Телевизискиот норвешки формат специјализиран за урнебесно бавни случувања (на пример, риалити шоу со плетење) сака да ги помести границите на досадата. Планира непрекинат 168 часовен пренос од преселба на едно крдо елени. Од минута во минута!

Јапонија почна да дава упатства и СВОЗ насоки за евентуален ракетен напад од непредвидливите комшии кои ги води она дебелко психопатче Ким Јонг Ун. А немаат што многу да им кажат, освен сериозно да побрзаат.

Инженер по електроника од Орегон на надлежните органи им пишал дека открил грешка во системот кој ги регулира семафорите во државата. Овие го репнале со 500 долари казна. Тој нив ќе им се правел инженер.

Во јануари 2009, Буш си заминува со рекордно низок рејтинг од 22%. Една републиканска претседателска победа подоцна демократите не можат да го прежалат Буш помладиот кој за нив одеднаш стана фигура на разумот и соработката.

Некаде пред почетокот на летните одмори, сајтот ќе го префрлиме на https протокол. Затоа што е така подобро за сите и затоа што натаму оди светот. Читателите не треба ништо да менуваат, маркетинг агенциите - да. Затоа даваме фора.

Само во Соединетите држави има 14.150 Мекдоналдс ресторани. За околу 85% од овие недвижности Мекдоналдс наплаќа кирија (и останати трошоци за лиценцирање) од компаниите што ги работат.

Изборните тела во Кенија не очекувале толкав одзив па испечатиле помалку гласачки материјал од што е потребно. А како да не биде одзивот голем кога локалните шерифи давале дури по два долара од човек за да гласа за него.

Човечки е да се претпостави дека луѓето разумно ги одбираат оптималните рути за стигнување до некое место во градот. Но, исто така човечки е да се биде неразумен.

Преку 90 познати фаци од САД добија предупредување во иднина на своите фанови да им откриваат кога се платени за да препорачаат некој производ. Инстаграм и другите платформи се станат елдорада на скриеното рекламирање и таргетирање млади луѓе. 

Во саботата стотици илјади само-прогласени поддржувачи на науката излегоа на над 600-те итерации на Маршот за наука низ целиот свет, и покажаа колку не ја разбираме науката.

Нуспојава од тоа што Стокхолм се намести како глобален центар за индустриски големи дата-центри е што имаат вишок топлина со која мора некако да се справат. Нуспојава од тоа што се Швеѓани е што оваа топлина ќе ја искористат на најкорисен можен начин.

Претседателот на Марвел студио, Кевин Фиџ, веќе ја наговести можноста за краен датум за сагата за најдоходовниот бренд филмски суперхерои, најверојатно не комплетно туку само како смена на генерации.

Во Британија на гласањето за брегзит младите не го добија она за што навиваа, во САД имаа ист исход за време на претседателските избори. Ништо поразлично не минаа ни во првиот круг од изборите во Франција.

Кокошка ја нападна мајка ми и крава ми провали во домот, се само дел од најчудните изговори за недоаѓање на работа во САД. Скоро 30% од американските работници, инаку здрави прави, барем еднаш во годината не дошле на работа правдајќи се дека не им е добро.

Со години, мантрата на фитнес гуруа, нутриционисти, славни личности, вистински и не така вистински доктори, е: се додека правиш кардио, можеш да правиш криминал во јадење, и пак да слабееш.

Минатата недела 37-годишен маж го убива 74-годишниот Роберт Годвин. Сето ова се случува пред Фејсбук публика. Убиецот прво во видео го најавува убиството, во второто видео го покажува самото убиство, и во третото во живо раскажува за убиството кое само што го извршил.

На млечните и други рафтови по нашите продавници постои фина понуда од секакви млека кои се разликуваат не само по масленоста и другите компоненти туку и по изворот. Ако ве збунуваат сите оние кокосови и бадемови млека, млека од соја и слично, па не знаете што е што, треба само да се запрашате: молзено ли е тоа млеко?

Во старата глобална поделба на развиени земји и земји во развој, САД мазно ги ставаме во првата група. Американски економисти тврдат дека повеќето Американците не живеат во таква земја.

Хуго Фердинанд Бос е еден наизглед обичен германски граѓанин кој го наследува семејниот бизнис за долна облека во родниот град Мецинген, а потоа ја исполнува својата должност кон државата служејќи воен рок. Следува мобилизацијата во 1914, тој учествува во Првата светска војна. Она што таму Бос го учи е дека војната е најдобриот бизнис.

Претставници на Универзал потврдиле дека се разработува спиноф на Брзи и бесни, фокусиран на ликовите Двејн Џонсон и Џејсон Статам во филмот.

Ни клучните документи не можеш да ги читаш на хрватски затоа што на јазикот се преведени само некои, па ако не знаеш англиски, француски или германски, нема да знаеш ни зошто чекаш на границата која не би ни требала да биде тука.

35 угледни американски психијатри се собраа на конференција на универзитетот Јејл за да дигнат аларм дека менталното здравје на американскиот претседател може да биде опасно по земјата. Тие обично не даваат дијагнози пред лично да го проверат некого, ама викаат дека ова се гледа од авион.

Иако потиснувана, хомосексуалноста ретко е системска жртва на насилство во православните општества, можеби е затоа што православните цркви не ги анатемизираат хомосексуалците експлицитно. Ставот на православието кон хомосексуалноста е повеќе став на молк (во споредба со западните цркви). Дечково нема проблем да биде православен геј. Напротив, токму во православниот концепт на личноста, тој си наоѓа место како геј во една религија.

Кога Хедервик студио минатата година ја претставија уметничката инсталација Vessel, впечатоците беа - одличен концепт, а очекувањата беа - ќе остане само концепт. Наспроти ова второво, Њујорк започна со изградба на скалилата кои не водат никаде, и догодина ќе бидат готови.