Идејата дека употребата на социјалните медиуми е штетна за младите луѓе постои со години и постојано се вадат нови докази за тоа. Ако не им верувате на истражувањата, верувајте им на самите технолошките лидери кои ги изградија тие империи што им донесоа милијарди. Наспроти она што го промовираат за другите, кога станува збор за нивните сопствени деца, овие моќници се крајно рестриктивни.
Во класичната филмска комедија „Рибата наречена Ванда“, Џон Клиз има ваква реплика: „Дали имате идеја како е да се биде Англичанец? Да се биде екстремно коректен цело време, да се биде постојано задушен од страв да не направиш нешто погрешно“. Денес 86-годишниот Клиз има далеку поопиплива секирација што е Англичанец: дали неговото практикување на слободата на говорот ќе го направи криминалец во сопствената земја.
Британски Телеграф пренесува делови од Кривичниот закон кој го донеле талибанците и кој освен што забранува школо за девојчиња постари од 12 години а воведува и термин „роб“ за што веќе пишувавме, педантно ја опишува црвената линија на домашното насилство: скршени коски или отворени рани. Жената тоа треба да го докаже во присуство на машки старател. Погаѓате кој е старателот.
Додека европските земји настојуваат итно да ги исфрлат фосилните горива и да ги заменат со ветерници, загрозувајќи ја сопствената енергетска стабилност, Кинезите ги комбинираат предностите на обновливите и традиционалните извори. Градат комбинирани централи и го зголемуваат капацитетот за чување енергија во батерии, заради стабилност на мрежата.
На германскиот канцелар му пречи демократското право на граѓаните анонимно да коментираат ставови и политичари без страв од лични последици. Мерц бара да се претстават со име и презиме, за да може владата да им одговори. Германската полиција, всушност, веќе спроведува рации во домови на луѓе што критикуваат функционери по социјалните медиуми.
Со построгите мерки за издавање визи и засилените депортации, администрацијата на Трамп успеа да ја спушти миграцијата за 80% под вообичаеното ниво. Брзото губење на стотици илјади потенцијални работници дава лажна слика за отворањето на повеќе работни места, како доказ за раст на економијата, предупредува Голдман Сакс.
Ги викаат нано-станови и се помали од паркинг место за автомобил, но за многу луѓе се единствен начин да дојдат до свој кров на глава за што таму се чека и до шест години. Погледај свој (нано)дом, Ангеле.
Високи претставници на виетнамската комунистичка партија одат на „аџилак“ да оддадат почит пред гробот на Карл Маркс во Лондон. Таа работа ја завршуваат и отприлика тука им завршува оданоста кон комунизмот.
Прво ќе биде коректно да се знае дека „засилувач“ најверојатно е погрешен термин, и тоа дека точниот број дози за максимален ефект се уште не е познат.
„Ние знаевме дека тие лажат, тие знаеја дека лажат, знаеја и дека ние знаеме дека лажат а ние знаевме дека тие знаат дека ние знаеме дека лажат. Па сепак, продолжија да лажат“.
Одвратно богатиот газда на Амазон предвидува дека на Земјата ќе останат малку луѓе и дека планетата ќе ја претвориме во своевиден природен резерват. Останатите ќе живеат на други места во вселената. А кога зборува за живот на другите, Безос главно мисли на нивно црнчење.
Пред некој ден Маск на Твитер објави анкета во која праша дали треба да продаде 10% од своите акции во Тесла, и вети дека ќе ги почитува резултатите. На крај, по 3,5 милиони гласови Твитер одлучи дека треба да ги продаде.
Фармацевтската компанија реши да се „оддалечи“ од не-профитниот модел околу вакцината што го практикуваше за време на пандемијата, и потпиша прв договор за продавање на вакцината по цена со пресметан профит.
Зимата доаѓа во Европа, а земји како Германија и Холандија веќе бележат рекордни бројки на заразени. Австрија е подготвена за карантин, кој ќе важи само за невакцинираните лица, кои без посебна причина нема да смеат да излегуваат од дома.
Супермаркет ко супермаркет, има сè од шишиња, батерии, четки за заби, лименки, кутии цигари... единствено што се разликува е потеклото на сите овие производи - отпадот што луѓе го фрлаат покрај локалното езеро.
Кога се најавува условување на слободата на движење, работа и живот со сертификати, сметам дека е моја должност јавно да кажам НЕ за ковид пропусниците - мојата нема да ја користам, иако ми дале „право“ на неа. Нема да бидам граѓанин од прв ред додека мои сограѓани и колеги се третираат како лепрозни, без никакви докази.
Широкоградоста на Франција беше одбележана на церемонија во Париз каде претседателот на Бенин, Патрис Талон, дојде да ги подигне артефактите што Французите ги пљакосале од неговите предци.
Како прво куќиштето на компјутерот е дрвено, има некој прастарен Панасоник монитор на него а и нула од естетиката и дизајнот на Епл. Целата вредност му е во тоа што е Епл-1, првата серија на Епл компјутери што била продавана, и уште функционира.
Уште од старт предупредувањата беа дека обвинувањата за соработка со Русија се без основа ама тогашниот анти-Трамп фронт не сакаше ни да чуе за тоа. Сега кога им е јасно, не сакаат ни да чујат за признавање на сопствената улога во ширењето на оваа лага.
Пингвини со заштитни маски во стомак или риби заглавени во медицински ракавици е сè почеста слика во океаните во кои завршува речиси целата пластика поврзана со пандемијата. На таа тема досега се произведени 8 милиони тони отпад.
Повеќе од 40 години откако го скандализираа христијанскиот свет со „Житието на Брајан“, Монти Пајтон сè уште ги цимаат лицемерите. Само што овојпат во игра не се задрти верници. Тоа сега е прогресивната, разбудена и освестена толпа.
Доскорешна инженерка во Фејбук која на регулаторите им има пратено илјадници интерни документи од кои е јасно дека Фејсбук е свесен дека с'ска луѓе на кавга, го објаснува главниот механизам: Колку повеќе негативни коментари, толку повеќе пари за Фејсбук.
3 милиони фунти од буџетот на Британија се потрошени на 4-годишно следење на искуствата на бремени мажи и судбината на транс луѓето во Либан, како дел од пакетот за трансродови истражувања.
Ваучер и готовина од 100.000 јена (882 долара) ќе им бидат дадени на сите деца во Јапонија на возраст до 18 години, како дел од пакетот за стимул на тамошната економија.
Легендарниот Ван Морисон е генерално напизден на сите карантини, локдауни и други мерки за ограничување на слободата а конкретно го има безецирано министерот за здравство на Северна Ирска. Ќе мора да се разберат на суд.
Како што Белорусија ја испорача најдолгата колона арапски бегалци на границата со Полска, така премиерот на Полска, порача: „Границата на полската држава не е само линија на картата. Оваа граница е света, и за нејзе е пролеана крвта на генерации Полјаци“ и објави дека 12.000 полски војници се ангажирани на границата.
Дали слушнавте за хиперсоничната ракета на Кина? Не сите слушнаа затоа што најголемиот дел од медиумскиот и политички интерес околу овој шок кој има потенцијал да натежне во корист на Кина, исчезна побрзо отколку што самата ракета може да лета.
После токсичната машкост, терминот „токсична позитивност“ сè почесто циркулира наоколу а е несакана нуспојава од бранот „позитивност“ кој го шират лајфкоучери и други непостоечки занимања.
