Бучноупокоениот фронтмен на Моторхед беше кремиран а неговата пепел била ставена во куршуми кои биле поделени на најблиските пријатели. Така сакал Ѕверот. 

По еден ден галама и негодување во земјата, Меркел им соопшти на лидерите на 16-те германски сојузни држави дека ја повлекува одлуката за затворање дома на целосната германска популација за време на Велигденските празници.

Полицијата соопшти дека започнала со испрашување сведоци а планира меѓу нив да се најде и првиот човек на норвешката влада како и нејзиниот сопруг, за да се расветлат пар непочитувања на ковид мерките кои важат (за сите) во таа далечна земја. 

Како што Бил Маер совршено ќе сумира пред неколку денови, главната разлика меѓу двете држави е што Кина се уште може да истурка големи проекти, а Америка, не баш.

Од почетокот на пандемијата е исто: затворај сè, веднаш и занавек, неодговорен и бахат идиоте! А потоа, минута подоцна: А како и од што мислиш ние да живееме ако нè испозатвориш, деспоте и тиранину?

Пролетта пристигна а американската ендемска болест која остана прикриена за време на ковид пандемијата, крваво се враќа на сцената. После две масовни убиства, Американците се потсетуваат: Да бее, вака изгледаше тоа „нормалното“.

Прво Илон Маск објави на Твитер, а потоа и на сајтот на Тесла беше додадена опција посакуваното возило да се плати со биткоин. За сега опцијата важи за САД, а до крај на годината би важело глобално.

Специјалната известувачка на Обединетите нации за случајот со убиството на Џамал Кашоги добила смртна закана од функционер на владата што е истражувана за убиството.

На милијардите долари што Зум ги направи во првата година од пандемијата и целосносното запирање на светот, компанијата магично има платено вкупно 0 долари данок на профит.

Американските власти тврдат дека Астразенека можеби им испорачала застарени податоци за тестирањето на вакцината за ковид-19, заради што дале некомплетен преглед за ефикасноста на вакцината.

Уште неколку месеци светот ќе биде лишен од Трамп, меѓутоа кога ќе се врати во јавноста тоа ќе биде преку негова социјална мрежа, тврди портпаролот на поранешниот американски претседател.

Данска планира да го лимитира бројот на не-западни жители во урбаните центри. Во едно маало не ќе може да има повеќе од 30 посто такви. Властите сметаат дека кога ги има повеќе од тоа, почнува гетоизација, односно почнува процесот тие повеќе да ја менуваат Данска отколку што Данска ги менува нив.

По критиките од Берни Сандерс дека Безос и Илон претерале со правење пари и натрупале неверојатни богатства, првиот човек на Тесла (и други) одговори дека не му е до парите туку сака животот на човештвото да го направи мулти-планетарен.

Примањето на втората доза од вакцината се претвори во некакво си корона матурирање, кога човек ги спушта сите гардови и тргнува во прослава на својата новостекната авенџерска надмоќ над вирусот. И речиси и да не може да биде попогрешно од тоа.

После цели 40 години, тексашките ренџери се откажаа од хипнозата како истражен метод за решавање кривични дела. Не е мал бројот на луѓето кои се во затвори, некои од нив и на смртни казни, на основа на хипнотизирани сведоци. А хипнотизиран човек знае убедливо да лаже, без да е свесен за тоа.

Откако во немилост падна судијата кој го осуди и го оневозможи да учествува на последните избори на кои, со така расчистен политички терен, победи актуелниот претседател Болсонаро, на политичката сцена во Бразил се враќа Луис Инасио Лула де Силва, омилениот претседател на работниците и најомразениот лик меѓу домашните и странски богаташи. 

Не само што ги губи овие гледачи, туку најголеми се загубите кај клучната старосна група (за продавање реклами) од 24 до 54 години, која се намалила за речиси 50%.

Пошто од мажите се очекува да бидат галантни со пари кога се среќаваат со девојка и тоа им правело притисок, направиле „Лига на штедливи мажи.“ Да подобјасниме: на англиски е „stingy“, на женски е „стипси“, а на машки - „домаќини“. 

Над 350 доктори од цел свет тврдат дека има се поголем број докази дека ковид-19 може да предизвика дијабетес (и тип 1 и тип 2) кај некои пациенти, една подгрупа од нив дури тврди дека ковидот може создал целосно нова форма на дијабетес.

Од делот од планетава кој има нуклеарен капацитет да стави крај на сè на планетава, доаѓа вест која изминативе години престанавме да ја очекуваме да дојде од било каде, а посебно од Пакистан и Индија.

Коментарот на Путин околу ставот на Бајден дека рускиот претседател е убиец, е дека тоа е само одраз на минатите и сегашни проблеми на САД.

За време на неговиот четиригодишен мандат во Белата куќа, личното богатство на Доналд Трамп доживува стрмоглав пад. Човекот сега тежи 700 милиони долари помалку отколку пред да дојде на функција. Ви текнува ли на некој наш кој не-ко-гаш излегол од политика со помалку пари отколку што влегол? Да, глупости прашуваме.    

„Ти вредиш 182 милијарди долари... зошто правиш сè што можеш за да ги спречиш твоите работници да направат синдикат?“ запраша американскиот сенатор за време на сослушувањето на кое требаше да присуствуваат Џеф Безос и Елон Маск.

До сега дваесетина европски држави привремено го стопираа користењето на вакцината на Астразенека, што во пракса само дополнително ги напна односите меѓу експертите за безбедност на вакцини и одговорните за јавно здравје кои стравуваат дека ова ќе го зголеми бројот на жртви на пандемијата.