Германија има скроз обратен проблем со електричните коли од нас. Додека владата инвестира милијарди во инфраструктура за електрични возила, фактичките податоци од терен откриваат парадоксална ситуација - илјадници јавни станици за полнење зјаат празни. Само 17 проценти од нив се зафатени во исто време, а една четвртина воопшто не биле користени.

Обединетите Арапски Емирати ќе станат првата држава во светот што ќе се потпира на вештачка интелигенција за пишување нови федерални и локални закони како и за преглед и измени на постојното законодавство и други процедури. Веќе осум години тие имаат и министер за вештачка интелигенција.

Европски и украински функционери ги претставиле своите забелешки на американскиот план за крај на војната во Украина. САД објавија дека нивниот план е конечен. Европскиот документ инсистира на отстапки за територијалната поделба, безбедносните гаранции за Украина и за укинувањето на санкциите за Русија. Ројтерс ги пренесува текстовите на двата документи во целост.

Веднаш штом почина папата Франциско на онлајн продавниците се појавија едно чудо нови сувенири со неговиот лик и потпис, од куклички на кои им се ниша главата до разгледници. Медиумското покривање за животот на папата и сè што се случува по неговата смрт ја крена цената на некои сувенири до илјадници долари. Бизнисот на уличните тезги низ Рим е зголемен за 20%.

Германски лекари пред половина век дијагностицирале мистериозен „morbus mediterraneus“ - болест од која страдале работниците што дошле од медитеранските земји. Имало и дијагноза „морбус босфор“ за гастарбајтери од Турција, како и неофицијален синдром „мама-миа“ за Италијанци што бараат боледување. Последици од судирот на култури се чувствуваат и денес по клиниките.

За да ја избегне штетата од трговската војна што Доналд Трамп му ја објави на Пекинг, Епл планира целото производство на ајфони од Кина да го префрли во погони во Индија. Би се избегнале претерано високи царини, а работната сила ќе остане евтина. Но, тоа ќе значи збогување со децениски инвестиции и нов макотрпен процес на обука на работници и градење погони.

Претседателот Доналд Трамп нареди копање руди од дното на морињата и океаните, не само во територијалните води на САД. Целта е да се надмине зависноста од увоз на критични минерали, и да се зајакне економијата со стотици милијарди долари и нови работни места. Денес полесно е да се стигне до Марс отколку до дното на океаните, но веднаш скокнаа акциите на рударски компании.

Опен АИ неодамна ги лансираше новите модели со вештачка интелигенција „о3“ и „о4-мини“ како ремек дела во многу технолошки аспекти, но се покажаа како далеку од совршени. Капацитетите за пресметка и расудувањето им се кренати на повисоко ниво, но ја наследиле старата болка што се влече од првите четботови. Халуцинираат, и тоа многу повеќе од старите „неразумни“ модели.

Анализа на смртни случаи во атински болници во 2022 година покажала дека имало речиси двојно повеќе запишани отколку реални смртни случаи од ковид. Коронавирусот го запишувале како причина за смртта кај сите пациенти со позитивен ПЦР тест, дури и ако немале никакви симптоми. Доктори сметаат дека грешната евиденција била правена намерно, за да се прошири страв во јавноста.

Речиаси за половина е скокната смртноста на златните орли во Америка а мапите покажуваат дека тие најчесто гинат кадешто се најгусти инвестициите за електрична енергија добиена од ветар. Иако „нето нула“ хистеријата е на пауза после Трамп, за орлите нема добри вести. Допрва ќе се градат ветерници чии перки стануваат големи речиси колку Ајфеловата кула.

За неколку недели се очекува да бидат одобрени првите проекти за затемнување на сонцето за да се прават сенки кои теоретски би можеле да го намалат затоплувањето на планетата. Геоинженерски експерименти на отворено ќе создаваат вештачки облаци или ќе им ја зголемуваат рефлексијата на природните. Никој нема поим дали тоа е возможно и какви би биле последиците.

Германски и европски надлежни институции со години не даваат одговори за тестирања на мРНК вакцините, иако податоци одамна се протечени во јавноста. Освен што со ваков молк се губи довербата во надлежните, криењето податоци создава впечаток дека стандардите за безбедноста можеби не се толку високи колку што е неопходно за дозирани лекови што масовно се користат кај здрави луѓе.

Најџел Фараж има посебна вештина да ги идентификува прашањата што се важни за обичните луѓе, а биле заобиколени или отфрлени од оние што се убедени дека знаат подобро. Укажуваше на слободното движење и мигрантите долго време пред неговите ривали да ја сфатат вистинската важност. Би била голема грешка да се игнорираат неговите коментари за нето нула емисиите на гасови.

Од сите грди последици на карантините од пандемијата, можеби најбизарните се тоа што некои очајни луѓе ги искористија како згодна прилика за да имаат секс со дрвја. Денешните зелени екосексуалци организираат глобални конференции и водат сериозни етички дебати за тоа дали е неопходно да се добие согласност од дрвото пред да се прегрне. И сето тоа некој го поддржува и го финансира.

Докторот Ентони Фаучи го удвоил своето богатство токму во периодот на драконските карантини  што ги наметна поради пандемијата на ковид-19. Во детален финансиски извештај на групата Отворете ги книгите се тврди дека Фаучи од хонорари, говори и автобиографијата заработил над 7 милиони долари, додека низ Америка се затвораа работни места и осиромашија милиони граѓани.

Министерот за здравство Роберт Кенеди Јуниор ја разгледува можноста за отстранување на вакцината за ковид-19 од задолжителната листа за препорачана имунизација на деца. Кенеди вели дека нема потреба деца да примаат вакцина чија безбедност е оспорена и цитира студии што покажуваат дека здравите деца се соочуваат со исклучително низок ризик од смрт од ковид.

Републикански сенатор бара Конгресот да отвори нова истрага за терористичкиот напад врз САД на 11 септември 2001 година, за да се проверат тврдењата дека една од кулите на Светскиот трговски центар се урнала од експлозив, а не од ударите на патничките авиони. За Вашингтон, нападите од 9/11 се затворена приказна, а сè друго од официјалната верзија се отфрла како теорија на заговор.

Откако беше откриен таен канал за дискусии во НСА, на кој се разменувале мислења за операции на гениталиите, транс-фетиши и сексуални активности, директорката за националното разузнавање Тулси Габард побара од разузнавачките агенции да ги пронајдат и да ги отпуштат учесниците. Инсајдер тврди дека сексуалните разговори биле само врв од идеолошката санта мраз во НСА.

Пред неполна година американскиот претседател Трамп ги повикуваше жителите на Спрингфилд во Охајо да си ги приберат домашните миленици за да не ги изеде некој мигрант од Хаити. Во слична паника сега се Русите од Владивосток на спротивната страна на светот откако по социјални мрежи се проширија гласини дека снемува многу кучиња, а по градилиштата се множат мигранти.

Директорот на Опен АИ, Сем Алтман, ги повикува корисниците да бидат подрски со Чет ГПТ, бидејќи сите учтивости во комуникацијата со виртуелниот соговорник ја чинат компанијата десетици милиони долари во потрошена струја. Самиот е виновен за сметката. На четботовите им вградија толку многу хумани карактеристики, што човек повеќе не може, а да не им се заблагодари.

Од сите здравствени реформи што ги најави министерот за здравство на САД, оваа се чини најмалку спорна: отстранување на синтетичките бои од храната. Кенеди тврди дека вештачките бои се одговорни за хиперактивност и други проблеми во однесувањето кај децата. Некои сојузни држави веќе укинуваат адитиви, иако регулативата им дава право на прехранбените компании да ги користат.

Со векови трае битката меѓу два економски концепта: протекционизмот на домашното производство и слободната трговија. Резултатите од досегашните епизоди на таа битка не се еднозначни. Демократијата е таква што сака евтини производи што ги овозможува слободната трговија но истовремено и таква што ќе ги заштити домашните производители кога тие се доволно бројни и битни.

Поглаварот на Католичката црква има многу должности и овластувања. Сметан за наследник на Свети Петар, на кого Христос му ја доверил мисијата за управување со Црквата, папата е духовен водач на повеќе од 1,4 милијарда католици ширум светот. Неговата главна улога е да ја зачува и поучува христијанската вера, да ги толкува евангелијата и да го обезбеди единството на Црквата.

Папата Франциско веројатно беше најнеобичниот човек што некогаш седнал на престолот на Свети Петар. Меѓу неговите 265 претходници некои биле неефикасни, други остроумни; имало и злобни и светци; некои многу сакани, други презирани. Но, Хорхе Марио Бергољо беше единствен - во талентот за манипулирање со светското мислење и во извонредната вештина за деструкција.