Што ти е глобална политика... Америка воведува царини за Индија за да ја казни и да ја принуди повеќе да не купува нафта од Русија. Така индиректно ќе ја казни Русија и ќе ја принуди да ја запре војната во Украина. Од овој сложен трговско-миротворен синџир што го смисли Доналд Трамп најмногу може да ја офајди откачената алка – Кина, на која ќе ѝ сервира уште поевтина нафта.

Им биле потребни десетина години, но кинеските металурзи успеаја да создадат челик доволно цврст да ги издржи екстремните магнетни и температурни оптоварувања на фузиските реактори, оние од кои очекуваме да испорачуваат гигавати струја од кофа вода. Суперчеликот ќе биде вграден во кинескиот токамак БЕСТ, кој ќе проработи во 2027 година како подготовка за фузиски реактор.

Едно време низ Македонија секоја година имаше СВОЗ. „Сите во одбрана и заштита“, за да им биде појасно на помладите, кои не ги паметат масовните вежби за преврзувања ѓоа-ранети и чистење скривници ниту виењето на сирените за да се држи во форма системот на тревожење при непогоди. Дојде време Англичаните да вежбаат СВОЗ, а ние да не знаеме како да укажеме прва помош на човек.

Со неверојатна стапка на раст на реалниот животен стандард од над 300% во изминатите 30 години, двојно повеќе од која било друга европска земја во тој период, Полска веќе го надмина европскиот просек, се изедначи со многу побогати европски земји, а на пат е да ја надмине и Јапонија. Корените биле пуштени уште во социјализмот, кога малите бизниси полнеле 20% од буџетот.

Двете години уништувачка војна го десеткуваа воениот капацитет на Хамас, но групата сè уште има доволно пари за да ги плаќа јавните службеници. Платите се сведени до минимум, а кога нема кеш се исплаќаат во брашно. Се доставуваат по тајни канали, а се црпат од трезор во кој пред терористичкиот напад врз Израел биле скриени стотици милиони долари во кеш.

Искреното признание на шведскиот премиер дека се консултира со ЧетГПТ за некои прашања ја разбранува јавноста. Го напаѓаат дека споделува чувствителни информации со апликација на приватна фирма, дека бара совети од машина што лесно може да халуцинира. Кога малку стивна бурата, Швеѓаните бараат одговор на друго прашање: Зарем некој денес воопшто може да не користи ВИ?

Огромно мнозинство од израелските Евреи не се загрижени од извештаите дека десетици палестински деца секојдневно умираат од глад во Газа поради израелската блокада на хуманитарната помош. Речиси исто толку веруваат во објаснувањата дека Хамас ги изгладнува луѓето во Газа, а Израел „прави сè што може за да ги нахрани Палестинците“. Сосема спротивен е ставот на израелските Арапи.

Италија ќе ги заостри контролите врз медицинските третмани за потврдување на полот за малолетници. Законот ќе ги регулира лековите како што се блокатори на пубертетот и хормони за феминизирање или мажественост за лица под 18 години кај кои е регистрирана родова дисфорија. На владиниот предлог веднаш се кренаа застапниците за правата на трансродовите лица.

Џефри Хинтон, Лоренс Лесиг, Стивен Фрај се меѓу стотиците водечки експерти за вештачка интелигенција и јавни личности што во отворено писмо ја обвинуваат ОпенАИ дека го предала човештвото. Тие бараат од компанијата на Сем Алтман да се откаже од желбата за профит и да се придржува до својот основен принцип да ја развива новата технологија за доброто на човештвото.

Американските власти повеќе нема да финансираат развој на вакцини што користат мРНК технологија. Средствата и фокусот ќе бидат префрлени кон традиционалните вакцини, кои се произведуваат побавно, но важат за побезбедни. Министерот за здравство Кенеди најави дека приоритет е производство на универзална вакцина, која ќе штити и од коронавируси и од грип.

Србија во првите шест месеци од оваа година му продала на Израел повеќе муниција отколку во целата 2024 година, која била рекордна. Претседателот Вучиќ прво се пофали со тоа, па потоа се обиде да го скрие од јавноста. Во меѓувреме полни авиони летаат од „Никола Тесла“ за израелските бази. Поддршката за геноцидот во Газа ја наплаќа со напредно оружје и уреди за шпионирање.

Издавачите на реномирани научни списанија се преплавени со лажни научни трудови, нарачани од очајни професори на кои им е загрозена кариерата. Тоа егзистенцијално ги загрозува списанијата, но трпи и науката воопшто, бидејќи алатките со ВИ што се користат за нови студии се повикуваат на научната литература без да прават разлика помеѓу легитимни и лажни истражувања.

Вообичаена реакција е човек да се оддалечи од некој што кашла. Но, уште пред таа свесна постапка, мозокот рефлексно реагирал и превентивно го вклучил имунолошкиот систем, спремајќи го за можна инфекција. Тревогата за одбрана се активира автоматски дури и кога свесно се знае дека заканата не е реална, што укажува дека процесот може да се поттикне и вештачки.

Дарежливите бенефиции од 100% плата стимулираат сè повеќе работници низ Европа да земаат боледување, често пати и кога воопшто не се болни. Трендот зачести поради пандемијата, кога се охрабруваше отсуство од работните места за да не се шири зараза. Сега боледувањата се голем товар за компаниите, за државните економии и секако за оние на кои им останува дупло повеќе работа.

Ставот на САД кон Кина во изминатите две децении еволуираше од економска соработка до отворен антагонизам. Медиумите и политичарите денес шират антикинеска реторика, а владата воведува трговски бариери и санкции. Тврдењата дека Кина претставува закана се чиста пропаганда. Нејзиниот подем навистина ги загрозува интересите на САД, но на сосема друг начин. 

Кинески истражувачи претставија суперкомпјутер од нова генерација, со архитектура слична на човековиот мозок. Вуконг, или „Мајмунот на Дарвин“, содржи милијарди вештачки неврони, кои создаваат стотици милијарди синапси. Капацитетот може да му се спореди со мозок на макаки. Способен е за најсложени пресметки и управување модели со ВИ, а притоа троши 100 пати помалку струја.

Од творците на Спутник V, првата вакцина против ковид во светот, доаѓа ново револуционерно откритие – вакцина против меланома. Во експерименталната фаза првите пациенти ќе ја примат веќе во септември. Ја користи технологијата мРНК и специјално ќе биде прилагодена за потребите на секој пациент, врз основа на генетскиот профил на туморот. Една доза чини околу 2.800 долари.

Израелските сили се спремаат за завршна офанзива за ослободување на преостанатите заложници во Газа. Премиерот Нетанјаху и американскиот мисионер Виткоф заклучиле дека преговорите се изгубено време. Снимката со прегладнетиот заложник само ги забрзала воените планови, за да се најде барем некој жив. Последната понуда ќе биде ултиматум за кој се знае дека Хамас ќе го одбие.

Пластиката е сериозно потценет проблем за здравјето на луѓето и за општо за планетата. Ги загадува воздухот, земјата и морињата и се таложи во сите можни органи. Пластичниот отпад се мери со милијарди тони, а штетата со илјадници милијарди долари годишно. Но петродржавите и моќната индустрија ги блокираат сите глобални обиди за ограничување на производството и инсистираат на рециклирање.

Фановите на Оезис го растурија рекордот за испиено пиво на стадионот Вембли на кој повторно собраната група на браќата Галагер закажа седум - полни ко око - концерти. Вембли го имаат полнето и други, на пример Тејлор Свифт. Нејзините "свифтис“ пиеле по 40.000 пива на концерт. Овие на Оезис - 6, 2 пати повеќе! 

Актуелната германска министерка за економија предупредува дека на долг рок, ситуацијата со пензискиот фонд е неодржлива. Населението старее, сè помалку работоспособни луѓе мора да алиментираат еден пензионер, фондот голта сè повеќе милијарди евра. Решението ѝ звучи скроз германски: да работиме подолго! Само што, лесно е тоа да се каже додека се седи во фотеља во Берлин.

Со едноставен и евтин систем Грција најде решение како да ја смири нервозата во болничките чекални и да им овозможи побрза услуга на пациентите. Им дава алки на кои е втиснат дигитален QR код со информации за сериозноста на медицинскиот проблем. Лекарите имаат увид кој има приоритет, а пациентите знаат колку време и каде треба да чекаат. Ете како за два месеци можело да се воведе ред.

Ништо во историјата на политички глупости во Калифорнија не е близу до проектот за експресна железница од Лос Анџелес до Сан Франциско. Планиран за 33 милијарди долари, може да достигне 250, а сè уште нема пруга. „Возот-куршум“ на Њусом може да послужи како пример дека економските закони постојат со причина и дека оние што ќе ги извртат ќе мора да ги трпат последиците.

Респираторни инфекции лесно може да разбудат заспани клетки на рак на дојка и да активираат метастази. Веднаш по инфекцијата клетките на ракот се размножуваат со драматична брзина, а потоа повторно се смируваат. Новото истражување го објаснува и феноменот зошто само во краток период од раната фаза на пандемијата на ковид двојно се зголемил бројот на смртни случаи од рак.