Во 2014-та на американските телевизии се емитувале 1.715 серии (не епизоди, туку серијали) од кои 352 биле по сценарио. Овие бројки се само за терминот од 20 до 23 часот.

За сериозна филмска анализа, задолжително прочитајте го Таиби во Ролинг Стоун. Овојпат за лежерна и малку позната тривија околу некои популарни филмови. 

Стујарт и Колбер го дефинираат жанрот на сатирични вести и генерално се посветени на анализирање и исмејување на актуелните настани. Оливер тргнува од нивната работа и се надградува со воведување на истражувачко новинарство на теми од нет неутралност, до милитаризација на полицијата и долгот на Аргентина.

Заедничко во филмовите како што се Апокалипса денес, Портите од рајот и Клеопатра се бескрајните снимања и огромните буџети кои ги проголта ексцентричната продуција. Сите тие заедно не можат да му носат вода на еден руски филм.

Клучно за да составиш успешна "паметна група" за која било задача, не е да имаш најмногу паметни луѓе, туку како знаеш во неа да имаш жени, се заклучува во повеќе студии на МИТ.

Од страна гледано, кога жените ќе решат да ја сменат интимната фризура тоа го прават така брзо и масовно, како сите истовремено да добиваат таен меморандум за тоа. Најновата мода се вика "полна бразилска грмушка". Звучи оксиморонски ама делува.

Луѓето од едно мало данско место се согласиле дека најголем проблем им е што не се раѓаат деца. Притоа дошле до заклучок дека најдобар начин да го решат овој проблем е да прават деца. 

За оние што бараат влакно во јајцето веројатно не е неважно дали јајцето е органско или фри-рејнџ.

XBIZ е нешто како неофицијалниот службен весник на секс и порно индустријата во САД. Вчера го поделија годишните порно награди. Годинава имаше вкупно 160 категории.

Еден ден по објавувањето на номинациите, Вин касиното од Лас Вегас ги објави своите коефициенти за победници. По нив, без гледање, победник на Оскарите е филмот Момчештво.

Концептот на силни женски карактери последните години беше многу ценет во квалитетната филмска драматургија на Холивуд. Но, работите се менуваат. Тоест комплицираат.  

Ако им се подредите на популарните диети, ќе останете само на вода, спанаќ (еден од ретките заеднички именители во различните диети) и евентуално брокула која нормален човек и онака не ја јаде пошто на нормален човек му е одбивно да јаде нешто што личи на херпес на Хулк.

И кај нас дојде таа шема, енергетски пасоши, енергетски ефикасни фасади... Во превод, тоа главно значи да се залепи стиропор на фасадата. Во Норвешка е малку поинаку.

Од површина од 2.300 метри квадратни собираат по околу 10.000 глави зелена салата на ден, 100 пати повеќе отколку што се добива со традиционални методи, а притоа трошат 40% помалку енергија, и 99% помалку вода. Јапонци.

Здружението на странски новинари во Холивуд (организатори и жири на Златните глобуси) брои 87 членови, од кои најголемиот дел "ниту се странски, ниту се новинари." За споредба, Академијата за Оскарите има околу 6.000 членови.

Деновиве на интернет се појави преписката меѓу арапските и европските/американските вработени на телевизиската мрежа околу нивната поделба во поддршката за кампањата "Јас сум Шарли." Се почнува со меил до целата редакција во кој уредникот на англиската Ал Џезира дава препораки како да се покрива настанот.

Со години сум сведок како стандардните тестови го гушат духот на учениците, внесуваат стрес во семејниот живот, ги деморализираат наставниците, ги потценуваат училиштата, ја парализираат образовната дебата и ја поткопуваат идната компетитивност на оваа земја, вели авторка која долго се занимава со оваа проблематика.

Новиот директор на Дискавери, Рич Рос, вети дека ќе престане да емитува псевдонаучна програма на канал кој во основа треба да биде образовен. Или барем со цела сила ќе се потруди.

Моментално сме во омилената година на писателите и сценаристите на научна фантастика, од Асимов до Земекис, сите очекуваа дека ние веќе ќе ја живееме иднината. Тоа се случи, ама не во форма како што тие очекуваа.

Наспроти кампањската слика во која и едно пробување дрога го претвора остататокот од животот во пекол, реалноста покажува дека на огромен дел од луѓето кои искусиле наркотици, долгорочно ништо страшно им се нема случено.

Централни вести на медиуми блиски до владата, владини функционери и претседателот на Венецуела деновиве се ангажирани во справување со внатрешниот и надворешен непријател - незамисливиот недостаток на помфрит во рестораните на МекДоналдс во земјата.

Вчерашното убиство на 12 луѓе беше направено како одмазда за навреди искажани на насловната и страниците на сатиричниот магазин Шарли Ебдо, магазин кој ова го прави од 70-те.

Колку помалку е комплексна музиката толку е поголема нејзината популарност, и ова не е нешто ново туку така е од 50-те години па до денес.

Се гради Скопје на Коце, се гради и Лондон на Борис Џонсон. Гардијан реши да го почасти градоначалникот и архитектите со пар совет за оваа година. Некои од советите не одговараат за кај нас, некои одговараат многу, а за некои е доцна.