Актуелната криза меѓу Европа и САД означува крај на една ера. Без оглед на тоа кој ќе го наследи Доналд Трамп, никој нема да дојде во Европа и да каже „Америка се врати!“. Врските изградени врз специфични глобални карактеристики се прекинати. Со трансатлантизмот е завршено како идеологија, но тоа не значи дека Европа и САД по бурниот развод не можат да останат пријатели.

Газдата на Мета сака да се вклучи во бизнисот на пазари за предвидување што им донесе многу пари на Полимаркет и Калши. Платформата „Арена“ на Марк Закерберг би била одвоена од Фејсбук и Инстаграм, но би ги опфатила нивните 3 милијарди корисници. Во почетокот ќе може да се кладат со „дигитални жетони“, со план потоа системот да се префрли на вистински пари.

Колку повеќе репрезентации настапуваат на Светските фудбалски првенства, толку помалку има фудбалери што се родени во земјата чиј дрес го носат. Помалите нации не можат без фудбалери од дијаспората. Само еден фудбалер на Курасао е роден во земјата. Интересен факт за оние што мислат дека Франција игра со „странци“: дури 54 фудбалери на Мундијалот се родени во Париз.

Додека Европа се фали со своите „зелени“ политики и го обвинува Пекинг за загадувањето на планетата, Кинезите ја изградија најшироката и најмоќна инфраструктура за генерирање струја од сонце и ветер. Но, и во тој поход знаат за граници. Не се откажуваат целосно од централите на јаглен сè додека не се знае колку струја ќе трошат огромните компјутерски центри за податоци.

Од сите ужаси што ги предизвикал Трамп, веројатно најужасниот е нападот училиштето во Минаб, во кој беа убиени 175 луѓе, претежно деца од основно училиште. Фактите се неоспорни – основното училиште бил директно погоден од проектили какви што имаат само САД. Но, Трамп и Хегсет сега отворено предупредуваат: „Вистината можеби никогаш нема да се дознае“.

Служби за кибернетска безбедност на пет западни влади во заедничко соопштение предупредуваат дека системите со ВИ веќе се доволно моќни да уриваат системи на влади и бизниси. Временската рамка се мери во месеци. И проблемот не е само Mythos на Антропик. Модели со слична моќ да разбиваат криптографски заштити имаат и фирми од Кина и Јапонија.

Затворањето на Ормускиот проток поради војната во изминатите сто и кусур дена блокирало над 1.200 бродови натоварени со стоки во вредност над 125 милијарди долари, покажува извештај на осигурителната компанија Алијанц. Се уште се заглавени 300.000 контејнери и десетици илјади морнари од кои сопствениците на бродовите кренале раце.

Европа се загрева побрзо од остатокот на светот. Канада се загрева побрзо од остатокот на светот. Авастралија се загрева побрзо од остатокот на светот. САД се загревааат побрзо од остатокот на светот. Кому да му се верува? На сите нив или никому? Не може секој дел од светот истовремено да биде полош од секој друг.

Кога Америка и Европа ќе се соочат во дебата за БДП-то, исходот не е толку јасен како на фудбалски натпревар. Економистите знаат да исчекорат од економскиот терен во етнографијата. САД прашуваат: Ако Европа осиромашува, зошто се чувствува толку пријатно? Европа возвраќа: Американското предградие можеби нема шарм на средновековен град, но затоа е богато.

Само неколку дена откако САД му дозволија на Техеран да пристапи до 6 милијарди што му се замрзнати во странство, четири ирански банки вчера беа блокирани со кибернетски напад. Сомневањата водат кон Израел, кој настојува да го спречи финансирањето на Хезболах, а притоа да не остави траги дека ги минира американско-иранските мировни преговори.

Расте бројот на Американци кои го сметаат актуелниот претстедател за опасен диктатор кој треба да биде спречен пред да направи некоја поголема беља од досегашните. За разлика од нив, Белата куќа е убедена дека тој веќе направил историски чекори за Америка и за светот. И покрај рекордно нискиот рејтинг на Трамп, кандидати кои тој ги поддржува убедливо победуваат. 

Додека Брисел се прави наудрен, директорот на европската асоцијација на аеродромите го признава она што со недели ги фрустрира патниците што доаѓаат во ЕУ. Новиот граничен систем за проверка на патници не функционира. На терминалите се создаваат метежи, а патници пропуштаат летови иако доаѓаат и по четири часа порано на аеродромите. 

Западот ја доби Студената војна нудејќи подобар живот, полни супермаркети, рокенрол и нецензурирани книги, а не поради тоа што Русите им завидувале на цврстината на НАТО или на строго контролирање на мислите. Политичката елита сега нуди трајно обезбедувана ЕУ, отсечена од евтина руска енергија и суровини, пад на животниот стандард и бесконечни морални поуки.

Ефикасноста на новото евтино оружје на боиштата во Украина и во Персискиот залив не само што темелно го промени начинот на војување, туку и предизвика револуција во одбранбената индустрија. И додека владите купуваат тенкови и авиони, инвеститори од ризични фондови вложуваат милијарди во стартапи што произведуваат автономни дронови и чамци.

Администрацијата на Трамп ја забранила новата алатка со ВИ на Антропик откако директно сведочела како го пробива заштитниот систем на Агенцијата за национална безбедност на САД. Иако тестирањето било спроведено во строго ограничени услови, случајот отвори прашања дали е загрозена безбедноста на критичните агенции и дали властите можат да го запрат развојот на ВИ.

Кир Стармер пред две години влезе во Даунинг стрит кога неговите медиумски навивачи ветуваа ера на можеби здодевна но блажена. А оставија немири, поделби и напад врз древните слободи на англиската. „Наравоучение од Стармер? Никогаш не му верувајте на технократ“, пишува Брендан О' Нил.

Со години, владите ја уверуваа јавноста дека читачите на регистарски таблички не се ништо повеќе од алатки за откривање украдени возила и за ловење опасни криминалци. Камерите што ги снимаат табличките сега може да добијат сензори што ќе можат да ги идентификуваат возачите и патниците и да откријат сè за нив преку нивните мобилни телефони.

Со потпишувањето на Меморандумот за разбирање, САД и Иран не решија ниту едно од прашањата поради кои почна војната, туку само ги одложија за подоцна. Како и секоја спогодба за примирје, поставува основа за преговори. Во овој случај, најверојатниот исход не е трајно решение, туку насилен хаос, со повремени ограничени насилства.

Убедени дека разладувањето на домовите ја затоплува околината и го оптоварува семејниот буџет Французите беа спремни да трпат летни жештини без клима-уреди. Беше потребен силен топлотен бран од Африка за да почнат да се пресметаат и да сфатат дека можеби биле во заблуда. Нема да го спречат топењето на глечерите и нема да осиромашат ако почнат да се ладат.

Иако ги „бомбардираат“ со економски и трговски блокади, САД сè потешко можат со нив да ја наметнат својата волја врз непокорните режими низ светот. Владите на Иран, Русија или Северна Кореја развија системи за заобиколување на санкциите, а понекогаш само се протнуваат низ дупките што намерно им се оставени. Ако некој страда, тоа е народот, а никогаш режимот.

На линија на она што го збореше Рамбо Амадеус, дека во аналогните времиња, човек на шанк седеше со свои луѓе и не можеше туку така некој да им се трапоса, во контраст со денешните времиња кога секој секому може да му дојде во Фејсбук двор и да му баљезга. Стварно ќе беше подобро ако не ги запознавме оние кои толку успешно ги избегнувавме во вистинаскиот живот.  

Паралелно со камерите од ФИФА што ги снимаат фудбалерите од секој агол за да поправат судиски грешки, многу поголем систем од илјадници камери на приватна компанија ги снима десетиците илјади навивачи на трибините и архивира биометриски податоци. Нема строга контрола врз базата и нема контрола дали клиенти може да ги злоупотребуваат или да ги продаваат податоците.

Турција го шири своето културно влијание во Централна Азија, а Кина инвестира во инфраструктурата во поранешните советски републики за да ги извлечат од влијанието на Москва. Европската Унија делува незаинтересирано, иако е главниот економски корисник и завршен западен терминал на новиот трговски коридор што се пробива до Европа.

Речиси половина век откако генијалниот физичар Ричард Фајнман ја начкртал на салфетка својата формула за оптимален избор на ресторан, научници ја потврдија нејзината математичка точност и ја провериле кај 2.500 луѓе. Формулата е само навидум тривијална, бидејќи е груб математички приказ на човечкото однесување и нуди оптимални решенија за најразлични ситуации.