Основата на влијателност ја одредува Википедија, на која со помош на алгоритам се избира по еден филм за секоја година.

Минатата недела судија од Калифорнија одлучи дека во локалните училиштата смее да се предава јога и покрај забелешките на родителите дека преку тоа се промовира "Источна религија."

Иако глобално личи како Епл и Самсунг да даваат бескрајно многу пари за реклами, на ниво на САД тие се само на 12-то односно 15-то место по парите потрошени за маркетинг.

Во седмицата околу 4-ти јули продажбата на пиво во САД ја надминува сумата од 1 милијарда долари. Работодавците знаат дека на 5-ти јули не треба да очекуваат премногу од своите вработени.

Без да треба да вадат метафори и да читаат меѓу редови, папата Францис јавно порача дека му е болка кога гледа свештеници како водат скапи автомобили, и побара од нив да изберат нешто "поскромно."

Главниот успех на автоматите за коцкање во собирањето на вашите пари е да ви создадат илузија дека всушност победувате.

Во филмски грабеж во Флорида украдена е вотка во вредност од 1,1 милиони долари, пари за кои од конкретниот бренд на вотка добиваш само 752 пакети (по цена од продавница).

Планот предвидува трансформација на кулата на Бритиш Телеком во Лондон, која по комплетирањето на проектот ќе може да ја собира загаденоста во Лондон и да ја претвора во био-гориво.

По повод 4-ти јули ЕмТиВи реши да се врати на корените и повторно да пушта музички видеа. На 5-ти јули се ќе биде по старо.

Во речиси половина од јапонските домаќинства сопругите го контролираат буџетот, ова значи дека тие контролираат и колку пари ќе му дадат на мажот за излегување и слични потреби.

ИБМ со своите повеќе функционални билборди (со поента дека ИБМ ги прави градовите да бидат попаметни) го освои Гран прито во категоријата надворешни реклами на годинешниот Кан Лајонс Фестивал.

Гардијан има ексклузивен извор со уште еден огромен комплет докази за американското шпионирање и како европските влади го дозволуваат тоа. Откако објавуваат, решаваат да го гуглаат името на својот извор. Undo.

Старите парови ги решаваат конфликтите на тој начин што воопшто не ги решаваат, туку наместо тоа само ја менуваат темата на разговор.

Најзборуваното ТВ шоу за годинава, во исто време според бројките на ТорентФрик ги држи и рекордите за најпиратирано шоу на сезоната.

Најмалку еден оригинален филм годишно и многу помалку продолженија е планот на Пиксар за иднината.

Лиса Блументал од Бостон пред некое време купи две паркинг места во градот за 560.000 долари, не и требаа на неа туку и било незгодно гостите што немало каде да паркираат. Без разлика како ни изгледа цената, ова не е ниту најскапото, ниту единственото вакво паркинг место.

Ресторан смее да понуди домашни јадења само ако тие се свежо подготвени, стои во новиот француски закон против подгревањето храна во ресторани.

Магазинот Форбс ја прогласи Опра за највлијателна славна личност на планетава, што и не е нешто ново, она што е ново е што одлучија да ја променат методологијата за составување на листата и да ги избришат насловните страни на списанијата како дел од равенката.

Дел од проблемите што од Гугл ги поставуваат за време на интервјуата за работа, се крајно бескорисни во откривање на тоа кој би бил добар вработен.

Да, милион пати сме го виделе фамозниот црвен телефон на релација Белата куќа - Кремљ кој служи за исклучителни ситуации да се чујат супер силите пред да се дигнат во воздух. Ама на екран. А на екран сме го гледале и Лазе Бараков, па никогаш не ни отворил порта.

Немој да пишуваш за финансии, финансиски пазари или нафта, туку гледај да се држиш до религија, спорт, криминал и природни катастрофи, е предлогот на научниците кои анализираа стотици илјади новинарски текстови.

Мажите кои носат бели маички им изгледаат попривлечно на жените, бидејќи маичките успеваат да направат магија од вашето тело.

Сао Паоло, Истанбул, па дури и Стокхолм.... Се повеќе луѓе живеат во градовите и главните проблеми во овој век ќе се одвиваат на урбаната сцена.

Вино можеш да купиш за 500 долари од шише и за 2 долара од шише, ама што се однесува до "винските економисти," нивото на корелација меѓу цената на шише вино и неговиот квалитет е мала или речиси непостоечка.