Иако преќутно е прифатено дека дипломатските претставништва на која било држава ќе служат за шпионирање во корист на таа држава, сепак ваквото дипломатско џентлменство има одредени граници до каде може да оди.

Иако се поголеми стануваат шансите дека наскоро ќе имаме вакцина, малку е веројатно дека тоа ќе биде „нокаутот“ за пандемијата што го очекуваме.

Исто како некогаш во земјите од источниот лагер, луѓе на Запад денес се плашат да зборуваат отворено за своите ставови и мислења од страв да не ја нарушат официјалната догма и да бидат јавно жигосани од оние напорните кои доминираат со јавната сцена.

На една страна се богатите или штедливите или цициите, а на другата страна се разузданите и неодговорни јужњаци кои попрво би арчеле туѓи, со пот заработени пари. Постои само една разлика. До крајот на 80-тите години, ние бевме северот и ние бевме цициите. А сега - фала на прашање - ние сме југот и ние сме мрзите.

Сегашните ковид-19 статистики може да изгледаат ниски само кога во октомври ќе надојде вториот бран на пандемијата. Инаку, се уште сме во првиот бран.

Може не е глобалната доминација на која се надеваа пред 75 години, меѓутоа Германија 3-та година по ред е омилената светска сила на планетава.

За цивилизираниот запад кој систематски ги потепа домородните јазици во Австралија (луѓето, башка) сега дојде време да истражуваат како враќањето на старите јазици би можело да помогне во решавање на менталните и социјалните проблеми на тие луѓе со столчени култури и идентитети кои требаше да ги заборават „за подобро утре“. 

Имунитетот на стадо / групниот имунитет е митолошка појавa која стандардно се споменува како едно од потенцијалните решенија на пандемијата што ја живееме. Треба да се знае дека ова е многу далечно решение, кое може да значи многу, многу жртви, а по ново може и никогаш да не се постигне.

Американскиот центар за заразни болести и превенција објави нови препораки околу ковид-19 по кои пациентите со блага или умерена манифестација на болеста ќе треба да бидат во изолација само десет дена. Потоа, ќе можат да се вратат на работа и тоа без тестирање.

По неколку месеци глобална пандемија, некаде кон средината на јуни, британски доктори објавија дека имале изненадувачки позитивни резултати со дексаметазон, лек кој со години го користат и им е крајно познат.

Дневниот број на новозаразени е далеку повисок од оној што секој ден се пријавува, објавуваат од американското министерство за здравство, а и ширењето на епидемијата моментално е во премногу напредна фаза за САД да се ослонуваат само на тестови и следење контакти.

Како што маските стануваат задолжителни и сеприсутни, така полека почнуваат да се претвораат во најзабележителниот аксесоар што човек може да го има, а тоа отвора сосема други опции.

Само на Амазон е речиси 7 милијарди долари годишно.

Германска сојузна држава забрани носење на бурка и нихаб, и какво и да е прекривање на целото лице за учениците во сите училишта. Забраната беше придружена со порака од премиерот според кого бурка и нихаб не припаѓаат во слободно општество. Истото правило веќе е во оптек на наставници и останат училишен кадар.

Деновиве беше објавена студија изработена по нарачка на британската влада за краткорочните и долгорочните последици од затворањето и карантините поврзани со пандемијата. Накратко, тие мерки ќе го намалат бројот на жртвите од ковид-19 но ќе додадат свои жртви. Оттука и прашањето, вредеше ли?

Замислете Америка, како што го знае лицето на Џорџ Флојд, да ги знаеше лицата на оние 200.000 цивили загинати во окупацијата на Ирак.

По 20-годишна врска, раководството на Хуавеи на 14 јули преку телевизија дозна (Британскиот собраниски канал) дека британските власти ги прекинуваат врските со компанијата околу 5Г системи и технологија.

Поранешната советска република ветува дека ќе му плати 3.000 долари на секој турист кој ќе дојде на одмор во земјата и не дај боже ќе се зарази со коронавирус додека е таму.

Драматичното намалување на посетители, од милиони на само илјада, се должи на пандемијата, а саудиските власти аџилакот годинава го закажаа за 29 јули.

Поразителни беа насловите произлезени од студијата на Кралскиот колеџ во Лондон по која џабе се надеваме на индивидуален и колективен имунитет од коронавирус бидејќи анти-телата траат кратко и потоа нашиот одбрамбен систем повторно почнува од нула. Но, можеби не е сè така црно. Не дека е розово, ама и на сиво човек може да се радува.

Колку што првиот бран на пандемијата беше успешен низ светот (потсетување: уште трае), толку првиот бран на глобалното отворање бизниси и враќање во нормала беше неуспешен, и во блиска иднина (месеци) сето ова ќе остане вака.

Британската полиција ја разгледува можноста да ги исфрли од употреба зборовите „исламисти“ и „џихадисти“. Правеле штета на меѓунационалните односи па се бараат верски неутрални алтернативи.

Додека оваа пролет се прогласуваа карантини и се препорачуваше да се седи дома, луѓето од неонаталните одделенија за интензивна нега забележале видлив пад во бројот на предвремно родени бебиња. Во некои случаи падот е драстичен.

Бројни членови на високите бизнис и политички елити на Русија веќе неколку месеци имаат предвремен пристап до експериментална вакцина против коронавирусот, објавува Блумберг.