.

Во Белгија заврши изборот на Топ жена фокусиран на внатрешната убавина и телесната позитивност на учесничките.

Ако молневитата реакција за интервентно снабдување на Израел со најново оружје и муниција не беше доволна за Америка да покаже како може кога сака, сега Украинците треба да разберат дека за Бајден е поважно да се види со Џорџ Клуни отколку да присуствува на мировниот самит за Украина.

За прв пат бројот на Американци кои користат марихуана речиси секој ден е поголем од бројот на оние кои пијат со иста ваква динамика, за што во добар дел помогна и легализирањето на марихуаната во половина од американските сојузни држави.

На најголемиот фестивал на пиво во Германија нема да може да биде пуштана една италијанска техно нумера која недолжно стана мета на отстрел само затоа што претходно одлично легна на еден се попопуларен слоган меѓу Германците.

Во Европа се води уште една војна, башка од онаа во Украина. Онаа што ја водат елитите на ЕУ за тоа што може да се каже, што може да се слушне и што може да се мисли. Викаат дека тоа е војна против „говорот на омраза“ и „дезинформациите“, но со тоа едвај се прекрива презирот на елитите кон граѓаните со кои владеат и нивната недоверба кон „рајата“. Кога ќе се вклучи вештачката интелигенција, ќе биде бетер.

Локална гатачка во еден француски град го убедила градоначалникот дека може да разговара со мртви, меѓу кои и неговиот татко. Градоначалникот се навлекол на тие сеанси па имал стотици муабети со мртви, понекогаш и со ангели. По некое време, сосема очекувано, ангелите почнале да го убедуваат градоначалникот да ѝ помогне на гатачката да ја реновира куќата.

Не само што се убиени речиси 500 лица од медицинскиот персонал во Газа бидејќи израелските сили систематски бомбардираат болници со тврдење дека Хамас ги користи како свои засолништа, туку стотици се сметаат за исчезнати. Некој лекар ќе го снема и после некој месец Израел ќе соопшти дека починал во затвор.

Сте тркнале скоро до некоја бутка за фаст фуд? Големо мнозинство Американци денес на тоа гледаат како на екстравагантност. Половина од американските потрошувачи оценуваат дека брзата храна во последно време е скапа како да јадеш во пристоен ресторан а некои тврдат дека е и поскапа.

Ненамерно потврдувајќи го мемето „левицата не знае да прави мемиња“, кампањата за реизбор на американскиот претседател Џо Бајден отвори работна позиција менаџер за мемиња со плата од 85.000 долари.

Новиот стамбен проект во полскиот град Познан го привлекува вниманието со својата фасада која потполно е прекриена со дури 140.000 билки. Но, на комплексот Аура, тоа зеленото не е наменето само да изгледа фино нацртано на проектот (како кај нас), туку смислен е цел систем како зеленилото навистина да живее а позади него да биде пријатно.