Од воведот за најавите за снимање на филм за воениот злосторник Жељко Ражнатовиќ Аркан: Филмот би требало да се снима во Америка, Роберт Де Ниро наводно би го глумел Милошевиќ, Ева Мендез го има ликот на Светлана Ражнатовиќ, а за Аркан се уште не е најден адекватен глумец.

Кога една држава ќе ја надмине војната против дрогата како можно решение, следуваат три чекори кои се крајно контроверзни и создаваат многу нервоза, се додека луѓето не видат во пракса како сето тоа функционира, па после поддршката расте и останува така, пишува авторот на книгата Првите и последните денови на војната против дрогата.

Доминантноста која ја покажа Доналд Трамп во Супер вторникот победувајќи во 7 од 11 држави повлече и контра реакции. Сајтот на канадската влада едвај ги издржал посетителите од САД.

Член на европскиот парламент од редовите на грчката фашистичка партија Златна зора, заедно со уште неколку нахални типови насилно упаѓа на дебата на која се зборува за малцинствата во Грција. Се разбира, со намера да ја прекине. Немале право да зборуваат за малцинства. Со дерење, со малака, со све. А главучите на ЕУ нека се замислат, ако вакво насилништво трпат членови на нивниот парламент, како ли им е на самите Македонци, Турци, Роми и други припадници на какво било малцинство во Грција.    

Демократијата се заснова на една убава претпоставка. Меѓутоа таа се судира со едноставен факт: некомпетентни луѓе не можат да судат за компетициите на другите. И затоа секогаш главно избираат осредни лидерства.

Во еден од неговите Твитер перформанси Канје пишува дека периодов постојано го слуша Суфјан Стивенс, и како доказ за неверниците пушта и принтскрин од својот лаптоп. Како и многу досегашни паднати жртви, така и Канје премногу доцна сфаќа дека принтскринот пресликува буквално сè на твојот екран.

Прашањето е инспирирано од референдумот во Британија, ама дискусијата не е само за Британија туку е за целата ЕУ. Разликата е што додека во остатокот од ЕУ ова е прашање што сите радо го избегнуваат, во Британија министерот од истата партија што ја внесе земјата во Унијата сега повикува на нејзино напуштање.

Многу црни и латино гласачи стоеа во редовите за гласање на примарните избори во Супер вторникот со прашалници во своите глави: Смеам ли јас да гласам, ми треба ли документ за тоа, каков треба да е документот, чекам ли на вистинското избирачко место? Не сме пицајзли, зборуваме за околу 900.000 гласачи.

Филмот беше награден заради севкупната умешност, вештина и квалитет со кој е направен, одлики кои не му фалеа на ниту еден од останатите номинирани во категоријата. Разликата е што Спотлајт успеа да стане дел од дискусијата околу тековната истрага за сексуалното злоупотребување на деца од страна на католичкото свештенство и како црвката се обидува да го сокрие тоа.

Кога ќе се спомне роденден, нешто што се подразбира е дека тој се слави секоја година. Освен ако си „престапно" бебе, какви што во САД има 187,000. Не го знаеме бројот кај нас, ама наша пријателка која вчера наполни 40 дуваше во десет свеќички. Баш фино ќе ѝ дојде на 80, кога ќе дува на 20.

Првичните процени дека на сметката се легнати 681 милион долари се апдејтувани со нови бројки од Вол Стрит Журнал според кои сумата што на поклон од Саудијците ја добил малезискиот премиер Наџиб Разак изнесува над 1 милијарда.

По професија новинар, инаку извршен директор на данскиот ДР (нешто како данско БиБиСи), Улрик Хагеруп прави рецензија на сегашната состојба на новинарството, сите негови мутации кои му се случија по пат и како моментално луѓето на новинарите им веруваат само малку повеќе отколку на проститутките.

Не е Меркел, туку е Фрауке Петри лидерката на третата по моќ германска партија Алтернатива за Германија, која периодов предлага решенија од типот војската да биде на готовс и ако треба да пука на бегалците кои се појавуваат на границата.

Иако Италија е инспирацијата за создавањето на Старбакс, компанијата до сега никогаш не ни помислила да припари во земјата. Веста дека сето ова ќе се смени веднаш доведе до пред-апокалиптично расположение кај Италијанците, кои почнаа да одбројуваат до крајот на својата култура.

Популарниот и ултра богат водител на Фокс е највлијателниот медиумски јуришник на конзервативната Америка, онаа која се колне во религиозноста и  семејните вредности. И, штотуку го изгуби старателството над своите деца. 

Иако по концепт наликува на некои локални маркети, разликата е што тука целата храна намерно е со истечен рок ама не за да го збогати газдата туку за да им олесни на оние што не можат да си дозволат да ја купат по редовна цена.

ЕУ има еден убав план за сериозно намалување на штетните гасови во атмосферата со што планетава ќе се ослободи од тони и тони јаглерод диоксид. Но, планот е моментално бутнат во фиока само за Унијата да не си наштети на британскиот референдум. Планетата нека почека.

Пред да се случи вчерашниот настап на Оскарите, Крис Рок во изминатите две недели најмалку 10 пати се појавил во стендап клубот Комеди стор во Западен Холивуд, за да го испробува својот материјал.

На целата продукција што веќе ја има, Нетфликс ниту еднаш нема објавено рејтинзи за која било своја серија или филм, и ова страшно ги нервира конкурентите, посебно телевизиските канали.

Во саботата со должна почит го објавивме писмото на еден наш близок човек кој крајно самоуверено, уште пред неколку дена, ни имаше пратено список на победници во 14 категории на годинешните Оскари.

Оскар за најдобри костуми заслужено доби 65 годишната Британка Џени Бивен за нејзините футуристички чудесии во Мед Макс. Се појави облечена како што ѝ е комотно и толку ги збуни присутните што некои заборавија на аплаузот. Заради тој "проблем", на Стивен Фрај му  се згади Твитер и го суспендираше својот акаунт.

Често слушаме дека „она што нема да нè убие, нè прави посилни". И тоа звучи некако логично, па дури и утешно - дека дури и од лошото има некаква корист. Но дали човек навистина мора да доживее некоја несреќа за да го активира сопствениот емотивен штит?

Во 1796-та амбициозниот Адолф Кетле на 23-години го добива својот прв докторат по математика на Универзитетот во Гент. Идол на човекот му е Исак Њутон и сака да ја постигне неговата слава. Чувствува дека најдобар начин да стигне до таму е да фати да се занимава со астрономија, што во тоа време е водечка научна дисциплина.

Весниците се јавна платформа на низа индивидуални гласови, фејсбук е приватна платформа на која се воспоставува колективно мислење. Фејсбук е плоштад на кој секој може да каже што мисли и секој што го донел својот задник на плоштадот или на Фејсбук има право на мислење, додека весниците би требало да бидат - академија.