Шеста година по ред, Финска е прогласена за најсреќната земја на светот. Накратко сумиран последниот извештај: финските деца уживаат во слобода, возрасните им веруваат на своите комшии, луѓето знаат да уживаат во природа и навреме си одат од работа. Тоа што изгледаат интровертни, тоа е затоа што не пикаат нос во туѓи работи.

Сензационализмот и жестоко поларизирачкиот приод кон темата на пандемијата и ковидот дополнително ја имаат урнисано довербата на гледачите во CNN. Ако пред година и нешто, ним силно им верувале и онака не импозантни 20 проценти, сега такви ги има само 13 проценти од публиката. Го отпуштија иритантниот Дон Лемон, пак го сменија својот ЦЕО, ама нешто не оди.

Не, не е тоа нивниот прв тапанар Пит Бест. Пред Брајан Епштајн, Битлси имаа друг менаџер кој се налутил кога овие не му платиле за една свирка. Замислете да можете да се вратите во времето и да инвестирате некоја пара во Битлси. Денес тоа би било огромно богатство. Ален Вилијамс имал таков удел, ама дигнал раце. За девет фунти.    

Поради незапамтениот интерес за една болест како што беше ковидот, истражувачи штанцаа и им беа објавувани студии кои не задоволуваат ни минимални научни стандарди или пак биле етички спорни. Сега полека се расчистува теренот но штетата ќе трае долго: дури и повлечените студии продолжуваат да бидат цитирани.  

Од чаша вода од поток може да се реконструира генетското потекло на луѓето кои живеат околу потокот. А од воздух во една канцеларија може да се рекоснтруираат целосни ДНК профили на оние кои биле или поминале низ канцеларијата. Весело.

Има една глупа капиталистичка логика дека ако човек сака да ги оствари своите амбициозни планови и да стигне да заврши сè што треба во текот на денот, треба да си скрати малку и од спиењето. Вистинските генијалци би се изнасмеале на ова, ако веќе не биле отидени на спиење.

Тренирале модел со податоци од мозочните активности при гледање видеа. Успеале да реконструираат видео со маче, директно од мозочните сигнали на субјект кој гледал видео со маче. Да напоменеме, ова е само почеток на техниката за читање мисли со помош на вештачката интелигенција.

Вообичаена самоизолација (да не одиш на работи или на школо кога си болен) и редовно тестирање за ковид, ќе беа поуспешни тактики отколку оние кои беа наметнати: општи карантини, затворање школи и строги физички дистанци, покажуваа епидемиолошки и економски модели кои ги тестирале овие стратегии во разни варијабли.

Пандемијата разбирливо донесе таканаречен вишок смрт (повеќе починати во споредба со  неколкугодишните просеци за одреден период). Меѓутоа, пандемијата заврши а вишокот остана. И тоа поголем отколку оној вишок кој го покоси ковидoт.  Експерти предупредуваат дека земјата се соочува со „катастрофа од иста пропорција на самата пандемија“.

Пред завршувањето на вториот мандат и предавањето на власта на Кенеди, Ајзенхауер држи говор во кој предупредува дека веќе во тој момент САД се оставени на милост на сила која ни тој не може да ја порази - за прв пат во историјата САД добиваат перманентна индустрија за производство на оружје.

Блиските на Рјуичи Сакамото, еден од најзначајните компзитори на денешнината кој после тригодишна борба со ракот почина минатиот месец на 71 година, деновиве решија да ја споделат музичката плејлиста која тој самиот ја има составувано за својот погреб. Го има тука Бах, Дебиси, Сати, Равел, но и Дејвид Силвијан, Мориконе...

40 пожарникари и 10 полицајци учествуваат во операцијата за пренесување на една 391 килограм тешка американска државјанка што живее во Франција, од нејзиниот дом до локалната болница.

Иан Клифорд е ИТ техничар вработен во ИБМ кој 15 години е на боледување. Сега Иан Клифорд го тужи ИБМ по основа на дискриминација дека сите овие 15 години додека е дома компанијата му ја нема кренато платата.

Германија и Кенија се сред преговори да најдат начин како кениски работници да пополнат 250.000 работни места во германската индустрија за кои државата моментално не може да најде луѓе.

Милијарди луѓе цели две години секојдневно дишеа воздух  преку пластичните влакна во маските за едократна употреба и по осум и повеќе часа. Затоа, да не се најде микропластика во белите дробови денес би било изненадување. Ова е потенцијална бомба за јавното здравје, велат доктори.

Како што една транс жена од Тексас почна по социјални мрежи да промовира платено партнерство со Смирноф, така компанијата зад познатата вотка инстантно негираше каков било договор или соработка со активистката.

Две недели откако изненадно беше избркан од Фокс њуз, Такер Карлсон објави дека се враќа во програма и тоа исклучиво на Твитер. Во исто време, Маск објави дека немаат направено никаков ексклузивен договор со Карлсон и дека тој може да ја користи платформата како сите останати.

Во Швајцарија преку училиштата се работи на кампања за убедување на децата да јадат помалку чоколадо, а повеќе инсекти или барем производи од инсекти, пример крекери од скакулци.

Доктори и научници создадоа модел на вештачка интелигенција кој може побрзо и поефикасно да открие рак отколку што тоа се прави со сегашните методи. Ова е важно затоа што и покрај сите постојни хемо и други терапии за спречување и лечење рак и понатаму најголем успех има неговото рано откривање.

Компанијата која беше прв онлајн медиум што успеа вистински да ги застраши востановените медиумски гиганти и во својот пик вредеше 5,7 милијарди долари, годинава се мачи да најде купувач и нов газда, заради што почна да се подготвува за отворање банкрот.

Синтетизирајќи шокантни откритија од анализите на илјадници документи на „Фајзер“, д-р Наоми Волф (Јејл, Оксфорд) рече дека си имаме работа со монструми. „Нема шанса да се избегне заклучокот дека цел им е да ја пореметат човечката репродукција“, вели таа и додава „Тоа е биолошко оружје и ние сме нападнати.“

После 320 години, престанува да излегува најстариот печатен дневен веник во Австрија и светот, Виенер Цајтунг, кој се одржуваше со пари од државни и јавни огласи. „Не ѝ е работа на владата да финансира дневен весник,“ порача Курц. Оди кажи им на нашиве кои, додуша, никогаш не штеделе на глупи и коруптивни цели.

Ако „меката моќ“ на Западот (музика, џинс и филмови) беше она што помогна да се сруши Советскиот сојуз во 1980-те, тогаш е малку веројатно дека Западот ќе може да се потпре на истото за битката против Кина.

Ако некој од ваша околина кој е технолошки индиспониран ви се пожали дека има проблеми да сфати „како функционира тоа Фејсбукот’, не се мачете многу околу него. Покажете му еднаш како тоа оди и потоа речете му папагалски да повторува после вас. Ќе научи.