Пред пандемијата на ковид, Ентони Фаучи пријавил богатство од 7,6 милиони долари, што не е невообичаено за истакнат доктор и професор. Но, дури тогаш почнал да се богати. До крајот на пандемијата за три години ги дуплирал милионите, а откако заминал од јавна служба заработил уште 12,5 милиони долари од отпремнината и пензијата, но и од предавања, говори и награди.

Фондот Situational Awareness на вундеркиндот Леополд Ашенбренер за помалку од три недели премина од годишна добивка од 439% во принудна ликвидација. Загубите од 45 милијарди долари се предупредување за секој инвеститор за ризиците од вложување во недокажаниот потенцијал на вештачката интелигенција без да се почитуваат основите на пазарот.

Немуслиманските полицајци од англискиот регион Западен Мидлендс добија препорака да постат за време на Рамазан како чин на солидарност со муслиманите Целта на иницијативата е полицајците да го разберат значењето на верскиот празник, а во втор план е како ќе ги извршуваат обврските што се очекуваат од нив – да ги одржуваат редот и мирот.

Протестите во Киев за поддршка на разрешениот министер за одбрана се само симптом на подлабока криза во државата. Војната ја наруши структурата на моќта, со последици за парламентот, судството и медиумите, па дури и за олигархиската хиерархија, како „четвртата власт“. Токму тоа сега претставува проблем за демократијата и слободата на изразување.

Податоци од ФБИ потврдуваат дека не се без основа протестите на Американците, кои уриваат или ги покриваат системите за автоматски читање на регистерски таблички, кои воедно вршат масовен надзор врз граѓаните. Иако се поставени за „значително подобрување на јавната безбедност“ стапката на криминал во надгледуваните региони всушност се зголемила.

Бродовите што потонале пред 1945 година се редок извор на метал што не е контаминиран од атомските експлозии. Нивниот челик не остава сопствени траги во експериментите со радијација и затоа се користат како изолација и материјал за инструменти за денешните најчувствителни лаборатории за мерење на зрачење во бункери под карпи од 2 километри.

Шумските пожари во Шпанија и Франција полека стивнаа. Вонредната состојба официјално е укината, но службите остануваат внимателни бидејќи топлотниот бран може да ги разгори жариштата. За да се спречат огнени катастрофи во иднина, се бара поддршка за одгледувањето кози, кои по природен пат го расчистуваат запаливиот терен од суви грмушки.

Берни Сандерс е убеден дека Маск не би се откажал своите стотици милијарди долари, за кои самиот вели дека нема да имаат вредност по 2036 година поради развојот на вештачката интелигенција и роботите. Сенаторот отворено го предизвика најбогатиот човек во светот да поддржи данок од 5% за најбогатите, за да покаже дека навистина го мисли тоа што го зборува.

Во Советот за безбедност почна долгото и сложено гласање за идниот генерален секретар на ОН. Граѓанската кампања „Еден за 8 милијарди“, која се залага за транспарентност на процесот, открива како изборот ги корумпира кандидатите, кои не можат да победат ако зад кулисите не се пазарат со моќните земји, откажувајќи се од независноста и од спроведувањето на реформите.

Три децении по крајот на војните, сè уште се шверцува оружје преку земјите од поранешна Југославија. Украина се наметнува како нов црн пазар во Европа. Оружјето што Киев го доби од членки на НАТО им се враќа на неговите сојузници преку мрежи поврзани со корумпирани функционери, но завршува кај мафијашките организации и разни други вооружени групи. 

На климатските активисти прво им беа виновни кравите, затоа што испуштаат метан. Сега на удар се кокошките, и тоа само слободните, кои се хранат без пестициди и несат органски јајца. „Гардијан“ пренесува студија во која се промовираат фармите со кафези, затоа што спакуваните кокошки испуштаат помалку штетни гасови и зафаќаат помал простор.

Додека Вашингтон ја преиспитува оправданоста на своето големо воено присуство во Кувајт, лидерите на емиратот се принудени да избираат помеѓу лоша и уште полоша опција. Како домаќини на американските воени бази, трпат напади врз енергетски центри и не можат да продаваат нафта. Ако Американците заминат, ќе нема кој да ги брани од идна копнена инвазија.

Илјадници мигранти од Мароко јуришаа преку огради и плажи врз шпанската територија Сеута, енклава од африканската страна на Гибралтар која има копнена граница со Мароко. Поттикнати се од одлуката на социјалистичките власти да им дадат документи на 500.000 нелегални мигранти и на судската пресудата за заштита на оние што доаѓаат во енклавите.

Откако Јордан почна секојдневно да трпи колатерална штета од иранските ракети лансирани кон американските бази во Кралството, стотици политички и јавни личности се охрабрија во отворено писмо да ги повикаат властите да им го откажат гостопримството на американските трупи. Не сакаат нивната земја да биде вовлечена во регионална војна заради одбрана на Израел.

Човештвото одамна совладало техники на копање руди и експлоатирање течности како основни блокови на цивилизациите. И воздухот е „невидливо злато“, укажува нобеловецот за хемија Сусумо Китагава. Неговата пионерска технологија на метално-органски рамки отвора потенцијал за сепарација на полезни материјали од воздухот, но не може сега да се реализира затоа што е скапа.

Кога ќе прашате чет-бот за војната во Газа, одговорот може да биде „затруен“ од пропагандна операција финансирана од израелската влада и командувана од поранешен шеф на кампањата на Трамп. Мекиот пристап на ширење дезинформации чини 50 милиони долари, но барем засега не успеа да го промени негативниот став на Американците за Израел и неговите војни.

Администрацијата на Трамп официјално се откажа од контроверзната политика на финансирање опасни истражувања на вируси. Во времето на докторот Ентони Фаучи, САД одобрија грантови од милиони долари за експерименти со „стекнување функции“ во недоволно безбедни лаборатории во Вухан, од кои најверојатно протече коронавирусот што предизвика пандемија.

Централната команда на американските сили се закани дека ќе им ги запленува мобилните телефони на војниците во Јордан затоа што со објавувањето сведоштва, фотографии и снимки им олеснуваат на иранските сили да ги следат ефектите од своите ракетни напади. Адмиралот Бред Купер оцени дека и новинарските извештаи се бесплатен разузнавачки сервис за Техеран.

Едвај го „приведоа“ на сослушување пред Сенатот, Ентони Фаучи одби да одговори на низата прашањата дали и зошто лажел за потеклото на коронавирусот, дали прикривал докази, спречувал истрага и имал конфликт на интереси за време на пандемијата на ковид-19. Упорно се повикувал на Петтиот амандман, за да не може да биде употребено против него она што ќе го каже.

ЕУ треба да состави тим од десет клучни земји, кои до крајот на идната година би изготвиле нова рамка за проширување и би се посветиле на надминување на политичките поделби во Унијата, предлага Европскиот совет за надворешни односи. Најголемиот предизвик е како да им се објасни на гласачите низ Европа дека би имале полза од приемот на нови членки.

Една од првите одлуки на Трамп во вториот мандат беше суспензија на американската помош за странство. Медиуми се уште реагираат на последиците од укинувањето на програмата USAID и на кратењата од канцеларијата DOGE на Илон Маск. Речиси воопшто не се зборува за драстичните кратења на десетици милијарди долари за странство од ЕУ и нејзините членки.

Повикот на ОН развојот на вештачката интелигенција целосно да се напојува од обновливи извори на енергија удри во ѕидот на реалноста. Ветерниците и соларните електрани не можат да ја задоволат огромната побарувачка за струја од центрите за податоци. Климатските активисти не попуштаат: „Ако вложуваат милијарди за центри, ќе мора да платат и за чисти електрани“.

Претседателот Трамп и израелскиот премиер Нетанјаху се сретнаа во Овалната соба без какви било видливи знаци на тензиите што го одбележаа нивниот однос во изминатите неколку недели. Фактот што двете страни ја оценија средбата како позитивна претставува победа за Биби, со оглед на фрустрациите на Трамп, кој бара излез од војната во која во вовлече израелскиот лидер.

Иако Трамп лани воведе високи царини за Кина за да ја израмни трговската размена и да ја ревитализира американската индустрија, се зголемил увозот на кинески производи во САД. Бариерата од царини индиректно предизвика и пад на инфлацијата на други развиени пазари, вклучувајќи ја и Европа, кои се пренасочија кон купување поевтини кинески производи.